snow drops ❄️ ~ 𝐿𝑒𝓉 𝓂𝑒 𝒻𝓇𝑒𝑒𝓏𝑒 𝓎𝑜𝓊𝓇 𝒽𝑒𝒶𝓇𝓉 ~

27

" යමං එළීයට...... "

" ඉඳහන් මේ ටික ඉවර කරල යන් "

මම ශ්‍රේණි ගණන් වල හැදුව ටික ආයම හරිද බලලා පොත වහලා ඩෙස් එක යට ලාච්චුවට දැම්මා.....

වාරෙ ඉවර වෙන්න ටික දවසයි......  වාරෙ නෙමෙ අවුරුද්දම ඉවර වෙන්න ළඟයි... ඒ උනාට මට දැනෙන්නෙ නිකම් මේ අවුරුද්ද අද ඊයෙ පටන් ගත්තා වගේ......  අපි ගාටා ගාටා ගියේ අතිඋත්තමයො ඉන්න ගුහාවට.... ඔඩිට් එකේ  චේන්ජින්ග් රූම් එකට.....

මම යන ගමන පාරෙ තිබ්බ ගලකට පයින් ගහපු පාර ඒක රෝල් වෙලා ගිහින් නෙට්බෝල්   කෝට් එකේ යකඩ කනුවේ වැදිලා විසි වෙලා ගියා....

" අඩො අන්න...." වත්සුකයා මගෙ කරට තට්ටුවක් දාලා ඇඟිල්ල දික් කරල පෙන්නද්දි මමත් බැලුවා....

අම්මටසිරි.... සිරිමත් ගෙ මහප්පලා ටික ටෙරස් එකෙ ඉඳන් වටසාකච්ඡාවක් ......සංදේශ් අයියා ශර්ට් එක වැළමිටට එනකම් නවාන අත් බැඳගන හෙනම සීරියස් ලුක් එක්කින් කතා කර කර ඉන්න සන්තූර් අයියා දිහා බලන් ඉන්නවා.... අනර්ඝ අයියා නම් කෙලින් ම ජැක් ගහන් ඉන්නේ ආඛ්‍යාන් අයියාට ....ආඛ්‍යාන් අයියා ඒ බරට එක කකුලක් ඈත් කරන් ඒ කකුලට වැඩියෙන් බර දීලා ඉනට අතක් තියාගන බිම බලන් සන්තුර් අයියා කියන මොක්කට හරි ඔලුව වනනවා....

අපි දෙන්නා ඒ පැත්තට යනවත් එක්කම අපිව මුලින් ම නෝට් වුනේ අනර්ඝ අයියාට.....අනර්ඝ අයියා කට කොනින් හිනා වෙලා ආඛ්‍යාන් අයියාගෙ ඉන හරියෙන් මිරිකද්දි ආඛ්‍යාන් අයියා ගැස්සිලා අනර්ඝ අයියා බලන් ඉන්නෙ කොහෙද කියලා බලද්දියි අපිව දැක්කේ....ඒ එක්කම අපිට පිටිපස්ස හරවලා හිටපු සන්දේශ් අයියා අපෙ පැත්තට හැරුනා....

" හම්මට......අපි ඒත් බැලුවා අද රාහු කාලේ රෑද කියල....බැලින්නම් එහෙම නෑ නෙ ...."  සන්තූර් අයියා ඈත ඉඳන්ම හිනා වෙලා එහෙම කියලා වැලමිට ට නමපු ශර්ට් අතක් තව ටිකක් උඩට ඉස්සුවා....

මුන් තනිකර කුඩාවැල්ලේ පාතාලෙ වගේ....

අපි පඩි බැහැලා උන් ඉන්න හරියට ගියා.... මේක අර පේරා කැම්පස් එකෙ තියන සරච්චන්ද්‍ර වලේ මිනි වර්ශන් එකක් වගේ.... වෙනස තියෙන්නේ මේක වටේටම වලක් නෑ අංශක දෙසිය ගාණක්....මන්දා මට මතකෙ නෑ.....  අපි ඕකට කියන්නෙ ටෙරස් එක කියලා.....  බ්ලූමින්ග් ටෙරස් කියල තමා කට්ටිය කියන්නේ.....  වල වටේම ගස් වවලා තියනවා වවලා තියෙන්නේ මාස මල් හැදෙන පිළිවෙලට...ඒ කිව්වෙ වලේ උඩම දකුණු පැත්තෙ ඉඳන් වම් පැත්තට පිළිවෙලට ඒ ඒ කාල වල පිපෙන මල් ගස් තියනවා.... මුලින් ම පෙබරවාරි ....රොබරෝසියා වලින් පටන් ගන්නේ...ඊට පස්සේ මාර්තු වල අප්‍රේල් වෙනකම් වගේ ජැකරැන්ඩා... ආය මැයි වල ඉඳන් ජූනි ජූලි වෙනකම් රතුපාට මැයි මාර ....ඔය වගෙ තියනවා..... මේ දවස් වල කොළ පේන්න වත් නැතිවෙන්න පිපිලා තියන කහ පාට ලොකු මල් වලින් ගස් වගේම බ්ලූමින්ග් ටෙරස් එකත් වැහිලා......