For Unicode
" ထမင်းစားချင်လား။ခေါက်ဆွဲပြုတ်ပေးရမလား ငယ်ငယ် "
ဧည့်ခန်းမှာထိုင်ကာ စိတ်၀င်စားစရာမကောင်းသော သတင်းတစ်ပုဒ်ကို ကြည့်နေဟန် ဆောင်နေတဲ့ အူလုံးက မဖြေ။
သည်တော့ ရှင်းယံ အူလုံးရှေ့မှာ TV ကို ကွယ်အောင် တမင်ထိုင်ချလိုက်တော့မျက်မှောင်ကြီးကြုံ့လျှက် ကိုယ်ကို ယိမ်းကာ ရှောင်ထွက်သည်။
ရှင်းယံ အူလုံးယူမသွားသော နောက်ခန်းမှ ဖုန်းကို ဆိုဖာပေါ် တင်ပေးလိုက်ပြီး တောင်းပန်တိုးသျိုးသော အကြည့်များဖြင့် ကြည့်လိုက်သည်။
" ဖုန်းကမကွဲဘူးနော် "
" ငါ့ကိုကြည့်စမ်းပါ ငယ်ရာ။ ငါတို့နှစ်ယောက်ပဲ ရှိရမဲ့ အချိန်တွေကိုလေ ဘယ်သူ့ကိုမှ ဝေပုံကျ ခွဲမပေးချင်ဘူး...နှမြောတယ်။"
အူလုံးက မရုန်းတော့ပေမယ့် အကြည့်ကို ရှောင်ကာ မျက်လွှာချနေသည်။ သူ့စကားဆုံးမှ ရင်ဘတ်ကို ခြေဖျားလေးဖြင့် လာခတ်ရင်း
တွန်းထုတ်ဟန်ပြုကာ
" အဲ့တာကို ကောင်းကောင်းပြောလေ ဘာတွေဝုန်းဒိုင်းလာကြဲပြနေတာလဲ မင်းက။ငါအဲ့လိုဆို ကြောက်တယ် ခွေးသူတောင်းစားရဲ့"
" ငါတောင်းပန်ပါတယ်။ တောင်းပန်တယ်နော် "
ခေါင်းနောက်ကနေ လက်ဖြင့် သိုင်းကာ ဖက်ကာ ရင်ခွင်ထဲ ထည့်ထားတော့လဲ ငြိမ်နေသည်။အတော်ကြာပြီးမှ
" ခေါက်ဆွဲပြုတ်စားမယ် "
ဟု ရာဇသံပေးလာ၏။
" အင်း...ကြည့်ရင်းစောင့်နေနော် "
ရာသီဥတုလေးပြန်လည်ကြည်လင်သွားပြီမို့ အူစီလုံးရဲ့ အသံဆာဆာကလဲ ပြန်ထွက်လာပြီ။
သည်လိုဆိုတော့ အရင်ဘေးချင်းကပ်နေခဲ့တုန်းကလို အချိန်လေးတွေ ပြန်ရောက်သွားသလို ခံစားရ၏။
ပြောင်းလဲ သွားတာတစ်ခုက သူငယ်ချင်းအဖြစ်ကနေ ရည်းစား ဖြစ်သွားကြတာပဲရှိပါလိမ့်မည်။
.
.
.
မနက်ဖြန်၀တ်မည့်ယူနီဖောင်းကို အသင့် ချိတ်ကာ ဗီရိုထဲ ထည့်နေသော ရှင်းယံကို အူစီလုံးက ကုတင်ပေါ် ထိုင်နေရင်း တစ်ချက်ကြည့်ကာ သူကျောပိုးအိတ်ထဲ ဖိကြိတ်ထည့်လာသော ယူနီဖောင်းတစ်စုံကို သတိရသဖြင့် အမြန်ထထုတ်လိုက်ရသည် ။
