snow drops ❄️ ~ 𝐿𝑒𝓉 𝓂𝑒 𝒻𝓇𝑒𝑒𝓏𝑒 𝓎𝑜𝓊𝓇 𝒽𝑒𝒶𝓇𝓉 ~

49

ඇවිත් සතියෙන් අපට කෙනින්ග්ටන් වලින් අපාර්ට්මන්ට් එකක් ලැබුනා. ක්වාටස් වල ඉඳන් අපාර්ට්මන්ට් එකට මූව් වෙන එක ලංකාවෙන් එංගලන්තෙට එන එකට වඩා කට්ටක් කියල මට තේරුනේ ආය සේරම බඩු කොනක ඉඳන් පැක් කරන්න ගත්තාම.

තාත්තා මුලින්ම ඔක්ස්ෆර්ඩ් එකට ගියේ ඊයේ. අම්මාත්  පෙරේදා ගියා. දැන් දවල් වරුවට මම යි ස්නෝබෙරියි විතරයි ඉන්නේ. ඉස්සර වගේ ආඛ්‍යාන් අයියටයි මටයි හැමවෙලෙම කතා කරන්න බැහැ .මෙහෙට උදේ වෙද්දි එයාට දවල් දවාලෙ කැම්පස් හවස ඔෆීස් . මට දවාල වෙද්දි එයා ට රෑ . අපෙ එහෙට වඩා පැය පහ හමාරක් අඩුයි. ඉතින් සමහර වෙලාවට අපි දෙන්නා කතා වෙලා රෙස්ට් කරන ටයිම් එහෙමෙහෙ කරගන තමා කතා කරන්නේ. දැන් උදේ ඉඳන් මම කරන්නේ පාඩම් කරනෙක විතරයි. මොකද ලබන අවුරුද්ද වෙද්දි මම ආයිමත් ලංකාවට ගිහින් ඒ ලෙවල්ස් ලියන්න ඕන. දවස් බෙදාගන මම ඔන්ලයින් ක්ලාසස් යනවා. ටියුට්ස් , පේපර්ස් සේරම ප්‍රින්ට් කරගන්නේ මෙහෙන් එයාලා පීඩීඑෆ් එවනවා. පේපර්ස් ලියන්නේ ඔන්ලයින් සෙශන් එකට ගිහින්. ටයිම් ඩිෆරන්ස් එක්ක අමාරු වුණත් මම කොහොමහරි ඇහැරගන ඉඳලා පේපරේ නොවරදවා ලියනවා.

අවුරුද්දක් කලින් එක්සෑම් කරනව කියල මම ස්ට්‍රෙස්ඩ් වෙලා නෑ. මම පාන්දර පහට හැමදාම නැගිටලා වෝක් එකෙන් ම ජිම් බහිනවා. වැඩි දුර නෙමේ පයින් ගියොත් විනාඩි විස්සයි. ආය ජිම් එකෙන් එන්නේ උදේ හයට . ඒ ඇවිත් ශවර් එකක් දාගන අම්මාට කෑම හදන්න උදව් කරනවා. අම්මයි තාත්තයි යන්නේ අටට. මම පැය බාගයක් විතර කුස්සියට වියදම් කරලා මෙඩිකේශන් කරන්න ගන්නවා. ඒක කොහොමත් හත හමාර අට  වෙනකම් ඇදෙනවා. ඔය සේරටම පස්සේ ස්නෝ වත් හුරතල් කරලා උදේ කෑම එක අරන් තමා මම වැඩ කරන්න ගන්නේ. ආය පුටුවෙන් නැගිටින්නේ හතර ට වගේ තමා. ඔය අතරමැද එන ශෝට් බ්‍රේක්ස් වල මම ස්නැක් එකක් කාලා . සින්දුවක් අහලා , ෆේස්බුක් ඉන්ස්ට පාරක් දාලා චිල් එකේ ඉන්නවා

ආයම අම්මා ආවාම අම්මා එක්ක කයිය. තාත්තා නම් එන්නෙ හවස් වෙලා. මොකද ලෙක්චර්ස් නැති දවස් වල එයා වැඩ . අම්මාත් පාර්ට් ටයිම් කරනවා. මම නම් කරන්නෑ මට කරන්න ආසයි .මගෙ වයසෙ ළමයි බහුතරය පාර්ට් ටයිම් කරනව. හැබැයි ඕක ට මම අම්මා එක්ක ආගිව් කරන්න ගියොත් ශුවර් මට කනේ පාරක් කන්න වෙනවාමයි .