روح تراني طايب النفس مابغاك حكم طغى ماعاد ينفع نظامه

البارت ١٣

خذت توق نفس عميق تزفره وقالت : انا موافقه مدامكم موافقين
وراحت ركض لغرفة رغد وتوقعوها مستحيه بس مايدرون وش الي صاير
راشد : رح عطهم موافقتها
جراح : ابشر
رجعت فلك عند الحريم
وجراح وراشد ومحمد عند الرجال
جلس جراح وقال : الله يكتب الي فيه الخير وافقت البنت
ابتسم رعد وقام يسلم عليهم وقال : اذا ماعليكم امر ياليت تكلمونها عن الملكه واننا نستعجل فيها عشان وراي سفره بعد اسبوعين وابي اخذها معي
جراح : ابشر بكلمها الليله

دخلو البنات غرفة رغد يشوفون توق الي مغطيه وجهها بكفوفها وصوت شهقاتها واصله لبرا سكرت توليب الباب وراحت تجلس جنبها
توليب : توق وش صار !!
توق من بين شهقاتها : ماكنت ابي نوصل للطريق هذا مابي كذا يا توليب تسرعت بكلامي
مسكتها توليب تلفها لها وملامح الصدمه محتله وجهها : وش صار قولي
توق : رعد
خذت نفس عميق تحاول ترتب كلامها
______
كانت رنا بمنتزه جديد وماسكه كاميرتها تصور نزلتها من شافت شخص شكله جذبها كان مستند على الدباب ولابس اسود بأسود ويكلم بالجوال وملامح الجديه محتله وجهه
بدون وعي منها رفعت كاميرتها تصوره كم صورة نزلتها تناظر الصور واستوعبت على نفسها
رنا بهدوء : استغفرالله وش جاني اصور ولد الناس
لاحظ انس فلاش كم مره حوله وناظر المكان الي يجي منه وشاف بنت منقبه ماسكه كاميرا وتصوره نزلت راسها تناظر الصور ولما شافت صورة له وهو يناظرها رفعته تناظره بصدمه ممزوجة بخجل اما هو تقدم منها وهو مبتسم بمجامله لها
انس : السلام عليكم
رنا بتوتر : وو وعليكم السلام اسفه والله ماكنت اقصد مدري كيف سويت كذا
انس : ماعليك انا راضي ااا ممكن تكملين تصوير ؟؟
رمشت اكثر من مرة وهو ضحك على شكلها يكمل : مدامك صورتيني كملي ابي الصور
رنا : مدري بس .. طيب تمام
رجع انس مكانه على الدباب اما هي قربت شوي توقف قدامه بمسافه وتصوره الصور الي طلبها
لما خلصت مدت له الكاميرا يشوف الصور ولاحظت علامات الرضا على وجهه
انس : ممتاز كيف اقدر اخذها ؟؟
طلعت رنا بطاقه من شنطتها تمدها له : هذي بطاقتي والرقم موجود عليها
هز راسه ولف يلبس خوذته يركب دبابه اما هي راحت لسيارة السواق ونبضات قلبها متسارعه مزيج بين التوتر والخجل
ناظر انس ظهرها الي اختفى وابتسم يهز راسه بأسى منها
انس : طولك مايعطي انك كبيرة يا المصورة
شغل دبابه يحرك لبيته متجاهل العيون  الخبيثه الي كانت مراقبته
_______
كانت تدور بالغرفة مو مستوعبه الي سمعته قبل شوي وتحس انها بتنجن
توليب : انتي مستوعبه توق ليش وافقتي ليش مو قلنا مافيه شي مهم ليشش دخلتنا السجن ابرك من انك تتعذبين حرام عليك توق انتي تعرفين رعد اكثر مننا كلنا وطبعه زواجكم بيدمرك انتي وياه هو متوقع انه بيدمرك بس بيدمر نفسه معك توق وش سويتي
رغد : توليب خلاص زي الببغاء اهدي شوي بنلقا حل
ولاء : اي حل خلاص وافقت مانقدر نسوي شي بس تقدرين تهربين توق
ناظروها كلهم بصدمه من الي تقوله ورفعت كتفها بمعنى <<وش >>
اشرت توق على راسها بمعنى الجنون : مجنونه انتي وش اهرب
رغد : اقول شيلي الفكرة من راسك على بالك اهلنا لو سمعو بيتركونا بحالنا والله يعلقون مشنقتنا بنص الحديقه
توليب الي كانت واقفه عند الباب تناظر من خلال الفتحه الصغيرة : خلاص اوصص واضح اصواتنا واصله عندهم اسكتو وامشو ننزل قبل محد يشك بوضعنا
وقفت توق تروح للتسريحه وخذت مناديل تمسح طرف عينها من الدموع تجدد مكياجها وشكلها خذت نفس عميق تمسك يد ولاء الي مدتها ينزلون للصاله معهم
جلست جنب رنيم وفكرها مشغول بزواجها من رعد وكيف بتكون حياتها معه والمشكله لما يعرف انها نفسها توق من الطفوله ممكن يفكر بطريقه ثانيه وانها خدعته حطت يدها على جبهتها بصداع تغمض عيونها
رنيم : توق فيك شي ؟؟
توق : هاه لا
حوريه : متأكدة وجهك قالب لونه صاير شاحب
ردت توليب بسرعه تحط يدها على ركبة توق : لا وين تعبانه بس واضح مانامت زين من بعد الدوام صح توقه!!
توق : ايه ايه صح مانمت زين مافيني شي
نوال : طيب اذا تبين تروحين تنامين عادي عشان واضح وراك مشوار طويل
غمزت لها وعقدو حواجبهم من كلامها
ولاء : وش قصدك نوال !!
نوال : صح كنتو فوق امك يا توق قالت ان رعد يبي الملكه والزواج مع بعض وبسرعه عشان وراه سفره بعد اسبوعين
رغد بهمس : ابك وراه مستعجل وش شايف يا توق
صرخت بألم من قرصتها ميرال بقوة
ميرال : ماتعقلين انتي
رغد : اححح ولعنه يا حمارة وش ذي القرصه وجععععع
ميرال : تستاهلين اعقلي
رغد : وجعع وش اسوي يعني ذي جا فارسها وبتعيش حياة رومانسيه و
عضت على شفايفها تستوعب وش قالت وهي عارفه سبب زواجهم وناظرت توق الي تناظر قدامها وشاردة الذهن
وقفت ولاء وصفقت مرتين : لايكثر بس حياكم على العشاء امشو
توليب : ايه ايه يالله توق قومي