Unicode
အခန်း {၆၃}
ကျွန်းပေါ်ရှိနေ့စဉ်ဘဝ
နောက်တစ်နေ့မနက်။
မနက်စာစားချိန်၌ လျန်ကျန်းက မိမိ၏ခမည်းတော်အား ရှိခိုးဂါရဝပြုဖို့ ယန့်အာကိုခေါ်သွားချင်ကြောင်းပြော၏။ ကျူ့ယွင်ရွှမ်းသည် ယန့်အာကို ပွေ့လျက်ဆန်ပြုတ်ခွံ့ကျွေးနေတုန်း လျန်ကျန်းစကားအားကြားပြီး ဖျတ်ခနဲတစ်ချက်ကြည့်လိုက်သည်။
"သွားချင်ရင် သွားကြတာပေါ့......"
လျန်ကျန်းပြုံးလိုက်သည်။
"အရှင်မင်းကြီးက အဲ့လိုနေရာမျိုးကို ကလေးငယ်လေးကို ခေါ်သွားတာမကောင်းဘူးလို့ထင်မှာ စိုးနေတာ။ အရှင်မင်းကြီးသဘောတူရင်ရပါပြီ။"
"......ယန့်အာက မင်းကိုခမည်းတော်လို့ခေါ်နေမှတော့ အဘိုးတော်ကို ဂါရဝပြုဖို့သွားတာ ဖြစ်သင့်တာပဲလေ။"
လျန်ကျန်း မျက်ဝန်းထဲ၌ ပြုံးရိပ်တွေထင်ဟပ်နေ၏။
"ဟုတ်ပြီ။"
ရှောင်းကျွင်းပေါ်၏ဂူဗိမာန်သည် ကျွန်းအနောက်တောင်ဘက်ရှိ တောင်ပေါ်မှာဖြစ်ပြီး တောင်ကုန်းငယ်လေးတစ်ခုလုံးကို ဂူမိမာန်အဖြစ်ပြုလုပ်ထားလေသည်။
လွန်ခဲ့သောအနှစ်နှစ်ဆယ်ကျော်က ကျွန်းပေါ်တွင် လူတွေတစ်ယောက်ပြီးတစ်ယောက်သေဆုံးလျှင် ဤနေရာတွင်မြှုပ်နှံ၏။ ရှောင်းကျွင်းပေါ်၏ ဂူဗိမာန်သည်လည်း နေရာငယ်လေးတစ်ခုမျှသာဖြစ်ပြီး အထင်အရှားမဟုတ်ပေ။ ကမ္ပည်းကျောက်စာတိုင်ဟာ လျန်ကျန်းကိုယ်တိုင်ကိုယ်ကျ စိုက်ထူထားပြီး အလွန်တရာသန့်ရှင်းသပ်ရပ်နေအောင် သုတ်ထားလေ၏။ “ကွယ်လွန်သူ အကျွန်ုပ်၏ဖခင်ရှောင်း အမည်နာမ ကျွင်းပေါ်” ဟုအလယ်တွင်ရေးထွင်းထားပြီး၊ “သားမပီသတဲ့ရှောင်းနျန့် မျက်ရည်တို့ဖြင့်စိုက်ထူထားသည်” ဟူ၍ဘယ်ဘက်အောက်ထောင့်၌ရေးထွင်းထားသည်။
ကျောက်စာတိုင်ထက် ရှောင်းကျွင်းပေါ်၏ ဘဝသက်တမ်းကို ရေးမှတ်ထားသည့် ကမ္ပည်းကျောက်စာတစ်ချပ်လည်းရှိသေးသည်။ သူသည် ပင်လယ်ရပ်ခြားမှာ နှစ်ပေါင်းနှစ်ဆယ်ကျော် ခိုကိုးရာမဲ့နေထိုင်ခဲ့ပြီး နောက်အိမ်ထောင်ပြုခြင်းအလျဉ်းမရှိဘဲ ဇနီးနှင့်သားစာတိုင်၌ လျန်ကျန်းနှင့်သူ့အဖေတို့၏ အမည်များသာရှိသည်။
YOU ARE READING
မြစ်ကိုကြားခံထားလို့ တောင်ကိုသက်သေတည်၍
Romance"အရှင်မင်းကြီး လက်ညှိုးညွှန်ရာ ရွှေဖြစ်စေရမယ်လို့ ကိုယ်ကတိပေးတယ်။ အပေးအယူက မင်း ကိုယ့်ကိုယ်ကိုယ် ပေးအပ်ရမယ်။" ~~~ Myanmar translation of 江山许你 by 白芥子 Total Chapters - 90 Chapters + 12 Extras // I have permission from English translator //
