လင်းကိုကိုလေးတစ်ယောက် ကားပေါ်မှာထိုင်နေရတာ ညောင်းလာတာကြောင် အောက်ဆင်းကာ အညောင်းပြေအညာပြေ လမ်းလျှောက်နေလိုက်သည်။
အကြာကြီးမနေပါဘူးဆိုသော သူညီမသုံးယောက်ကခုထိထွက်မလာသေးပါ။
ထို့အချိန် ဖုန်းဝင်လာ၍ ကိုင်လိုက်သည်။
“ဟဲလို..ငွေစိုင်….အမြည်းအတွက်လား…အိမ်ကိုသွားလိုက်”
“……………………….”
“အမေက ငယ်လေးမွေးနေ့မို့ ….သူကိုယ်တိုင်ချက်ပေးမယ်တဲ့…”
“……………………….”
“ခုထိတော့ပေါ်မလာသေးဘူး….ပြန်လာရင်း….ဖုန်းဆက်လိုက်မယ်နော်”
“…………………………”
“ဟုတ်ကဲ့ပါဗျာ”
ဖုန်းချပြီးနောက် လမ်းပြန်လျှောက်နေစဉ်
“ဦးဦးလင်းကို”
အသံလာရာကိုကြည့်လိုက်တော့ ချစ်သက်မူပိုင်လေးကသူဆီပြေးလာတာကြောင့် ပွေ့ ၍ချီလိုက်သည်။
“မူပိုင်ပေါက်စလေး….ပွဲထဲမနေဘူးလား”
“ချစ်သက်လေး....အဲလိုကြီးမပြေးပါနဲ့ဆို”
အနားကိုရောက်လာသည့်သူမှာ ဟိုနေ့က သူလမ်းပြပေးခဲ့သော မိန်းကလေးဖြစ်နေသည်။
“ချော်လဲရင်…ဘယ်လိုလုပ်မလဲ”
“တီတီကလည်း….ဦးဦးလင်းကိုနဲ့ တွေ့လိုက်တာပျော်လို့ကို….ဦးဦး…ဒီနေ့မူပိုင်ပေါက်စမွေးနေ့”
“ဟာ…ဟုတ်လား…ကြိုသိရင်း…လက်ဆောင်ဝယ်လာပါတယ်ကွာ”
“နိုး…နိုး…နိုး….”
ပြောရင်းနှင့် လက်ချောင်းလေးကို ဘယ်ညာလှုပ်ပြသေးသည်။
“ကိတ်အကြီးကြီးခွဲမှာ…ဦးဦးလိုက်စားရမယ်”
“ချစ်သက်လေး……သူများကိုသွားပြီး…အနိုင်မကျင့်နဲ့လေ…ဆောရီးနော်…အစ်ကို”
မိန်းကလေးဘက်က အားနာဟန်နှင့်ပြောရင်း ချီထားတဲ့ ချစ်သက်မူပိုင်လေးကို သူဆီပြန်ခေါ်ရန်ပြုသည်။
“ရပါတယ်ဗျာ….ဒီပေါက်စက…
ဈေးပိုင်ကြီးနဲ့ ဈေးထဲလိုက်လိုက်လာပြီး…အနိုင်ကျင့်နေကျလေ…
တစ်ဈေးလုံးကို အပိုင်ကိုင်ထားတာ”
YOU ARE READING
ကြယ်ရောင်စုံညီ...လင်းသောကြောင့်(Complete)
Ficción Generalချစ်ခဲ့ဖူးတယ် ချစ်နေသေးတယ် ဆက်ချစ်နေဦးမယ့် "ကြည်ပြာရေစင်" နဲ့ သူအနားကို ရုတ်တရပ်ရောက်ရှိလာတဲ့ "ဒေါ်မြတ်နှင်းဆီ" ငယ်ဘဝဖြစ်ရပ်ဆိုးတစ်ခုမှာ ဆုံတွေ့ခဲ့ရတဲ့ "ခင်ဇော်ဂျီ"နဲ့ "ဒေါက်တာကောင်းကင်တိမ်ယော်"တို့ရဲ့ အရွယ်ရောက်ပြန်လည်တွေ့ဆုံမှု သရဲကြောက်တတ်တဲ့ "ရွ...
