روح تراني طايب النفس مابغاك حكم طغى ماعاد ينفع نظامه

بارت ٢٥

جلست توق جنب توليب وبالنص ولاء الي كان صوتها هامس وتقول شي
توق : وشفيكم قولولي
ولاء : قربي بس خلك هاديه
هزت راسها تقرب تكمل ولاء : انا انخطبت
ميلت راسها توق مع عقدة بحواجبها : انخطبتي ؟؟؟
هزت راسها تكمل : معتصم خطبني هذا كلام امي ومن صباح الله خير يمدحون فيه صرعوني قلت لهم انا رافضه رافضه بس مايفهمون
رغد : طيب ليش بترفضين عطينا سبب مقنع
نزلت ولاء نظرها ليدها تهمس بهدوء : كلهم يخونون
توليب : تكلمين نفسك ماسمعنا شي
رفعت راسها تهزه بالنفي : لا لا بس كذا مابي اتزوج الحين
توق : طيب استخرتي ؟؟
ولاء : لسا بس برفض
ميرال : طيب استخيري يا غبيه وشوفي اذا كان نصيبك ورفضتيه بتندمين
ولاء : على ايش اندم هو وراسه المربع ذا
رنيم : ولوي خذيها مني استخيري مرة مرتين و ثلاثه واذا ماحسيتي براحه ارفضي وبس اذا ارتحتي وافقي
زفرت ولاء تتكتف ترجع ظهرها للخلف
كملو سوالفهم غير ملاحظين رنا الي سمعت كلامهم بس الي خلاها تنصدم او تنصرع ان اسم اخوها بالسالفه ناظرت هازان الي بادلتها النظرات
رنا بهمس : لاتقولين لي انها نفس الشرطيه الي يلاحقها ، بس ليش ماقال لي عن موضوع الزواج
هازان : ممكن عمي بس يدري ، وفرحات المريض بعد
ملك : خلاص يا اختي وشفيك على الرجال
هازان : كملي سوالفك بس مع البنات
تأففت ملك ترجع تلف على لمار ويارا تسمعهم وتشاركهم الحديث
بعد فترة قامو على العشاء يتعشون
ميس : ولاء ممكن تروحين تنادين تميم
ولاء: تمام بناديه
طلعت ولاء تتلفت يمين ويسار تشوف حولها ومالمحت اي طفل
ولاء : تميم حبيبي وينك ماما تستناك

كان مع العيال بالمجلس وسمع صوت باب ينفتح لف وشاف ظهر بنت لابسه فستان ذهبي ماسك عليها بطريقه حلوه اكمامه توب ونسقته مع كعب لحمي
سمع صوتها وهي تنادي وعرفها
يوقف بهدوء بدون مايلاحظه احد يروح لها ناظر حوله يشوف اذا فيه احد واقل من ثانيه يسحبها للجهه الثانيه يدق ظهرها بصدرة
لفت بسرعه ورفعت كف يدها تضربه على وجهه بذهول
ابتسم من لف وجهه يعض باطن خده بأبتسامه
معتصم : بتقبلها لأنها من الحلو الي قدامي
ولاء : وش تسوي هنا
معتصم : بتصيرين تشوفيني كثير ابوك وجدانك تعرفو علينا يا حضرة الضابط
عقدت حواجبها يكمل : وتشوفيني اكثر وتتصبحين وتتمسين بوجهي ، يا زوجتي المستقبليه
رمشت تفتحها وهي متوسعه من ثقته ولاء : دقيقه دقيقه انت واثق اني بقبل فيك انت وراسك
رفع حواجبه يبتسم بذهول : ذا الراس تتمناه مليون وحدة
نزلت كفوفها لكفوفه الي محاوطه خصرها وظهرها تحاول تبعدهم : ايه ايه قصدك ممرضات المستشفى بس وخر عمى
معتصم : ايه شفتي كيف مخقق الاجانب بعد محظوظه فيني ، لو حليتي اللغز ماكان صار كذا
وقفت من شد عليها اكثر يقربها
ولاء : توقعت انك صاحب الورود ، حركات روميو وجولييت مو عندي دز
شل حركتها من نزل يقبل خدها قبله هادئه مثل هدوئه وبرودة
رفعت كفوفها لصدرة تبعده عنها
ولاء : لاعاد تتمادى سامع وعرض زواجك خله لك
قبل ماتبعد يده عن خصرها رفعت رجلها تدعس على رجله تضربها ، بعدته وراحت تشوف تكشيرته من الالم
معتصم : صدقيني طرق عن خشمك يا ولاء
تجاهلته تدخل وشافت تميم بحضن ميس وراحت تقرصها
ميس : اححح لعنه
ولاء : لي ساعه ادوره برا وبالأخير هنا
ميس وهي تحك مكان القرصه : توه جاي وبعدها دخلتي مالحقت اتصل
ناظرتها بشك تجلس مكانها تبدا تاكل
ميس : ليش وش صار ؟؟
نزلت ولاء الشوكه من يدها تناظرها بطرف عين : ماصار شي
رفعت ميس حاجبها تميل نفسها عند اذنها وهمست بصوت ضاحك : ابوس الخد المورد انا
ولاء : وش اي خد ومورد ايش !!
خذت ميس الجوال ترفعه بوجهها تخليها تشوف تورد وجهها
ميس : ايه وش صار يا حلوتي
ولاء بحدة : كملي اكلك ولا ضربتك
صدت ميس عنها بأبتسامه تكمل اكلها
___
دخلت غرفتها بتعب وكعبها بيدها حطته وخذت لها بجامة خفيفه دخلت الحمام وبدلت تمسح مكياجها وخلت شعرها على راحته بعد مافكت البنس منه ، خلصت تمسك جوالها تنسدح على السرير تطقطق فيه جتها رساله خلت وجهها يصفر ، الرساله عبارة عن صور لها شخص مقتحم خصوصيات جوالها وماخذ كل صورها و مرسل لها موقع مكان
عدلت جلستها لما قرت الرقم غمضت عيونها بغضب ترمي الجوال على السرير وقامت لغرفة الملابس تاخذ عبايتها وبدلت ملابسها رجعت تاخذ الجوال ومفاتيحها تفتح الباب وتطلع
شافتها امها توقفها قبل ماتطلع : رغد على وين الوقت تأخر ؟؟
رغد بعجله : مو مطوله عندي شغل
وعد : بس ...
راحت رغد قبل ماتكمل امها كلامها