සියුම් පහර | $i¥um Paha®a 🎯✨ [ © ✅ ]

48 වන කොටස

" 404 යි "

" ආ මේ 400 ගන්න. මාරු නෑ මන් ලග. ආයේ 1000ක් තියෙන්නෙ"

" මන් ලග මාරු ඇති "

" අනේ මේ රුපියල් 4ක් ගන්න දාහක් මාරු කරන්න අන්කල්ට පිස්සුද. ඔච්චර ලෝබ වෙන්න එපා අන්කල්.අනික රුපියල් 4ට ?? ඔයාට ලැජ්ජ නැද්ද. හා අන්කල්ට ඔය රුපියල් 400ත් එපා නම් දෙන්න මට.. ගිහින් හොද වැඩ පොතේ ලියාගන්න මේ ෆ්‍රී ඩයිව් එක.."

" නෑ හරි හරි 400ක් ඇති. අද කාලේ හැදෙන ලමයි නම්  ඇත්තමයි..."

ඒ මිනිහා මට බැන බැන යන්න ගියා. කොයි රටේද යකෝ රුපියල් 4කට දාහක් මාරු කරන්නෙ. අනික මේ බූවලුස් නිසා අද මගෙ රුපියල් 400කටම කෙල උනා උට්ට. මේ වෙනකොට මගෙ මලපැනීම තුන් හතර ගුනයකින් වැඩි වෙලා තිබ්බෙ.සසිදුවට මන් කෝල් එකක් ගත්තා.

" හෙලෝ.."

" කියපන් "

" උබලගෙ ගෙදර කව්ද ඉන්නෙ "

" ගෙදර නම් කවුරුත් නෑ දැන්.ඇයි බන්"

" දැන් ඔය මිනිහව ගෙදර එවන්නෙ නැද්ද උබ "

" මූව මෙහෙම ගෙදර එවන්නෙ කොහොමද බන්. දවස් 2ක් කාලා නෑ හාමතේ හැදිලා මුට හොදටම කලන්තේ. ඒ මදිවට පොරට සාංකාව "

මන් කෝල් එක කට් කලා. අහවල් සාංකාව. එහෙම උට්ටක් තියේනම් මෙහෙ ලගින්න ඕනේ නෑනේ. දෙන්නම් අද උබට..මන් ගේට්ටුවත් ඇරන් හිමීට දොරකොඩ ලගට ගිහින් ගේ ඇතුලට හොස්ස දැම්මා. අපේ අම්මේ මේකා යකෝ.. මෙන්න බොලේ හාමතේ කියපු එකා කන්දක් තරම් උස බත් එකක් බෙදාගෙන සාලේ මැදට වෙලා හොදට ගිලිනවා. උගේ අප්පගේ හාමතයක්නේ ඒක.ආව ආවේගෙට මන් ගැම්මට පිටියට අවතීර්ණ උනා.

" හරිම අගෙයි බේසික පුතෝ.මන් මෙහෙ පිච්චි පිච්චි ඉන්නවා තෝ හොදට ගිලපන් "

" මිහින් උබ..."

" උබ තමයි. ඈ සසිදු මාර හාමතයක්නේ යකෝ ඒක.."

මාව දැකලා පුදුම උනු සසිදුවට මන් එහෙම කියද්දි අර බූවලු පගා මාව දැක්කෙ නෑ වගේ තව බත් කටක් ගිලිද්දි මගේ මාරයා තවත් ආවේස උනා.

චටාස්......................

" හම්මට හයේ පාරක්..."

" බුහ්හ්හ්...බුහ්හ්හ්හ්හ්හ් ..... "