دخل اسر وهو معصب وينادي امل بصوت عالي هز اركان القصر
نزلت بكل برود ووقفت قدامه تتكتف
جت ساميه وحوريه الي كانت موجودة بالبيت وعبد الحميد من صوته العالي وهم مستغربين وش الي وصله للحاله ذي
اسر : وش مقصدك من روحتك لبيتي وذابه نص الاغراض والصور وتعديلك للأشياء لوين تبين توصلين
امل : ذاك بيتي يا اسر اروح متى ما ابي وكنت ناويه اروح اليوم احط اغراضي مدامك تقعد هناك خلاص اصير اجي عندك ونسكن بالبيت ولا هو ليش موجود!
دعك اسر مابين حواجبه من كلامها الي استفزه وقال بصوت ثقيل ومليان حده : وين الصور اخلصي
امل : قصدك صورها ؟؟ يا اسر انا زوجتك مو هي كيف محتفظ بصورها للحين كيف تخوني كذا
اسر : امل كلامي واضح الصور وين
امل : مستحيل اقول بسببها خربت حياتنا قبل ماتطلع هي وتصير معك بالدوام كانت حياتنا حلوه
اسر بأنفعال : ماكان فيه شي حلو لو ماسويتو خططكم الشيطانيه انتي وياها
اشر على امه يكمل بصوت شبه منفعل : كنت للحين معها كان ولدنا للحين عايش ويلعب بس انتو خططتو وسويتو كل هذا اتحملو نتايج افعالكم والحين وين الصور
امل : ماني قايله وتبي اطفال انا موجودة وش مقصدك
اسر : ولا وحدة تستاهل تكون زوجتي وام عيالي غير توليب واقولك من الحين انتي ماتسوين ظفرها
غمضت امل عيونها بقهر وشدت على يدها تتعود لتوليب بقلبها
عبد الحميد : ولد اسر وشذا الكلام اعتذر من زوجتك مايصلح
اسر : يبه مستحيل اعتذر منها شوفي لو تدخلتي مرة ثانيه وشفتك جايه بيتنا انا وتوليب اني لا اوريك شي مايعجبك
رمى كلامه عليها يطلع وهو معصب يسكر الباب بقوة
ابتسمت حوريه بأنتصار من فعل اخوها وناظرتها امل تصرخ : وش خير انتي الي معبيه راسه انتي وذيك الحيه توليب ما اكون بنت ابوي اذا ماقتلتها
تقدمت حوريه تعطيها كف قوي تنفخ على يدها بغرور: تسلم لي توليب وهي حارقتك بايييي
ساميه : حورييههه وشذي الحركات
راحت حوريه متجاهلتهم ورجع عبد الحميد مكتبه قبل ماتبدا ساميه محاضرتها المعتاده والي مفادها انت الي ساكت لهم لفت على امل : الله يهديك بعد ماعرفتي تمسكين نفسك وش مسويه
امل بحدة : مالك دخل
ساميه : احترمي نفسك يا امل ساكته لك من اول لاتنسين لو ماشهدت ضد ولدي واثبت كلامك ماكنتي زوجته الحين ويمكن لو ماخليت الدكتور يلعب بالتحاليل ويعطيها علاجات كانت للحين زوجته يعني انا ذبحت حفيدي عشانك يا بنت الناس بس واضح ماتستاهلين كل ذا
تركتها تتوجه لغرفتها اما امل ابتسمت بشر من الخطه الشيطانيه الي جتها
دخل اسر بيته يناظر ارجائه بهدوء فصخ سترته العسكريه وكان تحتها بلوزة باللون سادة بنفس لون السترة خذ نفسه وبدا يرجع كل شي مكانه مثل اول ماكانت حاطته توليب قبل ماينتقلون
ناظر اماكن الصور يمسح على وجهه بكف يده
اسر : وش اسوي الحين وين حاطتهم
__________
دخلت غرفتها وشهقت من كمية الورود الي فيها كانت باللون الوردي وباقات كبيرة تلفتت حولها وسكرت الباب بسرعه مشت بينهم تناظرهم تحاول تستوعب او تلقا اي ورقه وتحقق مبتغاها من شافت كرت خذته تفتحه وبس كان المكتوب ( M ،a) وجنبها مكتوب ( ذول او حروفي حلي اللغز واذا جيتك قبل ماتحلينه بيكون عندك حكم لازم تنفذينه
رمشت ولاء اكثر من مرة وهي تقرا الورقه مرة مرتين وثلاثه
درعمت يارا عليها وهي معها اغراضها وتوها راجعه من الجامعه : ولوي اسمععععع
علق معها الحرف من شافت كمية الباقات
يارا : ابك ابك شنو هذا يابنت
ولاء : شدراني سكري الباب وجع تجي الحين امي تفهم غلط بس ما الومها
سكرت يارا الباب تتقدم من ولاء وترمي شنطتها على السرير تناظر الورود مدت لها ولاء الكرت تقراها عقدت حواجبها ترفع نظرها لفوق بتفكير
يارا : ولوي ماعندنا شخص اسمه فيه هذا الحروف
ولاء : داريه وجعوه مين ذا الي مرسل الورود فضحنا وكيف دخلها اصلا
يارا : تلقينها العامله دخلتها ويمكن جابها بوقت مافيه احد بالبيت هذا الاحتمال الوحيد
غمزت لها تكمل : من ذا المعجب الي طاح ومحد سمى عليه
ولاء : ترا والله اخبطك فيهم هاه
يارا : تمام تمام خلاص بس لازم نشوف حل نرقع ذي المصيبه غرفتك صايرة حديقة ورد لو دخل راكان يمكن يصرخ من الفجعه ويعلم ابوي
ولاء : طيب طيب بفكر صبر
أنت تقرأ
روح تراني طايب النفس مابغاك حكم طغى ماعاد ينفع نظامه
Romanceمخيلتي الثانيه حاضرنا الحالي واحداثه مرتبطه بالماضي والي صار فيه حلي القضيه يا توق وخلصينا من الم الماضي وذكري رعد فيك
