ညနေစောင်းရောက်သည်တိုင် ကားကတောင်ကုန်းပေါ်ရောက်မလာသေးပဲ နေဝင်ဖို့တောင် နီးလာပြီဖြစ်သည်။
အခန်းခွဲခြင်းကိုတော့ ရွှေတိုင် လက်ထောက်ဖြစ်တဲ့ မွန်မြတ်ကိုသာ တာဝန်ပေးထားကြသည်။
အောက်ထပ်အခန်းများက အမျိုးသာများအတွက်ဖြစ်ပြီး အပေါ်ထပ်အခန်းများကတော့ မိန်းကလေးများကိုခွဲပေးလိမ့်မည်။ကြည်စင်အခန်းဖော်ကတော့ ရွှေတိုင်မဟုတ်ရင် ဇော်ဂျီဖြစ်ပါလိမ့်မည်။
ထို့ကြောင့် အောက်ထပ်အလယ်တွင်ရှိသော ဆိုဖာပေါ်၌ လက်တော့ဖွင့်ကာ အလုပ်ဆက်လုပ်နေလိုက်သေးသည်။
၆နာရီထိုးချိန်မှာတော့ ပုစွန်ဆီရောင်သန်းသော နေရိပ်အနည်းငယ်သာကျန်ရှိပါတော့သည်။
ထို့နောက် လုပ်လက်စအလုပ်များလက်စသပ်ကာ မွန်မြတ်ဆီသွား၍ အခန်းနေရာမေးရတော့သည်။အချို့မိန်းကလေးများက ရေအရင်ချိုးနေပြီဖြစ်ကာ အစားအသောက်ပိုင်းတာဝန်ကျသူများက ချက်ပြုတ်ပြင်ဆင်နေကြသည်။
“မွန်မြတ်…ကြည်စင်အခန်းဘယ်နားလဲ”
“အစ်မကြည်စင်အခန်းက လှေကားဘယ်ဘက် ထောင့်ဆုံးအခန်း ဝရံတာနဲ့”
“အမယ်..ရွှေတိုင်ဘာတွေနဲ့လာဖားသွားတာတုံး..အခန်းကောင်းရအောင်”
“မဟုတ်တာ ..အစ်မကလဲ…ရေချိုးလိုက်တော့နော်…ကားရောက်လာရင်…ကိုဝေကြီးတို့ ချိုးအလှည့်တဲ့…စောနကလာအော်သွားတယ်”
“အောက်ပြန်ဆင်းသွားပြီလား”
“ဟုတ်တယ်…ဒီတစ်ခါတော့ ကားနဲ့အတူပြန်တက်လာမယ်လို့ ..ကြုံဝါးသွားတယ်”
“မောင်မင်းကြီးသားတွေ..ကံကောင်းပါစေကွယ်”
မေဆွိအသံနဲ့ ကြည်စင်ကပြောတော့ အနားကလူများ ရယ်ပွဲကျသွားသည်။
ထို့နောက် လက်တော့ယူကာ လှေကားပေါ်တက်လာလိုက်သည်။အထုပ်များကတော့အောက်တွင်မတွေ့တော့တာကြောင့် နေရာချပြီးထဲက အခန်းထဲရောက်သွားပြီဖြစ်လိမ့်မည်။
ထောင့်ဆုံးခန်းတံခါးဖွင့်လိုက်တော့ ဝရံတာဘက်ခြမ်းတံခါးဖွင့်ထားတာမို့ အခန်းအဖြူ၌ ပုစွန်ဆီရောင်လေးသန်းနေသည်။အခန်းတံခါးနှင့် ဝရံတာတံခါးမှာ မျက်နှာချင်းဆိုင်ဖြစ်ပြီး အဝင်တံခါးဘယ်ခြမ်းနံရံ၌ ကုတင်တစ်လုံးကပ်ထားပြီး ဝရံတာဘယ်ဘက်ခြမ်းနံရံမှာတော့ နောက်တစ်လုံးဖြစ်သည်။
YOU ARE READING
ကြယ်ရောင်စုံညီ...လင်းသောကြောင့်(Complete)
General Fictionချစ်ခဲ့ဖူးတယ် ချစ်နေသေးတယ် ဆက်ချစ်နေဦးမယ့် "ကြည်ပြာရေစင်" နဲ့ သူအနားကို ရုတ်တရပ်ရောက်ရှိလာတဲ့ "ဒေါ်မြတ်နှင်းဆီ" ငယ်ဘဝဖြစ်ရပ်ဆိုးတစ်ခုမှာ ဆုံတွေ့ခဲ့ရတဲ့ "ခင်ဇော်ဂျီ"နဲ့ "ဒေါက်တာကောင်းကင်တိမ်ယော်"တို့ရဲ့ အရွယ်ရောက်ပြန်လည်တွေ့ဆုံမှု သရဲကြောက်တတ်တဲ့ "ရွ...
