සියුම් පහර | $i¥um Paha®a 🎯✨ [ © ✅ ]

49 වන කොටස

බූවලු දෑතට මගෙ බද හිර වෙද්දි එයා මාව වඩාගෙනම කාමරේට එක්කන් ආවා. මාව වඩාගෙන පඩිපෙලක් නගින හැම පාරම මට අපේ අතීතය මතක් වෙනවා. පෘථිලගෙ ගෙදර හිටපු ඒ කාලේ කීපාරක් මෙහෙම මාව උඩට පල්ලෙහාට එක්කන් යන්න ඇතිද. හුම්ම් පරන මතක...මන් දිග හුස්මක් ගත්තා........

බූවලු මාව එයාගෙ කාමරේට එක්කන් ඇවිත් කකුලෙන්ම දොර පිටිපස්සට තල්ලු කරලා වැහුවා. එයා ඇදෙන් ඉදගෙන මාව ඔඩොක්කුවෙන් ඉන්දව ගත්තා. එයාගේ තුරුලේ මන් හරියට චූටි බබෙක් වගේ. ඒ තුරුල හරියට මට රූස්ස ගහක් වගේ හෙවන දුන්නා.

" මොනවද අර දාලා තිබ්බෙ "

" මොනවද ඒයි "

"  පෘථිවිය කැරට් අලයක් කියලා "

" ඒ මගෙ දුක අනේ... ඔයාට ඒවා තේරෙන්නෙ නෑනේ... මට ඒ වෙලේ ගොඩක් දුක හිතිලා තිබ්බෙ..කොහෙද ඉතින් මාව බ්ලොක් කරලනෙ. "

" දැන් අන්බ්ලොක් "

දෙන්න හිතයි මේකට අම්මපා..දැන් අන්බ්ලොක්ලු. මන් අහන්න ගියේ කව්ද කේලම් කියපු එකා කියලා. මොකද මගෙ ලිස්ට් එකේ ඉන්න හැම එකාම මට වඩා මේකට සපෝට්නේ. ඔන්න ඔහෙ කමක් නෑ. එයා උනත් දැනගන්න ඕනේ මන් දුකෙන් හිටියේ කියලා.

" මන් කැරට් අලයක් නම් ඒ කැරට් අලේ කන හා පැටියා කව්ද "

" මොනවා අහනවද මන්දා ඒයි "

" කැරට් අලයක් දෙන්නද කන්න "

මොනාද අනේ මේ අහන්නෙ මට ලැජ්ජා හිතෙනවා. එයා අද මටත් වඩා මන් ලග හුරතල් වෙනවා හරියට පොඩි ලමයෙක් වගේ. ඒ කටහඩ අද හරිම නිමිලා.

කතාවක් තියනවනේ,

කවුරුත් නැති තැන ඔයා ඉස්සරහා පොඩි ළමයෙක් වගේ හැසිරේවි,

හැමෝම ඉන්න තැන තාත්තෙක් වගේ ළඟ ඉඳීවි..!
~Caring partner~

හරියට අන්න ඒ වගේ.මුගෙත් හරි කෝලම් වෙලාවකට. මන් ඒකගේ උරහිසට හේත්තු වෙලා ඔලුව ගහන් ඇගිලි තුඩු වලින් පපුව පුරා ලාවට ඇදගෙන ගියා. බූවලු අත් වලින් මාව තවත් හිර වෙලා ඒකගෙ ඇගට මාව තදින් හිර කරගත්තා. අනේ මන්දා එයා ලග මට මේ දැනෙන හැගීම මෙහෙමයි කියලා වචනෙන් කියන්න බෑ. හරිම සැහැල්ලුයි. හරිම ආදරණීයයි. හරිම හැගීම්බරයි.ඒ දැනෙන සෙනෙහසට මන් සෑහෙන්න ලෝභ කලා. මූ මගේ.. දෙන්නෙ නෑ කාටවත්.... මගේ කියලා හැගීම දැනෙන්නෙ මට මේකා ලග විතරයි. බූවලු තොල් මගෙ ඉස්මුදුන සිපගද්දි මන් ඇස් දෙක තද කරන් ඒ ආරක්ශිත හැගීම හරි ලස්සනට වින්දා.