روح تراني طايب النفس مابغاك حكم طغى ماعاد ينفع نظامه

البارت ٢٢

نزل فارس من السيارة يشوف باب البيت مفتوح ومن جوا فيه صراخ بنت عرف انها ميس ركض يدخل يشوف مساعد الي تهجم عليها وورا كاسر فار الدم بعروقه من المنظر وتقدم بسرعه يمسك رقبة مساعد وكاسر يدق روسهم ببعض طاح كاسر يمسك راسه ومسك فارس مساعد يضربه ضرب لو انضربه كافر اسلم
مسكه من ثوبه يدق روسهم ببعض يطيحه يتلوى
ناظر فارس الملاك  الي تبكي ووجهها تلون من علامات الضرب ورغم كذا كان جمالها يغطي على كل شي
فارس : سوو لك شي ؟
هزت راسها بالنفي عدة مرات من الخوف ومنظر فارس المعصب تلفتت يمين ويسار وخذت جلال الصلاة الي بالغرفة تحطه عليها وفارس لما استوعب صد عنها
فارس : اطلعي رغد برا معها تميم
رفعت نظرها له وبعدها وقفت تطلع من الغرفة تشوف انس الي دخل
انس : ميس كيف ؟؟
ميس : د.خلو علي و...
سكتت وفهمها انس يتوجه للغرفة يشوف فارس الي وقف فوق روسهم
انس : مب هين يا فروس استفدنا من العضلات
ناظرة فارس بحدة يرجع نظرة لمساعد يرفس ظهره بقوة : انطم وش بنسوي بالجنس المجهول ذا
انس : ولاء اتصلت على دوريه بيجون ياخذونهم بس لازم نتواصل مع توليب عشانها محاميتها
_____
فتحت توليب عيونها تناظر حولها تتذكر امس تكلمو هي واسر الين نامت
لفت تناظرة وهو نايم تأملته فترة ولاحظت المفاتيح على الطاوله رجعت نظرها له وعدلت جلستها تقوم بهدوء بس ماسمح لها من حس بحركتها يسحبها تصير فوق صدرة
اسر : ماراح تطلعين انسي
توليب : افف منك يا اسر خلاص
ابتسم يمسك على خدها
اسر : تذكرين لما كنتي تسوين لي كذا 
توليب : يعني انت مروق لدرجة تتذكر كل حركاتي ؟
ابتسم يرفع حاجبه بمعنى ايه
كانت بتتكلم بس سكتت من سمعت صوت جوال يرن عقدت حواجبها تناظرة وابتسم بوهقه يقوم وهي جلست جنبه فتح الدرج يطلع جواله توسعت عيونها وضربت كتفه بقوة
توليب : يعني كان هنا من اول ومسوي انك مضيعه ، ليش ماتروح تتعالج عند حوريه بتسوي لك خصم
تجاهل كل كلامها يرد على الجوال وكان اتصال من المركز سكت ثواني يناظر توليب الي استغربت من سكوته وملامح وجهه الي تغيرت
اسر : طيب خلاص جايين
سكر الخط يرجع نظرة لها من تكلمت
توليب : اسر وش فيك تغير لون وجهك ؟
اسر : انتي مطلعه امر ابعاد بحق مساعد زوج ميس !
رمشت اكثر من مرة تهز راسها : شدخله بالموضوع يعني ؟
اسر : قومي بنروح المركز ، كسر امر الابعاد وتهجم عليها على اخر لحظه لحقو عليها
وقفت توليب معه تروح تلبس عبايتها نزلت تستناه يبدل وناظرت الصاله من منظرها حق امس
نزل اسر يفتح الباب وطلعو للسيارة
اسر : ترا لما نرجع بتجين معي
توليب : خير مابي !!
اسر : اجل كيفك بنرجع هنا واقفل عليك الين ماترضين
ناظرت حولها ولقت قارورة مويه فاضيه مسكتها ترميها عليه وتكتفت تطالع الدريشه
_____
ناظرت توق فلك وهيا الي معها كوب اعشاب كشرت من عرفت ايش الي جواه وصدت
فلك : توق يالله اشربي
توق : يمه تكفون خففو علي مابي
هيا : لازم يابنتي عشان تطيبين
نزلت راسها ورفعته تاخذ الكوب منهم شربت شوي وكشرت تبعده
توق : اعهخخ رجعوني للشغل احسن لي من ذي الاعشاب
جلست رنيم جنبها وخذت الكاس تشم ريحتها تكشر
رنيم : كيف تشربونها ذا !!
