සියුම් පහර | $i¥um Paha®a 🎯✨ [ © ✅ ]

61 වන කොටස

" පෘථූ...........පෘථූ.............."

රදීශ් මගෙ ලගින් ගියාට වඩා වේගෙන් ආපස්සට හැරුනු මන් ඉස්සරහා දොර ඇරගෙන පෘථිවි හොයන්න ස්ටුඩන්ට් ඒරියා එකේ ඉදන් බැල්කනි එක දිගේම දුවගෙන ආවා. මේ හරිය හොදටම කලුවර නිසා මන් පඩිපෙල බැහැගෙන පල්ලහාටම දුවගෙන ගියා. කෝ අනේ මගෙ බුවලුස්.. මේ ටිකට එයා මෙච්චර ඉක්මනට කැම්පස් බිල්ඩින් එකෙන් එලියට ගියාද.බැරිම තැන මන් කෝල් ගත්තා. ඒත් රින්ග්ස් යනවා විතරයි එකක්වත් ආන්සර් කරන්නෙ නෑ.සමහරවිට සයිලන්ට් කරලා ඇති. Dj එකත් ඉවර වෙලා ලමයි ඔක්කොම වගේ ගේට් එකෙන් එලියට යනවා. මට සෙනග අස්සෙ එයාව හොයාගන්නත් බෑ. බැරිම තැන මන් බෑග් එකත් අරන් ගේට් එක අයිනෙ හිටගෙන හිටියා. ඒත් අන්තිම ලමයා එලියට යනකනුත් එයා ආවේ නෑ.

මන් ආයෙම කෝල් ගත්තා. ඒත් ඒ එක කෝල් එකකටවත් එයාව කන්ටැක්ට් කරගන්න බැරි උනා. ටාශි,වොනා,සසී තුන්දෙනාටම මන් ගත්තා. එ තුන්දෙනාම අන්තිමට එයාව දැකලා තියෙන්නෙ මන් එක්ක ඉන්නකොට. එතකොට කෝ මගේ පෘථිවි....... එයා කොහෙද ගියේ.....බැරි වෙලාවත් එයා මාවයි රදීශ්වයි අරහෙම දැකලා වැරදි දෙයක් හිතුවවත්ද...?? නෑ නෑ නෑ එහෙම වෙන්න බෑ. එයාට මාව විශ්වාසයි.... එයා කවදාවත් එහෙම හිතන කෙනෙක් නෙවෙ.

අප්පච්චි දීපු වාහනේ යතුරත් අරගෙන මන් පාකින් ඒරියා එකට ගිහින් වාහනේ ස්ටාට් කරන් කෙලින්ම රදීශ්ලගෙ ගෙදර ගියා. ඒ වෙනකොටත් ඒ ගෙදර ලොක් කරලා. අද මන් මෙහෙන් යනවා කියලා නැන්දා දන්නවා. සමහරවිට රදීශ් අද මෙහෙන් යන නිසා නැන්දා එයා එක්ක airport එකට යන්න ඇති. දෙයියනේ මේ මොනවද වෙන්නෙ. මන් ඔලුව දහඅතේ තියාගෙන කල්පනා කලා. කලුවරත් එන්න එන්නම වැඩි වෙනකොට මගෙ ඔලුවට මහ අමුතුපීඩනයක් එක්ක මහා තනිකමක් දැනුනා. ආව වෙගෙන්ම මන් කාර් එකත් හරවන් වැව රවුමට ගියා. ලග තිබ්බ මාර ගහයට වාහනේ නවත්තලා හුලගට වැවේ වතුර එකපැත්තකට ගලාගෙන යන දිහා බලන් හිටියා. මන් ආයෙම බූවලුස්ට කෝල් ගත්තා. ගත්ත කීවෙනි කෝල් එකද මන්දා ආන්සර් උනා. මන් කඳුලුත් පිහාගෙන ආව සතුටට එයාට එක දිගටම කතා කරගෙන ගියා.

" අනේ මගෙ බූ. කොහෙද ඉන්නෙ.ඔයා හොදින්ද.මන් ඔයාව හැමතැනම හෙව්වා. අනේ කොහෙද ඉන්නෙ කියන්න.මට ඔයාව බලන්න ඕනේ.මට ඔයා ලගට වෙලා ඉන්න ඕනේ ඒයි..මට මාර තනිකමක් දැනෙනවා ඒයි. ඇයි එහෙම මාව දාලා ගියේ. ඉන්න තැනක් කියන්න මන් දැන් එන්නම්......"