සියුම් පහර | $i¥um Paha®a 🎯✨ [ © ✅ ]

31 වන කොටස

ආශ්... එක්සෑම් එකට තව සතියයි.. assignments තිබ්බානම් මොකද වෙන්නෙ. පලවෙනි සෙම් එකේම exam දාලා. නැන්දා අද පුංචිලා දිහා යනවලු. එන්නෙ හෙට නිසා අපි සෙට් එක අපේ ගෙදර පාඩම් කරමු කියලා ප්ලෑන් කලා.එක්සෑම් නිසා කැම්පස් එකෙන් අපිට සතියක් වැකේශන් දීලා තිබ්බා.

" නැගිටපන්.. ඒ මිහින්..නැගිටපන් බන්. බලපන් වෙලාව 9යි "

"විනාඩි.....පහා......යි"

උදේ ඇහැරෙද්දි ඇදේ ඉන්න ඉන්න ලැබෙන අමතර විනාඩි 5 කියන්නෙ මනුස්සයෙක්ගෙ ජීවිතේ වැදගත් විනාඩි කීපය.

" මොන විනාඩි 5ද නැගිටපන් අරුන් මෙතන හන්දියේලු"

අම්මට සිරි තත්පරෙන් ඇදෙන් බැහැපු මන් ඒ තත්පරෙන්ම බාතෲම් එකට වාශ්ප උනා.වොශ් දාන් පහලට එනකොට අපේ සෙට් එකම වගේ ගෙදර ඇවිත්.

" ආ වදේ උයා උදේට නැගිටින්න ඔච්චරම කම්මැලීද"

අනේ මේ රදීශයා ඒ ටිකට මේකත් කියලා.

" දන්නෙ නැද්ද ඒයි.නිවාඩු දවසට පොඩ්ඩක් ඩාම් වෙනවා ඩූම් වෙනවා "

" බලන්න ඒයි මගෙ අලුත් හෙයාර් කලර් එක ලස්සනයිද කියලා"

අනේ මේකී ඒ ගමන කොන්ඩේ දම් පාට කරගෙන. පිස්සු හෝන්තුවක්නේ.

" යසයි යසයි. ඒක නෙවේ ටාශී මොකක්ද උබේ ඔය ඔලුවේ තියෙන්නෙ"

"අනේ මිහිබබා ඇස් ඇරලා බලපන්. මලක් අනේ"

" ඔව් වදේ මේ වද මලක් "

" අපි එනකොට ගෙදරක තිබ්බෙ. මන් සසීට ඒක ඕනේ කිව්වම එයා ඒ වත්තට පැනලා මට මේක කඩලා දුන්නා මිහි බබා.තව ටිකෙන් ඒ ගෙදර බල්ලත් අපි පස්සෙන් පන්නනවා අනේ"

"උබ එක්ක යාලුවෙන්න තරම් ඒකා කොච්චර පව් කරලද. එක දවසක මකරෙක් ඕනේ කියල නාහෙන් අඩනවා.අනිත් දවසේ බල්ලො පස්සෙන් පන්නවා. හෙනම රිස්ක් එකක්. ඒකට කියපන් මුලින්ම ජීවිතාරක්ෂක කදවුරකට බැදෙන්න කියලා"

" එහෙම ඕනේ නෑ මිහිබබා. මන් හිතන් ඉන්නෙ අපි දෙන්නටම ඉන්ශුවර්ස් එකක් දාන්න"

"ගුඩ් අයිඩියා ආහ්"

" ඔහොම හිටපන් සසියත් මෙහෙ ආවද "