snow drops ❄️ ~ 𝐿𝑒𝓉 𝓂𝑒 𝒻𝓇𝑒𝑒𝓏𝑒 𝓎𝑜𝓊𝓇 𝒽𝑒𝒶𝓇𝓉 ~

31

" ඉතිං  ඉතිං .....කොහොමද පොඩි මෑන්ස් ගෙ සැප දුක් ?"

" අනෙ යනව හලො යන්න...එන්නෙත් නෑ මේ පැත්ත පලාතෙ..දැන් බොරුවට කිරිඅත්තම්මට ගොට්ට අල්ලලා දේපළ ටික ලියාගන්න ආවනේද මෙහෙ ...... හහ්.."

" ඔව් ඔව් ලොකු මාමා ට සල්ලි තියනවනෙ ඉතිං ඒ නිසා මම ගන්න කියල බැලුවෙ සේරම....උඹට ඕන්නං  කොටුවෙන් ටිකක් දෙන්නම් "

" තියාගෙන පැනපම් කොටුව "

" දෙන්ඩ තියෙන්නෙ මේකට..... හොඳටම වලත්ත වෙලා... " අයියා එහෙම කියල මට ගහන්න වගේ අත උස්සද්දි මන් මගෙ අත් දෙකෙන්ම අත අල්ලගත්තා..

" කියනවකො...මෙහෙ ඉන්නව නේද....? අනෙ ටිකක් ඉඳල යනවකො..."

" හෙට හවස යන්න ඕන බං.... මේ වැඩ කර උඩටම....කොහෙද උඹලට නම් ඉතින් දෙන දෙයක් කාලා වෙන දෙයක් බලාන ඉන්න නෙ තියෙන්නෙ..අපට එහෙම යැ අපි හම්බකළොත් අපි කෑවා..."

" එහෙනම් ආව දිහාටම පලයන්.... තමුසෙ මහ දුෂ්ටයි ඕයි....ටිකක් ඉඳල ගියාම ඇඟෙන් කෑල්ලක් යනවද ? නෑනෙ... ඔය අම්බානකට නිවාඩු තියෙන්නෙ නිවාඩුවක් දාලා ටිකක් ඉඳල යන්න බැරිකමක් නෑ නෙ "

" මේ නිවාඩු ටික ඉල්ලගත්තෙත් මාර අමාරුවෙන් බං ......  අපි ආවේ මනමාලියෙක් බලන්න....."

" කාට....?"

" උඹට උඹට..."

"අනෙ යනවකො ජෝක් නොකර...ඒ .....හ් අයියේ....සිරාවටමද....අඩෝ...තවුසෙ බඳින්නද යන්නෙ හලො."

" ශ් ශ්... කට .....ඕකනෙ බැරි කෑගහනවනෙ...!"

" කියනවකො... "මම අහිංස අයියා ව ඇදලා අරන් ඇඳේ ඉන්දවලා මාත් දහරමණ්ඩිය ඔතාන ඉඳගන්න ගමන් ඇහුවා

" මට ප්‍රපෝසල් එකක් ඇවිත් බං.....  හෙට යනව කෙල්ලව බලන්න "

" සිරාවටමද ?අඩෙ මරුනෙ ...මට නෑනෙක් හම්බෙන්නද යන්නෙ.... එහ් මේ....ෆොටෝ එකක් එහෙම නැහ්?"

" ඉන්න ඉන්න තියනව....එෆ් බී ඉන්නව "

අහිංස අයියා එෆ් බී එකෙ නම සර්ච් කරලා මට පෙන්නුවා...

" තිමන්‍යා අනුරාධි ....අඩෙ මරු නෙ.... ඒ අක්කා ලස්සනයි හලො.... " ප්‍රොෆයිල් එකෙ හිටියේ හුඟක් කළු නැති සුදුත් නැති මැද පාට කොණ්ඩේ දිග අක්කා කෙනෙක්.. එයාගෙ හෙන අමුතු චාම් ගතියක් තිබ්බා...