طق الباب رعد ودخل يسلم عليهم
طلعو بعدها يخلونهم
رعد : تبين نروح تفكين الجبس
توق : نقدر ؟؟
رعد : ايه  اعتقد كملتي اسبوع ، قومي نشوف
هزت راسها تقوم تلبس عبايتها
يمسك يدها يساعدها ينزلون
___
رفعت ولاء عيونها للشخص الي تقدم منها وماتعرفت عليه بحكم انها اول مرة تشوفه ولا قد لمحته من قبل
فرحات : السلام عليكم
ولاء : وعليكم السلام تفضل ؟
مد لها فرحات باقة ورد جوري كبيرة
ناظرتها بصدمه ومسكت راسها بصداع من ذا الشخص الي يرسل لها ورد كل يوم بدون ملل او كلل
ولاء : مين مرسلك
ابتسم فرحات بوهقه يحاول يرقع
فرحات : وصلني الطلب واللوكيشن هنا مو انتي ولاء ال حمد ؟
ولاء مع تنهيدة : مع الاسف هي انا
خذت الورد تحطه على الطاوله تشوف
الكرت المكتوب عليه اول حرفين من اسمه فقط  ناظرت فرحات الي كان بيروح توقفه
ولاء : وش اسمك انت ؟
فرحات : هاه انا ليش !
ولاء : عادي لاتقول اقدر الحين اطلعه واشوف وضعك انت والاهبل الي مرسلك
تورط فرحات وتحسب على معتصم من جوا
فرحات : اسمي فرحات فرحات ال صقر
ولاء : ان شفت ورد هنا ولا هناك مرة ثانيه الزنزانه تستناك
خذت الملف من على طاولتها تروح تتركه
راحت تشوفهم واقفين ومساعد وكسار لسا بغرفة الاستجواب وميس بعد
ناظرت تميم الي عجزو يسكتونه من كثر البكاء وخوفه
جلس فارس قدامه يمسح له دموعه ويهديه
ولاء : للحين ماطلعت ؟؟
رغد : لسا قدرو يتواصلون مع اسر ويقول انه جاي وشكل توليب معه
ولاء : شي اكيد كلهم اختفو بنفس الوقت
قاطع كلامهم دخول توليب ووراها اسر
توليب : ولاء
ناظرو مصدر الصوت تجي توليب تحضنهم : وش صار ؟!
رغد : تهجم على ميس وضربها
هزت راسها توليب بفهم وخذت الملف الي مدته لها ولاء تدخل غرفة الاستجواب الي فيها مساعد
اسر : امشو الغرفة الثانيه نقدر فيها نسمع
____
كانت هند قاعدة وقدامها شخص جايب لها ملف عن توق
هند : هذي الصفحه اسم ابوها سلطان والاولى جراح كيف كذا ؟
الشخص : غيرت الاسم بأمر من وزارة العدل بس بالدمام كانت معروفة بنت سلطان وهنا لو تسألين عنها بيقولون توق جراح ، صايره لخبطه هنا
هند : ماعليك مردنا نكشف كل شي عنها
الشخص : طيب عندك خبر انها تزوجت ؟؟
عقدت هند حواجبها يكمل : تزوجت الرائد حقكم رعد
لانت ملامحها بصدمه وعدم تصديق
___
جلست توق فوق السرير وجت الممرضه ووراها عبد السلام  مسكت المقص تبدا تفك جبسها وتوق متوترة من منظر الجرح حقها وكيف بيكون
توق : عبد السلام وش منظرة
ابتسم عبد السلام بخبث يمثل الصدمه وعدم التصديق
عبد السلام : توق وش مسويه انتي رجلك تشوهت وشكل ذا التشوه بيقعد معك طول حياتك
توق: ايش!!
