For Unicode
အူလုံးရဲ့ မှိတ်ကျနေသော မျက်လွှာလေးကို လက်ညိုးနဲ့ဖွဖွထိရင်း ရှင်းယံ အသည်းယားလာတာမို့ နှုတ်ခမ်းကို ကိုက်ဖိမိသည်အထိ။
အိပ်နေတဲ့ အချိန်မှာတော့ အေးချမ်းနေတာပဲ။
ရည်းစားလာတာကို နေ့ခင်းတစ်ရေးတစ်မော အိပ်နိုင်သေးတဲ့ သည်လိုစိတ်အေးလက်အေးမှုမျိုးကိုလည်း အားကျမိပါရဲ့။
" ချစ်စရာလေးကွာ "
ဖိအိပ်နေ၍ ခပ်ဖူးဖူးထွက်နေတဲ့ နှုတ်ခမ်းလေးကို အသာနမ်းကာ ရှင်းယံ တိတ်တိတ်လေး အခန်းထဲမှ ထွက်လာခဲ့လိုက်၏။
" ဟော လာခေါ်တော့မလို့။ ရခိုင်မုန့်တီ တွေ၀ယ်လာတာ လာစားဦး။ အူစီလုံးရော"
" အိပ်နေတယ် အန်တီ "
" ဟောတော် ဘယ်လိုတုန်း ။ သူငယ်ချင်းကိုခေါ်ထားပြီး သူက ကျအိပ်နေတယ် "
ရှင်းယံ ရယ်ပဲရယ်ကာ ခုံမှာ ၀င်ထိုင်လိုက်၏။ အူလုံးအဖိုး၏အိမ်ငယ်လေးဆီမှ ဆေးနံ့သင်းသင်းလေးကို ရနေကာ စိတ်ကြည်နူးဖွယ် အေးချမ်းနေသည်။
" ဒီမှာ ငါးဖယ် နဲ့ပဲကြော် ။ ထည့်စားနော်...အန်တီ ဖေဖေ့ ဖို့ မုန့်ပြင်လိုက်ဦးမယ် "
" ဟုတ် အန်တီ။ သားကို အာရုံမစိုက်ပါနဲ့ လုပ်စရာရှိတာ လုပ်ပါ "
" ဟုတ်ပါပြီတော် "
မီးဖိုခန်းထဲမှာ ခပ်သွက်သွက်လှုပ်ရှားနေတဲ့ အန်တီက တကယ်ကို အိမ်ထောင်ရှင်မကောင်းပီသစွာ စေ့စပ်လွန်းလှသည်။
ရှင်းယံ မုန့်စားပြီး ပန်းကန်ဆေးမည် ပြင်တော့ အန်တီက ကြည့်ကာ ပြုံးရင်း...
" လိမ္မာလိုက်တာတော်။ အိမ်ကဟာလေးနဲ့ လဲလိုက်ချင်တာ "
" အမေ တို့က အဲ့တာတွေခက်တာပဲ "
လှေကားပေါ်ကနေ အိပ်ချင်မူးတူးပုံနဲ့ အူလုံးကဆင်းလာသည်။ အိမ်နေရင်းတီရှပ်က လည်ပင်းပေါက်ကျယ်နေတာမို့ ပုခုံးထိလျှောကျနေပြီး ဆံပင်တွေကလဲ ထိုးထိုးထောင်ထောင်။
" နင်အိပ်နေတာဆို "
" အမေတို့နှစ်ယောက်လေပေါနေလို့ နိုးလာတာ "
