සියුම් පහර | $i¥um Paha®a 🎯✨ [ © ✅ ]

89 වන කොටස

" දෙයියනේ මේ පූසා ආයේම  ජරා කරලනේ....මේකව අද මම.."

කොස්ස අතට ගත්ත මන් ගේ ඇතුලේ ඇවිදලා ඔය කකුල් හතරෙ අමුතුසතාව හෙව්වා. ඉවරයක් නෑ මූ දැන් දවස් තුනක් තිස්සෙ මේ වැඩේ කරනවා. දවස් දෙකම ගේ ඉස්සරහා ජරා කරපු පූසා අද ගේ ඇතුලෙ මේ වැඩේ කරලා තියෙද්දි අම්මපා මට නම් මගෙ මාරයා ආවේස උනා.අපේ මිනිහටත් පූසෙක් පේන්න බෑනේ අල්ලන් ඇවිත් හුරතල් කරනවා. මට නම් ඔය හැචින් සීන් එක නිසා ඒ කාලේ ඉඳන් පූසෝ ඇලජික්.

" මිනිහෝ මේ එනවා..."

" මොකද උදේ පාන්ද.........ආ අදත් බඩු හරි වගේ. ඔන්න මම නම් ඔය පූසව දැක්කෙ නෑ. "

" ඔය අල්ලපුගෙදර එවුන්ව මන් අද හමගහනවා. ඕකුන්ට කී පාරක් කිව්වද ඔය පූසව මේ හතරමායිමෙන් එහාට්ට එව්වන්න එපා කියලා. අනිත් එකා උබ ! මන් කියලා තියනවා ඔය හොරපූස් තඩියව ගෙට වද්දගන්න එපා කියලා."

" මේ උදේ පාන්දර එහා ගෙදර මිනිස්සු එක්ක රන්ඩු වෙන්න ඕනේ නෑනේ. ඔයාමනෙ කිව්වෙ එයාලා ඉන්න එක ඔයාට හරි හයියක් කියලා. ඒ නිසා අතෑරලා දාන්න.අනික මේ පූසෙක් හින්දා..."

චටාස්........

" උබ කටවහපන්. හිටපන්කො අද දෙකෙන් එකක් බේරගෙන එන්න "

කොස්සත් අරගෙන එලියට බැහැපු මන් ගේට් එකේ දොර අරින්නත් කලින් ඉදලක් ඉනේ ගහගෙන අපේ ගේට්ටුව ඉස්සරහ  වැලහිනි වේසෙන් මට බනින එහාගෙදර එකාව දැක්කා.

" ආ හොයන්න කලින් හොයාගෙනම එන එක හොඳයි. මන් කියලා තියනවා කලිනුත් ඔහෙට මේ ජරා පූසව මේ අහල පහලකටවත් එවන්න එපා කියලා. මතක ඇතිනෙ. අද උදෙත් මේ කැම්රි බළලා ජරා කරලා ඒකත් ගේ ඇතුලේ. ඈ බොල එවන්න එපා කියන එක තේරෙන්නෙ නැද්ද "

" මන් ආවෙත් හොයාගෙනම තමා හොඳ හිතින් දීපන් මගෙ කහ ටික. බොහොම අමාරුවෙන් හෝඳලා අව්වෙ වේලෙන්න තියපු කහ ටික. ඊයෙ රෑ ගන්න බැරි උනු ටිකට එලිවෙද්දි උස්සලානේ "

" අනේ මට කොහෙවත් යන කහ උස්ස උස්ස ඉන්න අමාරුවක් නෑ. හොඳ හිතින් ඔය ජරා බළලව මෙහෙට එවන්නෙ නැතුව හිටපන් නැත්තම් කොහෙට හරි ගිහින් දාපන් "