සියුම් පහර | $i¥um Paha®a 🎯✨ [ © ✅ ]

78 වන කොටස

අප්පච්චිගෙ කීමට රූම් එකට ආව මන් වොශ් එකක් දාගෙන බූවලුස් රූම් එකට එනකොටම ඒකෙන් එලියට ආවා. රෑ කෑමත් ප්‍රතික්ෂේප කරපු මන් සිගරට්ටුවක් කටේ ගහගෙන බෝතලයක් අරගෙන පූල් එක පැත්තට ආවා.හැමෝගෙම ජීවිත දිහා බලනකොට ඇත්තටම මගෙ හිතට මහ කලකිරීමක් දැනෙනවා.

රදීශ්ගෙ මයින්ඩ් එක මේ වෙනකොට කොහොමද ??

කෙවින්...ඒ අහිංසකයා ඉස්පිරිතාලෙ ඇදක් උඩ......

පෘථිවි....කාලෙකට කලින් අපි ඈත් උනත් එයා දැන් මාවම බලාපොරොත්තුවෙන් මගෙ ලගට ඇවිත්.. ඒත් ඒ වෙනකොටත් මන් කසාද බැදපු මනුස්සයෙක්....

ඉස්සරහට මොනවා වෙයිද... මේ දේවල් කොහෙන් කොහොම කෙලවර වෙයිද.....

ආසාවෙන් එලියට දාන්න දගලපු මියුසික් වීඩියෝ එකේ වැඩ ටික මේ ප්‍රශ්නත් එක්කම අතර මැද නතර උනා.. කම්පැනි එකේ වැඩ ටිකත් මන් හිර වෙන හැමතැනම අප්පච්චි හැන්ඩ්ල් කරන නිසා ඒ බර මගෙන් ටිකක් ඈත් උනා......

මගෙ ඔලුව ඇතුලෙ හැමදාම වගේ කැරකැවුනු පීඩනේ අද ඊටත් වඩා වැඩිවෙලා......

දවසින් දවස හුස්මත් එක්ක ඇඟ ඇතුලට යන මේ දුම කියයි මගෙ හිත ඇතුලෙ තියන වේදනාව...මේ ප්‍රශ්න වලින් කවදා නිදහස් වෙන්නද.. මොකක්ද මේකේ කෙලවර.... අද මට මගෙ අම්මව ආයෙත් පාරක් මතක් උනා... එයා අද හිටියානම් වෙන්න ඕනේ මොනවද කරන්න ඕනේ මොනවද මේ හැමප්‍රශ්නෙකටම එයා ලග විසඳුම් තිබ්බා. මනුස්සයෙක්ට හැම සැපසම්පතම තිබ්බත් උට මානසික නිදහසක් නැත්තම්.....¿ මේ දේවල් කොහොම උනත් කෙවින්ට කිසි කරදරයක් නොවුනම් ඇති..... ඇස් වලින් වැටෙන නිමක් නැති කඳුලු අතරේ මුලු බෝතලයෙම නිමාව සනිටුහන් කරනකොට නොදැනීම පැය ගානක් ගිහින්.....

අඩවන් වෙන ඇස් එක්ක ගේ ඇතුලට යන්න ඕනේ කියලා හිතුනත් ඒකටත් හරි හමන් සිහියක් නැතිවෙනකොට මන් දැක්කා මගෙ එහා පැත්තෙ බෙන්ච් එකේ ඉදන් අත්දෙකත් බැඳගෙන කවුරු හරි මන් දිහා බලන් ඉන්නවා කියලා. යන්න කියලා නැගිටින්න හදද්දිත් අතේ තිබ්බ බෝතලය මගෙ අතින් බිමට වැටිලා බිඳුනා.. ඉදන් හිටපු ජායාව මන් ලගට ඇදෙන කොට තමයි මන් දැක්කෙ ඒ පෘථිවි කියලා.