snow drops ❄️ ~ 𝐿𝑒𝓉 𝓂𝑒 𝒻𝓇𝑒𝑒𝓏𝑒 𝓎𝑜𝓊𝓇 𝒽𝑒𝒶𝓇𝓉 ~

51

පොත් කන්දරාවක් මේසේ පැත්තකින් තියාගන පෑනත් කටේ ගහගන මම පැය බාගයක් තිස්සෙ මට වැරදුණු ගාන ගැන කල්පනා කරනවා... පොඩ්ඩ පොඩ්ඩ ලෙහාගන එන ගැටලුවේ රූපසටහනේ ඇඳල තියන බල රේඛා, සයින් කොස් කෝණ , සමීකරණ අතරේ මම පෑනෙන් ඇටකෝටු ළමයෙක් ගේ බලි කුරුට්ටක් ඇන්දා...

වෙලාව අටයි කාලට විතර...

පෑන මේසේ උඩ සද්දෙට තියලා මම ෆෝන් එක අතට ගත්තා.

' your record is 13 hrs and 44 mins. Good luck and do your best '

නොටිෆිකේශන්ස් එකදිගට එද්දි මම ටයිමර් එක එන්ඩ් කරලා මිස්ඩ් කෝල්ස් බැලුවා.

අනර්ඝ අයියාගෙන් මිස්ඩ් කෝල්ස් හයයි. අන්තිම එක ඇවිත් විනාඩි දෙකක් වත් නෑ. මම ආයම කෝල් බැක් කරද්දි ඒ පමාවටම කෝල් එක ආන්ස්වර් වුණා.

" හෙලෝ අයියේ ?"

" මල්ලි......are you bussy right now ? "

" no. I' m not. . We can talk "

උත්තරයක් නොලැබුණත් මට සද්දෙට හුස්ම ගන්න සද්දෙ හොඳටම ඇහුණා. මට සීයට දාහක් විශ්වාසෙන් කියන්න පුලුවන් අනර්ඝ අයියා ඉන්න සාමාන්‍ය විදිය නම් මේක නෙමෙයි කියලා.

" අයියේ ?" බැරිම තැන මම ආයම කතා කලා.

" මල්ලී......"

" මොකක් හරි අවුලක්ද ?"

" මල්ලි එක්ක කතා කරන්න ඕන. "

" අපි කතා කරමු. ඉස්සෙල්ලම කියන්න මොකද වුණේ කියලා ?"

" මල්ලි....මෙහෙ....මෙහෙ අපායක් මල්ලි.... තාත්තා සල්ලි එවන්නෙ නෑ... දැන් මාස දෙකක් වෙනවා කිසි ෆෝන් එකක් ආන්ස්වර් වෙන්නෙ නෑ..... මම හිටිය තැනින් අයින් වෙන්න වුණා . එතෙන්ට ගෙවන්න තරම් සල්ලි මම ගාව නෑ... ඒ හැම දේම මට ප්‍රශ්නයක් නෑ.....මල්ලි...සදීන් කතා කරන්නෙ නෑ......"

" අනර්ඝ අයියේ...... මුලින් කාම් ඩවුන් වෙන්න. ඔයා කලබලෙන් ඉන්නෙ."

" එයා හොඳින් නේද....? ඒක විතරක් කියපන් මල්ලි?"

" ඌ මට පෙරෙදත් කතා කලා...ඒත් ඔහොම විස්තරයක් කිව්වෙ නෑ. "

" අරුන් කියන්නෙ බැජ් හම්බුනු හන්දා වැඩ වැඩී කියල...ඒක ඇත්ත වෙන්න ඇති මල්ලි. සයන්ස් සබ්ජෙක්ට් එකක් එක්ක බැජ් එකක් මේන්ටේන් කරනව කියන්නෙම මාර ලොකු රිස්ක් එකක්....ඒත්....ඒත් මට එයාගෙන් කිසි රෙස්පොන්ඩ් එකක් නැතිකොට මට බය නැද්ද මල්ලි?"