روح تراني طايب النفس مابغاك حكم طغى ماعاد ينفع نظامه

البارت ٢٠

ودع اسر سامر وماهر يدخل لبيت المزرعه
يقفل الباب
ناظرته توليب من حركته توقف قدامه
توليب : ليش قفلته
اسر : بنقعد هنا الين نتفاهم
ضحكت توليب بسخريه تقول : وش نتفاهم عليه اسر انت لاعب على ابوي ومدخل ماهر بالسالفه تزوجتني بهذي الطريقه وسكتت بس الحين تبي نتفاهم
وش نيتك بالضبط
طنشها اسر يروح للغرفة فوق وهي لحقته بغضب تنادي عليه وهو مايرد مسوي نفسه مايسمع فتح باب الغرفه يروح للدولاب يطلع له تيشيرت ابيض وبنطلون اسود
اسر : تطلعين ولا بتجلسين تناظريني
توليب : ياشيخ الله يلوع كبدك وع
اسر : بسرعه على بالك مرتاح بملابس الدوام اخلصي
شمقت له تعطيه ظهرها وطلعت من الغرفة تنزل تحت للصاله شالت عبايتها وكانت لابسه توب ابيض وبنطلون بيج ناظرته من نزل وتوجه للمطبخ لحقته وهي متنرفزة منه ومن برودة
توليب : اسر تكفى افتح ذا الباب وكل واحد يروح لطريقه من البدايه واضح مالنا نصيب
اسر : بس الحين عكس الي تقولينه ورجعنا تزوجنا
توليب : ايه بس واضحه نهاية هذا الزواج طلاق مرة ثان....
شهقت من حاوط خصرها يقربها منه بحيث صارت كلها ملازقه له ووجهها قريب من وجهه انفاسه الحارة والهائجه عليها اما هي تتنفس بسرعه وتوتر
تقشعرت من همس بصوت خافت
اسر : ان جبتي مرة ثانيه طاري الطلاق اني لا اقص لسانك ما صدقت اني لقيتك مرة ثانيه وتبين اتركك يا حرم اسر
كانت ساكته وتناظره بهدوء وتحس بتوتر شديد
نزل نظرة لثغرها وهي فهمت وش يبي حاولت تبعد بس ماسمح لها من حط يده ورا عنقها يقربها له يتذوق شهد ثغرها الي مر زمن عليه ويا حلاوة الشعور الي فقده
حس ان الحياة رجعت له من جديد 
توليب تصنمت لمدة دقيقه الى دقيقتين تجمعت الدموع بعيونها من القهر والوضع الي هم فيه حالهم صعب تحبه وبنفس الوقت صراع مع نفسها تبعده ولا تبادله 
رفعت يدها تستجمع كل قوتها وبعدته بقوة ترفع كفه يدها تصفعه لا اراديا
غمض عيونه من الحرارة الي داهمت خده
وناظرها بصدمه يشوفها تمسح ثغرها بقوة والدموع متجمعه بمحاجرها
توليب : مريض يا اسر مريض لاتقرب مني خلني بحالي
غمض اسر عيونه بقوة ورجفت يده يضرب الطاوله الي قدامه بقوة خلت توليب ترفع كتفها من قوة الصوت وطلع ينزل تحت لصالة البلياردو حيث يمارس هوايته المفضله والي يقدر يهدي نفسه فيها اما توليب
طلعت من المطبخ وراحت للصاله تكورت على نفسها تغطي وجهها بكفوفها تبي تبكي وبنفس الوقت ماتبي مشاعرها متلخبطه كثير
_______
جلست حوريه بمقهى وتطقطق بجوالها اعتدلت بجلستها من حست بقدوم احد عندها وعيونها لسا على الجوال حط الطلب على الطاوله وشكرته بدون ماترفع نظرها بس عقدت حواجبها من تحت نقابها لما حست بأحد جلس
حوريه : سلامات يا.. ، عساف !!!
كانت متوقعه انه احد ثاني او الموظف
عساف بأبتسامه : عيونه وقلبه
حوريه : وش تسوي هنا كيف عرفت مكاني
عساف بثقه : مو صعب علي اعرف مكانك يا حوريتي
غمز اخر كلامه اما هي كشت عليه بيدها
حوريه : ياشيخ الله يلوع كبدك وع
وش تبي اخلص
خذ عساف كوب القهوة يشرب منه تحت صدمتها ناظرته وهو يحطه وقال بتلذذ : ذوقك حلو والله بالقهوة اا وين كنا ايه صح بجي اخطبك الاسبوع الجاي
حوريه : اول شي خير تشرب من قهوتي مين سمح لك ثانيا انا مابيك ثالثا  الاسبوع الجاي مو فاضين يعني مافيه اي فرصه لنا
عساف : قهوة زوجتي وعادي هذا اولا ثانيا الا تبيني وواضح من عيونك بس تكابرين ثالثا واخيرا الا جدولكم عندي وخاصة انتي فاضيه يوم الاربعاء اجازتك
حوريه : وش ذا الهوس يا ابوي الله يعين بس لاتكون بتحبسني بالبيت
عساف : تصدقين فكرة بس مع الاسف مقدر ولا سويتها
ناظرته بذهول وقالت : مهووس ما الومك لما جيت تتعالج
ابتسم عساف يستند بيده على الطاوله : مهووس فيك والله انتي علاجي انتي دائي ودوائي انتي كل شي بحياتي يا حوريتي لي سنين استناك وابيك مليت وانا اراقبك لقيت المستشفى الي تشتغلين فيه وسويت نفسي مريض بس عشان اشوفك كان ودي اقولك عن حبي وهوسي وعشقي لك بس ماقدرت كل مرة يجيني خوف من تركك لي
كانت تناظرة بهدوء وخجل من كلامه ماتوقعت ولو واحد بالميه تكون كمية حبه لها كذا ماتنكر احساسها احيانا بمشاعر لمهووسها بس بنفس الوقت تقول هذا بس عشانه شعور جديد حماس لأن الي بالأفلام قاعد يصير لها بس الي عارفته ومتأكدة منه ان وقت الجد بتعرف حقيقة كل شي
وقفت من على الكرسي تاخذ شنطتها واغراضها
حوريه بهدوء : مع السلامه
طلعت من المقهى وعساف يناظر ظلها الي اختفى ركبت سيارتها وتركته تروح لقصرهم
اما هو خذ نفس عميق يوقف هو الثاني ويروح
___
دخلت لميس قصر ال راشد وجلست بالصاله بعد ماقالت لها العامله ان البنات شوي ويجون خذت جوالها وارسلت بقروبهم انها وصلت وهي الحين بالصاله