خرجت فريدة من الفيلا والدموع تغطى وجهها استقلت سيارتها وهى لا تعرف اين تذهب بالتحديد الى ان قادتها سيارتها الى امام الشركه نزلت منها ودخلت للشركه وهى متجهه نحو مكتب مراد وقبل ان تصل الى الباب قابلت رحمه فى طريقها والتى قلقت من هيئتها فاقتربت منها وهى تقول
" فريدة مالك انتى كويسة "
مسحت فريدة دموعها وقالت
" كويسة كويسة متقلقيش انا بس محتاجه اتكلم مع مراد هبقى احسن هو جوا"
رحمه وهى تضع يدها على كتفها
" ماشي حبيبتى هو لسه داخل المكتب دلوقتى"
دخلت فريدة واغلقت الباب خلفها لتنظر رحمه فى آثرها نظرة غير مفهومه لعده ثوانى ثم تتابع طريقها .
" فريدة مالك يا حبيبتى انتى كنتى بتعيطى"
قالها مراد وهو ينهض من مقعده بقلق
لم تشعر فريدة بنفسها الا وهى تعانقه وتبكى بشده
بعد مرور بعض الوقت هدأت فريدة ونظرت لمراد وهى تقول
" مراد ممكن اسألك سؤال "
مراد بحنو " طبعا اسألى "
اخذت نفسا وعميقا وقالت " انت ممكن فى يوم من الايام متسامحنيش على اى غلط غلطه فى حقك "
استغرب مراد قائلا لها
" ليه بتقولى كده يا فريدة انتى اختى الوحيدة واغلى حد فى حياتى مقدرش ازعل منك ولو زعلت اكيد هسامحك"
ابتسمت فريدة بألم وهى تقول فى نفسها
" للاسف انا مش اختك الوحيدة يا مراد يا ترى لو عرفت ان فى اخت توأم ليك هتعمل ايه ، ولو عرفت انى كنت عارفه ومخبيه يا ترى هتسامحنى ، انا لازم اساعدك تعرف لازم ادور على أختك واهلك والاقيهم يمكن ساعتها احساسي بالذنب يقل وتقدر تسامحنى "
" فريدة ، فريدة روحتى فين "
انتبهت فريدة لمراد ومسحت دموعها
" قومى يلا اغسلى وشك مش لايق عليكى الزعل ده يلا "
قامت فريدة ودلفت للمرحاض وقامت بغمر وجهها بالماء ثم خرجت وهى تقول
" انا همشي انا بقى عشان معطلكش"
" لا تمشي ايه اقعدى نتغدى سوا ، ولا ايه رايك نروح نتغدى برا "
فريدة بابتسامه " لا شوف شغلك انت متقلقش انا كويسة انا هعدى على بابا اشوفه جه ولا ايه عشان عيزاه فى موضوع مهم"
ابتسم مراد وامسك يدها وهو يقول
" ماشي خلى بالك من نفسك "
ثم تابع متعجبا " امال فين دبلتك"
" اتحررت منها انهاردة "
مراد بابتسامه " كنت حاسس بس عايز اعرف التفاصيل برضو لما ارجع نتكلم اتفقنا "
" اتفقنا "
خرجت فريدة من غرفه مراد وهى تشعر نفسها بحال افضل متوجهه لمكتب والداها لكنها لمحت شخصا ما متجهه نحو مكتب مراد اقتربت وهى تقول
" استاذ يزن ! "
يزن بدهشه " بشمهندسه فريدة ، اخبارك ايه "
" الحمد لله بخير ، ايه بتعمل ايه هنا "
" انا جاى لمراد ، انتى بقى جاية هنا ليه "
ضحكت فريدة وهى تقول
" انا اخت مراد اللى انت جايله ده"
هنا قال يزن باندهاش " ايه ده انتى طلعتى فريدة اخت مراد يابنت الايه شكلك اتغير كتير ده انا معرفتكيش "
نظرت فريدة له باستغراب فتابع موضحا
" انا يزن يا فريدة اخو كرم نستينى ولا ايه"
هنا اندهشت فريدة وهى تقول
" وانا اقول حاسه انى شوفتك قبل كده يااه شكلك انت كمان اتغير "
قال بضحك " طبعا ما احنا اخر مرة شوفنا بعض كانت من ٧ سنين او اكتر "
" اه العمر جري ، ومامتك اخبارها ايه "
" بخير الحمد لله "
" ابقى هاتها وتعالوا زورونا مره دى وحشانى جدا "
" اكيد ان شاء الله "
بعدما انتهت فريدة من حديثها مع يزن تابع كل منهم طريقه لكن فريدة توقفت فجأه واستدارت لتقول
" يزن "
توقف و التف ليجاوبها
" نعم "
" ممكن اطلب منك مساعده " .
أنت تقرأ
الوهم
Romanceدائما ما نحزن و نفرح ، ننهار و ننهض ، انها الحياة لا تسير على وتيرة واحدة ، لكل منا قصة مليئه بالاسرار سواء كنا السيئين فيها او لا فلكلٍ ذنب يحاول الهرب منه لكن ماذا لو كان هذا الذنب بمثابة صفعة لاقرب الناس لنا ؟.....