نزلت نظرها لرجلها تشوف مكان الجرح اختفى باقي بس اثر خفيف
رفعت نظرها له بحدة
توق : يا اب ... نسيب الكلب
رعد : بنت مين الكلب
توق : محد محد اخلص انت الثاني اقدر امشي ؟؟
عبد السلام : شدراني انا بس جيت اطقطق طفش روحي للأشعه وبعدها عند الدكتور حقك ويقولك
مسكت المخده ترميها عليه توقف تروح لقسم الاشعه تاركتهم
___
رمت توليب الورق بوجه مساعد وهي معصبه
توليب : انا وش قلت من قبل خلاص انت طلقتها وجاك امر انك تبعد عنها بس كسرته ، اصلا ملفك فيه كثير شكاوي وفوقها عنف ضد مرأة ماراح ينسكت عن هذا نهايتك بتنسجن عشان كذا ودع اخوك وصل ركعتين يمكن ربي يهديك
طلعت تتركه يصارخ ويتلفظ بس وقفها لما قال : يا بنت ال
ماكمل كلامه من رمت عليه الملف بقوة
توليب : طاري اهلي لايجي على لسانك سامع يا نجس
طلعت من الغرفة واستندت على الباب بتعب مسكت راسها بصداع بسبب الاحداث الي جت ورا بعض وقضية بينار الي للحين ما انحلت
رفعت نظرها لميس تروح جنبها
توليب : تحررتي بينسجن بتعيشين حياتك مع ولدك وبس
ناظرتها ميس وحضنتها تبكي بفرح
ميس : تحررنا منه اخيرا تحررنا الحمدلله
ابتسمت توليب تبادلها الحضن
بعدت من شافت فارس جايب تميم الي ركض لما شاف امه وقفت تحمله تحضنه بقوة تدور فيه
ميس : روح الماما ارتحنا ماعاد تخاف منه ابدا ماعاد يقرب مننا
كان تميم يضحك بفرح من منظر امه والي تسويه له
ابتسم فارس يتكتف يناظرهم

وقف اسر جنب توليب يناظرها
توليب : نقدر نروح ابي ارتاح
اسر : طيب امشي
مشت قدامه للسيارة وهي طالعه شافت انس
توليب : اركب شوي واجيك
اسر : على وين
تجاهلته توليب وراحت عند انس الي كان واقف يتبوسم للجوال
هبدته على ظهره خلته يلتفت لها بخرشه
انس : يعني تختفين بدون لا سلام ولا كلام ولما ترجعين تخرشيني حرام عليك
ضحكت توليب على منظرة تناظر جواله
توليب : وش مسوي عارفتك سربوت تتبوسم ليه ؟
انس : ابد بس فيه مصورة صورتني وكلمتها ترسل لي الصور وبس
توليب : مصورة ؟؟
انس : ايه مصورة
توليب : شسمها ؟!
طلع انس البطاقه الي عليها رقمها واسمها يمدها لها
خذته تناظرة ترمش : ال صقر ، شكلها اخت معتصم
انس : معتصم ؟ الطبيب حق القضيه
توليب : ايه ، نفس اسم الاب والعائله
انس : سبحان الله الصدف كثيرة
كانت بتتكلم بس قاطعها اسر الي ضرب بوري لها
توليب : طيب انا بروح الحين
انس : دقيقه دقيقه وش تروحين فهميني ؟
ناظرت توليب اسر الي بالسيارة ترجع نظرها على انس
توليب : انا وياه تزوجنا يا انس
انس : هاه!!
هزت راسها يكمل : طيب ليش ؟
خذت نفس عميق تزفره : عرف بعلاقتي مع جابر احد مرسل له فيديو هوشتي معه وصورة لنا ، مع السلامه
راحت توليب تترك انس بصدمته وذهوله
ركبت جنبه تربط الحزام تسمعه يقول بصوت بارد : لا كان نمتي عنده بعد
توليب : وش تبي انت حارسي ترا اعرفه قبل مااعرفك
اسر : ايه صح وانا اعرفه بس مايعجبني كثرة كلامك معه
توليب : ماني قايله شي غير انه زي اخوي وانا زي اخته لاتسوي فيها الغيور
تجاهلها يتحرك للقصر
توليب : كيف بتقولهم عن زواجنا ؟
اسر: ندخل ونقولهم بس
توليب : بكل بساطه وامك !
اسر : لاتهمك مالها علاقه فينا ذي حياتنا
____
دخلت توق عند الدكتور حق العظام وهو يشوف الاشعه حقتها
الدكتور : تحسنتي بس مو مرة يعني لاتضغطين على رجلك كثير وبكتب لك مرهم عشان يخفف جرح عمليتك
خذ رعد الورقه من الدكتور يناظرها : يعطيك العافيه دكتور
طلعو من مكتبه وركبو السيارة
رعد : بجيب المرهم واجيك
هزت راسها بصمت تمسك جوالها تطقطق فيه
___