Unicode
ပဏိတ္တထရာ ဘုရင့် ရေချိုးဆောင်ရှိ ရေကန်ကျယ်ကြီးရှေ့တွင် အဓိပတိသည် မလိခရှေ့တည့်တည့် လက်တစ်ကမ်းအကွာလောက်တွင် မတ်တပ်ရပ်နေသည်။
ရေချိုးဆောင်ထဲရှိ တန်ခိုးစွမ်းအားဖြင့်ပြုလုပ်ထားသော ဖြည်းညှင်းစွာ ရွေ့လျားနေသည် မှိန်ပြပြ အလင်းရောင်လေးများ ၊ မွှေးနံ့သာတစ်မျိုး၏ စိတ်ကိုကြည်လင်လန်းဆန်းစေသော ရနံ့သင်းသင်းများအပြင် လှပစွာ အရောင်အသွေးစုံလင်သော ပန်းပွင့်လေးများဖြင့် ရှုချင်စဖွယ် သာယာလှပနေသည်။
ထိုအလှအပတို့အား အာရုံမထားနိုင်ပဲ သောက ရောက်နေသူက မလိခပင်ဖြစ်သည်။
ကန်ရေပြင်သည် ပန်းပွင့်ဖတ်လေးများဖြန့်ခင်းထားလျက် တည်ငြိမ်နေသော်လည်း မလိခ၏ စိတ်သည် ဆန့်ကျင်ဘက်အနေအထားဖြင့် လှုပ်ရှားရုန်းကန်နေရကာ တည်ငြိမ်အောင် မနည်းစုစည်းနေရသည်။
"တော်ဝင်သွေးသားကို အစေခံက လက်နဲ့ထိလို့မရဘူးဆိုတာတော့ သိတယ်မို့လား မဖုရား..... ထိမိရင် ဘာအပြစ်လဲဆိုတာ မဖုရားက ပိုသိမှာပါ..... "
"ဘယ်လိုပဲဖြစ်ဖြစ်..... ချွတ်ပေးလိုက်ရင် ရပြီကို......."
သူ(မ)ကိုယ်သူ(မ) အားတင်းပြီးပြောနေသည်လား အဓိပတိကိုပြောနေသည်လား မသဲကွဲသောစကားများကို မလိခက နှုတ်ခမ်းလှုပ်ရုံ တိုးညှင်းစွာ ရေရွတ်လိုက်သည်။
ကိုယ့်အဝတ်ပင် ကိုယ်တိုင်မလဲဖူးသော မလိခသည် သေချာပင်မမြင်ဖူးသော အမျိုးသားဝတ်များကို ဘယ်ကစ၍ ချွတ်ပေးရမှန်း သိဖို့ မလွယ်ကူပါ။
အဓိပတိအနားသို့ အနည်းငယ်ပိုတိုးကပ်လိုက်ကာ အဓိပတိ၏ လည်ပင်းနားမှ အင်္ကျီစနှစ်ဖက်အား မလိခက သူ(မ)၏ သေးသေးသွယ်သွယ် လက်ချောင်းလေးများဖြင့် ဘေးဖက်သို့ဆွဲချကာ ချွတ်ဖို့ပြင်လိုက်သည်။
သူ(မ) နှဖူးထိပ်ရှိ ဆံစလေးများသို့ အဓိပတိ၏ အသက်ရှုငွေ့နွေးနွေးက စည်းချက်မှန်မှန်ထိခတ်နေသော်လည်း သူ(မ) ၏ စည်းချက်မမှန်သော အသက်ရှုငွေ့များက အဓိပတိ၏ ရင်အုပ်နားတဝိုက် ထိခတ်ပျံ့နှံ့နေသည်ကို အဓိပတိ ခံစားနေရသည်။
YOU ARE READING
Faithfulness In The Heart (နှလုံးသား၌ သစ္စာတည်စေ)
Storie d'amore"ဒါက ကိုယ့်ရဲ့ အသက် အမြူတေ ပါ ။ ကိုယ့် အသက် ၊ ခန္ဓာ ၊ ကိုယ့်မာန ၊ သိက္ခာ ကိုယ့်စိတ်ဝိဉာဥ် အရာအားလုံးကို မဖုရားထံ ကျေနပ် ရိုကျိုးစွာ အပ်နှင်းပါတယ် ။ မဖုရား စိတ်ထဲရှိတဲ့အတိုင်း နှစ်သက်သလို အပြစ်ပေး စီရင်နိုင်ပါတယ်။ ကိုယ့်ရဲ့စိတ်နဲ့ ခန္ဓာကို နှိပ်စက်ဖျ...
