සියුම් පහර | $i¥um Paha®a 🎯✨ [ © ✅ ]

64 වන කොටස

Diary Part 01 🔖✨

2016. 01. 01

අවුරුදු 3කට පස්සෙ අලුත් අවුරුද්දක ආරම්භයේ, අද මන් ගෙදර. පැය ගානක බස් ගමනක් අවසානයේ මටත් වැඩිය එයාට ගොඩක් මහන්සි ඇති. පව් එයා හොද නින්දක. එලියෙන් පිට ගෙවුනු අවුරුදු 3නටම හැමදාම රෑට පොතක් එක්ක තනිවෙච්ච මට අද ගෙදර කියලා විශේශයක් නෑ. අදත් පුරුදු විදිහටම අලුත් ඩයරියට අත ගැහුවා. වෙලාව පාන්දර 2.48යි. අම්මා අප්පච්චි අයියා මේ ගෙවුනු කාලයට සෑහෙන්න වෙනස් වෙලා. ගෙදර එනකොටත් අම්මා අඩනවා. ඇත්ත මේක මගෙ තනි තීරණයක්. ඒත් මන් ආස දෙයක්. අප්පච්චි නම් කවදත් අපේ හීන වලට යන්න උදව් කලා. එයා එදා කිව්ව දේම අදත් කිව්වා. "උබ ආස දෙයක් කරපන්. මගෙ ලේ වලින් ඉපදිච්ච උන් ගැන මට විශ්වාසයි "

2016.01.07

දැන් ඉතින් ආව වැඩේ ඉවර වෙනකන් සෑහෙන කාලයක් ගෙදර. මේ වෙනුවෙන් මට කරන්න පුලුවන් හැමදේම මන් කරනවා.  එරම්පෙරියකුලම හරියෙන් බස් එකට යටවෙන්න ගිය ඒ දුඹුරු ලොං ගුලිය අදත් හොදටම නිදි. සෑහෙන්න කල්පනා කරලා එයාට මන් අද නමක් තිබ්බා. " සුපුනි " . අපේ බැජ් එකෙත් හිටියා දුඹුරු පාට ඇස් තිබ්බ කෙල්ලෙක් සුපුනි කියලා. ඉතින් මේ නම තිබ්බට පාඩු නෑ.අද ගිහින් principal එක්ක කතා කරගත්තු විදිහට
හෙට මටයි Mr.C ටයි ආයෙත් පුරුදු විදිහට ජීවිතේ දෙවෙනි වතාවට  ස්කූල් යන්න සිද්ධ උනා. මූ කිව්වා හරි කොන්ඩෙ රැවුල් කැපුවම ඒ වගේමයි. කාටත් හොයාගන්න බෑ.

2016.01.21

පොඩි කොල්ලො ටික අපිට හොදට සෙට් වීගෙන ආවා. මෙහෙත් කරාතෙ තියනවා. අපේ අප්පච්චි ඉතින් මේ හරියෙ ඉන්න හැම ස්කූල් එකකම කරාතෙ කෝච් නිසා මාත් පොඩි උන් එක්ක ගේම් එකට බැස්සා. දැන් අවුරුදු ගානකට කලින් නැශනල් ටීම් එකෙන් මන් අයින් උනේ හීන හොයාගෙන යන එකෙක්ට උගේ මහ විශාල හීන අතරෙ  තමන් කැමති අනිත් දේවල් අතාරින්න වෙන විත්තිය දැනගෙනමයි. වෙනසක් නෑ හැබැයි. ගියාට පස්සෙත් මේ අවුරුදු 3නටම මන් ගොඩක් කලෙත් ඒක. රන්ජගෙ හදිසි පනිවිඩයකට මට  mr.c ව නොච්චිකුලම් යවන්න උනා. ඒ නිසා මුට සතියක් බොරු උන. Government සහයෝගය පාසල වෙනුවෙන් තිබ්බත් principal කිව්ව විදිහට අඩුම teacher කෙනෙක්ටවත් මේ ගැන සැක හිතෙන්න බෑ. පොඩි උන් එක්ක ස්කූල් ඇරිලා ක්ලාස් වලටත් යන්න උනා.ඉතින් අන්තිමට අපි ඉස්කෝලෙකටම නාකි උනා.