"တီလောင်ရှီး ကျွန်တော် ဒီတက်တိုးထိုးရတဲ့ အဓိပ္ပာယ်ကို ပြောပြမယ်လေ။ နားထောင်မယ်မလား။" ဧည့်သည်တစ်ယောက်သည် ခုတင်ပေါ်တွင် တင်ပလ္လင်ခွေထိုင်ရင်း ပြင်ဆင်နေသည်ကိုစောင့်ဆိုင်းနေသည်။ တက်တူးဆရာ တီရယ်သည် ပြင်ဆင်စရာရှိသည်များကို ပြင်ဆင်နေဆဲဖြစ်ပြီး အသံထွက်မလာပေ။
"ခင်ဗျား နားထောင်ကြည့်ကြည့်။ ပြီးရင် ကျွန်တော့ခံစားချက်ကို သိသွားမှာ။ လိုက်ခံစားကြည့်လေ။" ဧည့်သည်က တီရယ်ကို လက်လှမ်းဆွဲလိုက်သည်။ တီရယ်ခင်ဗျာ လန့်သွားပြီး နောက်သို့ခြေတစ်လှမ်းဆုတ်မိလိုက်သည်။ မျက်နှာဖုံးအထက်၌ ပေါ်နေသည့် မျက်လုံးများတွင် ထိတ်လန့်မှုတစ်စွန်းတစ်စ ဖြတ်ပြေးသွားသည်။
"ခင်ဗျားက ဘာကြောက်သွားတာလဲဗျ။ ကျွန်တော်က ကျွန်တော့ဇာတ်လမ်းပဲပြောပြမှာပါ။" ဧည့်သည်ဖြစ်သူက အနည်းငယ် ဝဖိုင့်ဖိုင့်ရှိပြီး ထိုနေရာတွင် တင်ပလ္လင်ခွေထိုင်နေသေအခါ ခပ်ပုံ့ပုံ့ကြီးဖြစ်နေသည်။
တီရယ်သည် ငယ်ရွယ်သေးသော်လည်း အလွန်တော်သည့် မနှစ်ကမှဆိုင်သို့ဝင်လာသော တက်တူးဆရာတစ်ယောက်ဖြစ်သည်။ သူသည် ယခုမှ ၂၅ နှစ်သာရှိသေးသည်။ သူ၏ပုံများတွင် သူကိုယ်တိုင်၏မူပိုင်အတွေးအခေါ်များ ပျော်ဝင်ပေါင်းစပ်လျက်ရှိပြီး ကိုယ်ပိုင်ဟန်က ထင်ရှားပေါ်လွင်နေသည်။ သို့သော် သူသည် ခေါင်းမာကာ ဇွတ်တရွတ်ရှိတတ်ပြီး အကန့်အသတ်စည်းဘောင်များကို သဘောမကျပါချေ။
"ခင်ဗျားဆက်ပြောလေ။" တီရယ်သည် ခပ်ရေးရေး မျက်မှောင်ကုပ်လျက်ရှိသည်။ "ကျွန်တော်နားထောင်နေတယ်။"
"ဟုတ်ပြီ။ အဲ့တာဆို ကျွန်တော် သူ့နောက်ခံအကြောင်းပါ နည်းနည်းပြောပြရတော့မှာရယ်။" ထိုဧည့်သည်သည် လွန်ခဲ့သော ခုနစ်နှစ်၊ ရှစ်နှစ်ခန့်က အမှတ်မထင်တွေ့ကြုံခဲ့ရသော လူတစ်ဦးအကြောင်းထံမှ စတင်ကာ ဇာတ်ကြောင်းကို ပြောပြနေသည်။
သိပ်မဝေးသည့်နေရာတွင် ဥရောပဘက်ကတက်တူးဆရာနှင့် ထောင်ရှောင်တုန်းတို့သည် အကြည့်ချင်းဆုံမိလိုက်ကြသည်။ ထို့နောက် နှစ်ဦးသား၏ နှုတ်ခမ်းထောင့်များသည် အသီးသီးကွေးတက်သွားပြီး ရယ်လိုက်မိကြသည်။ တီရယ်သည် ဇာတ်လမ်းများကို မုန်းသူဖြစ်သည်။ တက်တူးလာထိုးသူအများစုသည် ဇာတ်လမ်းကိုယ်စီနှင့် လာကြခြင်းဖြစ်သည်။ ၎င်းတို့ရေးထိုးသည့်၏ နောက်ခံအကြောင်းအရင်း အနှစ်သာရကိုမဖမ်းဆုပ်နိုင်ပါက ကောင်းမွန်သောပုံထွက်မလာမည်ကို စိုးရိမ်ကြသည်။ ၎င်းတို့သည် အတိတ်၏ အရိပ်များကို သယ်ဆောင်လာကြသည်။ သို့မဟုတ် မိမိကိုယ်ကိုယ် သုံးသပ်ဆင်ခြင် ဝေဖန်အကဲဖြတ်မှုများကို သယ်ဆောင်လာသည်။ သို့မဟုတ်ပါကလည်း အနာဂတ်အတွက် ပြင်ဆင်မှုများကို သယ်ဆောင်လာကြသည်။
YOU ARE READING
燎原 (Myanmar Translation)
Romanceထောင်ရှောင်တုန်းတွင် မျက်မမြင်ညီလေးတစ်ယောက်ရှိသည်။ ထန်ဆော်ယန်သည်ကား သူ့ညီလေးအနှစ်သက်ဆုံးသော ဆရာ၀န်ဖြစ်သည်။ ထောင်ရှောင်တုန်းအတွက်မူ လူတစ်ယောက်ကိုနှစ်သက်လျှင် ၎င်း၏အိမ်ခေါင်မိုးပေါ်ရှိကျီးကိုပါ ချစ်ရတော့သည့်ပမာပင်။ ခပ်လွယ်လွယ်ဖြင့် ရရှိလာသည့် မည်သည့်အ...
