Faithfulness In The Heart (နှလုံးသား၌ သစ္စာတည်စေ)

Chapter - 44 - ရှင်သန်လိုခြင်း

Unicode

"မဖုရားရဲ့ ကိုယ်ခန္ဓာက နန်းလျာကို ကိုယ်ဝန်ဆောင်ဖို့ အဆင်မပြေပါဘူး အရှင်...."

ဝတ္တထရာ၏ တော်ဝင်သမားတော် က ပြတ်သားစွာပြောလိုက်သည်။
ပဏိတ္တထရာ မှ တော်ဝင်သမားတော်၏ မျက်နှာသည်လည်း ထိုသဘောအတိုင်းဖြစ်နေလေသည်။
သူသည် မနက်က ဝတ္တထရာသို့ အလျင်အမြန်ရောက်လာရခြင်းဖြစ်သည်။

မလိခ သည် ၃ ည ဆက်သခြင်းပြီးနောက် တော်ဝင်ကြင်ယာဖက် မိဖုရား အဖြစ် အနာဂါတ်နန်းလျာအတွက် ကျန်းမာရေးစစ်ဆေးရမည်ဖြစ်သဖြင့် ရောက်လာခြင်းဖြစ်သည်။

မလိခသည် ဆိုင်းမဆင့် ဗုံမဆင့် ၃ ည ဆက်သလေရာ တော်ဝင်အိပ်ယာအတွက်  အဓိပတိ  သိမ်းပိုက်ရန် စစ်ဆေးမှုများ မပြုလုပ်ရသေးပဲ ရုတ်တရက် ဆန်သွားသဖြင့် နှစ်ပြည်ထောင်မှ တော်ဝင်သမားတော်များမှာ စိုးရိမ်ပူပန်မူများ ကိုယ်စီရှိနေကြလေသည် ။
အရှင် နှစ်ပါးမှာ တစ်ဦးကိုတစ်ဦး ချစ်ကြိုးသွယ်၍ အဆင်ပြေနေကြသော်လည်း ၂ ပြည်ထောင်၏ နန်းတွင်းမှာ ဆန့်ကျင်ဘက် အနေအထားတွင်ဖြစ်သည် ။ တော်ဝင်သက်တော်စောင့်များ အဖွဲ့တွင် မလိခ ၏ သက်တော်စောင့်အဖွဲ့နှင့် နဂါးစစ်တပ်တို့မှာ အဓိပတိကျူးကျော်ဝင်လာသည့်ညတွင် မလိခအား မကာကွယ်နိုင်သဖြင့် အဓိပတိ၏ အပြစ်တင်ဝေဖန်ခြင်းကို ခံထားရကာ မျက်နှာကောင်းမရပဲ ဖြစ်နေ၏ ။ နန်းတော်တစ်ခုလုံးကို ပစ်ကာ မလိခ ခြေရင်းသို့ ဝပ်ဆင်းသွားသူ အဓိပတိ၏ နန်းတော်မှ အမှုထမ်းများမှာလည်း ဝတ္တထရာ နန်းတော်အမှုထမ်းများရှေ့တွင် ခေါင်းမဖော်နိုင်ကြပေ။

သို့သော် လက်ရှိအခြေအနေအရ ၂ပြည်ထောင် နန်းတော်အမှုထမ်းတို့မှာ မီးစင်ကြည့်ကရန်သာရှိသဖြင့် ပဏိတ္တထရာ မှ တော်ဝင်သမားတော်အဖွဲ့နှင့် အခြားသက်ဆိုင်ရာ အကြီးအကဲ နန်းတွင်းအမှုထမ်းအချို့သည် ဝတ္တထရာသို့ ရောက်နေကြကာ အဓိပတိ၏ တော်ဝင်ကြင်ယာတော်မြှောက်ပွဲကို စီစဉ်ရန် လိုအပ်သည်များကိုလုပ်ဆောင်နေကြသည်။ အရေးကြီးဆုံးပြဿနာမှာ မလိခသည် တော်ဝင်နန်းလျာအတွက် အဆင်သင့်ဖြစ် မဖြစ် စစ်ဆေးရန်ဖြစ်သည် ။