snow drops ❄️ ~ 𝐿𝑒𝓉 𝓂𝑒 𝒻𝓇𝑒𝑒𝓏𝑒 𝓎𝑜𝓊𝓇 𝒽𝑒𝒶𝓇𝓉 ~

37

" ඔහ් කොල්ලෝ...! "

වත්සුක ට කට හොල්ලගන්න හරි පණ තිබ්බට මම හිටියේ මගෙ මූණෙන් දැන් පෙනෙයි කියලා හිතෙන හැඟීම් සේරම අගුලු දාගන්න ගමන්.....

ආදරේ කරන එක වරදක් වෙන්නේ කොහොමද ? ආදරේ ඇති වෙන එක වරදක් වෙන්නෙ කොහොමද? මොකද මගෙ හිතෙත් ආදරේ ඇති වුණේ මටත් නොදැනිමයි....එහෙව් එකේ මම ආදරේ කරන කෙනාට තව කෙනෙක් හිතින් ආදරේ කරන එක ට මට කරන්න දෙයක් නෑ....

ඒත් මනුස්සයෙක්......

මම කලබල වෙන්න ඕන නෑ....

මේ කලබල වෙන්න ඕන වෙලාවක් නෙමෙයි...ඇරත් මේ කිසි ම දෙයක් ගැන ආඛ්‍යාන් අයියා දැනුවත් නෑ...ඒක මට කැට තියල වුණත් කියතහැකි... මම ආයම පියවි ලෝකෙට ආවේ චිතේර ගෙ කටහඬට.

" මේ ඒකට හරි කාලෙ නෙමෙයි බං.....මම හරි කාලෙ එනකම් ඉවසීමෙන් බලාගන ඉන්නවා.... සමහර විට....එයා කැමති ගෑණු ළමයින්ට නම්? අකැමැත්තෙන් හරි ඇත්ත පිළිගෙන මට පැත්තකට වෙන්න වෙනව බං.... මම වෙලෙකට දකිනවා.. ආඛ්‍යාන් අයියා ඇවිත් හිටිහැටියේ පොත් බලනව.... මෝනින් එසෙම්බ්ලි එකෙදි මම ඉන්න හරියේ හිටගන ඉන්නවා... ඒ හැම තප්පරේකටම මම ආසයි බං.. ඒ හැමේකටම මම ලෝබයි.."

" උඹ ඕක ගැන නොහිතා ඉඳින් කෝ....  සිරාවටම මට ටොයිලට් එක දැක්කට පස්සෙ චූබරක් ඇල්ලුවා....මම ගිහින් එන්නම්... "  වත්සුක එහෙම කියාන වොශෲම් එක ඇතුළට ගියේ මාවත් ඇදගන..

" ආ මම මෙතනින් ඉන්නම් ගිහින් වරෙන්.." චිතේර ඈත තියාම කියද්දි මම වත්සුක ගෙ අත අතෑරල ඇතුළට ගිහින් ඉවරයි....

මම සින්ක් පේළියේ ගැට්ටට බර දීලා දිග කන්නාඩියෙන් පේන මගෙම රූපෙ දිහා බලන් හිටියා...හුඟ වෙලාවක් වගෙ දැනුනට ඒක එහෙම නෑ.... කිසිම හේතුවක් නැතුව මම ම ඇරලා දමාපු ටැප් එකෙන් ඔහේ වතුර ගලාගන යන සද්දේ මට ඇහුණේ නැතත් මම එහෙම දෙයක් කරපු වගක් ඔලුවට ආවෙත් වත්සුක කන්නාඩියෙන් ම මා දිහාවෙ බලලා ටැප් එක අනික් අතට හරවලා වහද්දී.....

" උඹේ අසිහිය ඉස්කෝලෙ වතුර බිල ට පටවන්නෙපා බං ! "

වත්සුක එහෙම කියලා බිත්තියට ජැක් එකක් ගහලා හේත්තු වුණා... ඉන්ටවල් එකට කලින් නිසා ඇතුළේ කවුරුත් නෑ...ඒත් පුලුවන් තරම් සද්ද නොකර ඉන්න ඌ වගබලා ගත්තා ද මන්දා..