සියුම් පහර | $i¥um Paha®a 🎯✨ [ © ✅ ]

85 වන කොටස

අප්පච්චිගෙ වැලමිට මැදින් අතදාගෙන ඉස්සරහට ආපු අපිට පල්ලියේ දොර  ඇරෙද්දි ඇතුලට යන්නත් කලින්ම ඇතුලෙ තිබ්බ සරල චාම් ලස්සන දැකලා ඇස් දෙකට අමුතු සතුටක් දැනුනා. එයා මන් කිව්ව විදිහටම පල්ලිය හරි චාම්ව ඩිසයින් කරලා.

වයිට් කාපට් එක දිගේ ටිකෙන් ටික මන් ඉස්සරහට ඇදෙන කොට මගෙ පපුව එකසිය ගානට ගැහෙන්න පටන් ගත්තා. දෙපැත්තෙ සරසලා තිබ්බ ලස්සන මල්බොකී මැදින් ඉස්සරහට අඩිය තිබ්බ මම හිතුවෙවත් නැති පිරිසක් පහු කරගෙන ඉස්සරහට හිමින් යන්න පටන් ගත්තා.

ටිකෙන් ටික මට පෘථිවිව පේන්න ගන්නකොටත් එයාට මාව පේන්න ගන්නකොටත් අනේ දෙවියනේ නහයයි තොල් දෙකයි එයාගෙ අත්දෙකෙන්ම වහගෙන ඒ ඇස් වලින් කඳුලු වැටෙන්න පටන් ගත්තා. අනේ මාව දැකපු මගෙ පෘථිවිගෙ ඇස් වලින් කඳුලු වැටෙනවා. මගෙ මුලු පපුවම පිච්චිලා යන්න උනා.මගෙ අතින් ඉබේම අප්පච්චිගෙ වැලමිට තවත් තදින් මිරිකෙන්න පටන් ගත්තා. එයාගෙ ආදරණීය සතුටු කඳුලු හැමෝම ඉස්සරහා පිටවෙනකොට එයා තිබුනු පොඩි පඩිදෙක බැහැලා අපි ලගට හිමින් ආවා.

අනේ එයාගෙ ලස්සන. ඒ තරම් හැන්ඩ්සම්. සුදු අත්දිග කමිසෙ උඩින් දාගත්ත දිලිසෙන බ්ලැක් බ්ලේසර් එකට බෙල්ල ලගට බ්ලැක් බෝ එකක් හිර වෙලා තිබ්බා. බ්ලේසර් එකේ අයිනෙක මගෙ ඩ්‍රෙසින් එකේ ෆැබ්රික් එකෙන්ම මල් කිනිත්තක් හිර වෙද්දි මම මගෙ පෘථිවිගෙ ඒ පෙනුමට වශීවෙලා බලන් හිටියා.

අප්පච්චිගෙ ඇස් වලත් කඳුලු හිර වෙද්දි එයා මගෙ අත පෘථිවිට භාර දීලා අපි දෙන්නගෙ පිටට තට්ටුවක් දාලා එතනින් එහාට්ට ගියා. මාව උගෙ උරහිසට හේත්තු කරගත්ත ඒකා කඳුලු පිහිදගෙන මගෙ හිස් මුදුනට හාදුවක් දීලා මාත් එක්කම ඉස්සරහට ඇඳුනා.