සියුම් පහර | $i¥um Paha®a 🎯✨ [ © ✅ ]

44 වන කොටස

" නෑ නෑ මේ සිකුරු වෙන්න ඕනේ "

" මට නම් හිතෙන්නෙ අගහරු වෙන්න ඇති"

" නෑ නෑ වදේ මේ සිකුරු "

" ඔයාම කියන්න මිහි බබා මේ අගහරු නේද "

" ඔහොම හිටපන් මන් උබල දෙන්නටම පැහැදිලිව කියලා දෙන්න"

මායි ටාශීයයි වොනයි කැම්පස් එකේ උදේ වරුවේ බ්‍රේක් එකේදී ලිවින් ඒරියා එකට වෙලා පොඩි කයියක් දාගෙන හිටියෙ.මන් ලග තිබ්බ නෝට් බුක් එකක  තරු දෙකක් ඇදලා උන්ගෙන් ඇහුවා මේ තරු මොනවා වෙන්න ඇතිද කියලා.

" ආ උබලා පාඩම් කරනවා වගේ "

එතකොටම අපි ඉන්න තැනට අර මූසලයෝ දෙන්නා ආවා. වෙන කව්ද ඉතින් රදීශයයි නිතීශයයි කියන ගල් ඉබ්බො දෙන්නා.

" මෙහෙ වරෙන් නිතීශ් උබටත් කියලා දෙන්න. අද පාඩම තරු "

" ඒ මොන උකන පාඩමක්ද බන් ඒ. අපිට තරු ගැනත් ලෙක්චර් එකක් තියනවද "

" නෑ නෑ නිතීශයා එහෙම උට්ටක් නෙවෙයි. හොදට බලපන් මේක දිහා. බැලූ බැල්මට ඕක පේන්නෙ සාමාන්‍ය  තරු වගේ. හරියට දැන් ටිකකට කලින් මුන් දෙන්නා සිකුරුයි,අගහරුයි කියලා මරාගත්තා වගේ. ඒ උනාට හොදට බලපන් මේ තියෙන්නෙ එහෙම මගුලක් නෙවෙ. මේ තියෙන්නෙ අයිතියක් නැති තරු "

" මිහින් ඕක නවත්තපන් "

ඒ අස්සෙ රදීශයා බෙරිහන් දුන්නා.

" ඒ මොන තරුද වදේ. එහෙම තරුත් තියනවද අනේ "

" ඒකනෙ මිහිබබා මට තේරෙන්නෙ නෑ උබ කියන ඒවා "

" අන්න හරි ඒක තමයි මාත් කියන්නෙ මටත් තේරෙන්නෙ නෑ බන් "

" ඕක නවත්තපන් මිහින්.මන් උබට සැරයක් කිව්වා "

දැක්කනේ ඊයේ රෑ මූ කියපු මගුලෙ තරු ගැන මට තේරෙන්නෙත් නෑ. අහල පහල උන්ට තේරෙන්නෙත් නෑ. නොදන්න නිසා වටේ පිටේ උන්ගෙන් අහගන්න ගියාම රදීශයා මට බනිනවා. එහෙන් උගේ අතිජාත මිත්‍රයා  මුකුත් නොදන්නවා වගේ හිනා වෙන්න බැරි කමට අහක බලන් ඉන්නවා.

" ඒක නෙවේ උබලා ඔක්කොම ට්‍රිප් එක යන්න එනවනේ "

" ඇත්තටම උබලා ඉගෙන ගන්නවට වඩා කරන්නෙ ට්‍රිප් යන එකද .අනේ මට බෑ බන්"