සියුම් පහර | $i¥um Paha®a 🎯✨ [ © ✅ ]

84 වන කොටස

වෙඩින් එකට කලින් අපේ එකාට Groom to be මඟුලක් ගන්න ඕනෙ කිව්ව නිසා අපේ ලගම සෙට් එක අද රෑ පොඩි පාටි එකක් ගන්න ප්ලෑන් කලා.

කේක් එක කපලා අපි දෙන්නට දෙන්නා කවාගෙන අපේ උන්ගෙ අත්පොලසන් මැදින් උන්ටත් කැල්ල කෑල්ල කැව්වා.
අපේ ගෙවල්වල අය මුල් ටිකට පෙනී ඉදලා ඕනේ එකක් කරගන්නයි කියලා අපිට සෙට් එකට පාඩුවේ ඉන්න දීලා ගියා. අනේ මන්දා මේවා ඉතින් හුරුත් නෑ. ලැජ්ජාවේ බෑ.

" මට ලැජ්ජයි ඒයි "

" ඒ මොකද "

" එතකොට මේ හැමෝම දැනගන්නවනෙ ඒයි අපි හෙට අරක කරනවා කියලා "

" මොකක්ද "

" අරක ඒයි... "

" අරක කිව්වෙ "

" නෑ නෑ මුකුත් නෑ ඒයී "

කින්ඩියට වගේ මගෙ දිහා බලලා හිනා වුනු මූසල බූවල්ලා මාවත් ඇඳගෙන කට්ටිය කෑම කකා හිටපු ටේබල් එකට ආවා. අපි හැමෝම එක ටේබල් එකකට කොටු වෙනකොට හනේ මන්දා මුන් ඔක්කොම මගෙ පවුල වගේ හරි ලස්සන හැඟීමක් දැනුනා. ඇත්තටම අපි ඔක්කොම එකම පවුලක්. අපේ සෙට් එකෙන් අන්තිම වෙඩින් එක ගන්නෙ ඉතින් අපි දෙම්නා. චලනයත් ගිය මාසෙ මෙතුලියව මැරි කලානෙ. දැන් ඉතින් රස්සාවට එහා ගිය නෑකමක් චලනයටයි අපේ එකාටයි තියනවා.කමක් නෑ ඉතින්, දැන් මේ මඟුලට පවුල් පිටින් සහභාගි වෙන්නයි තියෙන්නෙ.

" අඩෝ එහෙනම් අන්තිමට ඒ දවසත් ආවා නේද බන්. මගෙ වෙඩින් එක ගන්නවට වඩා පුදුම ඉවසීමකින් බලන් හිටියා උබලගෙ වෙඩින් එක ගන්නකන් "

" සිරාවටම බන් මන් හිතුවෙ මුන් දෙන්නට උනු දේවල් එක්ක  මගෙ නහරයක් පුපුරලා මැරිලා යයි කියලා "

සසිඳුවක් නිතීශයයි එහෙම කියනකොට ඉබේම මගෙ පපුවට අත ගියා. ඇත්තටම කොහොම හිටපු උන් දෙන්නෙක්ද අපි දෙන්නා. හරියට බැලුවොත් අපි දෙන්නගෙ සම්බන්දෙට හෙන විතරයි ගැහුවෙ නැත්තෙ. අපේ එකා කියන විදිහට මන් ඉතින් කොහොමත් හොඳ පවර්ෆුල් අකුනු සන්නායක්නෙ. Eww eww හරිම මුස්පේන්තුයි.

" එහෙනම් හැමෝටම ජය. චියර්ස් "

" චියර්ස් ........... "