සියුම් පහර | $i¥um Paha®a 🎯✨ [ © ✅ ]

53 වන කොටස

දැන් ඉතින් අවුරුදු නිසා කැම්පස් එකේ වැකේශන් පීරියඩ් එක. හවස DJ එකත් ඉවර වෙලා එලියට එනකොට මෙච්චර වෙලා අතුරුදන් වෙලා හිටපු රදීශයා ගේට් එක ලගින් මතු උනා. අද කවදාවත් නැතුව ඌ මන් එක්ක කතා කලෙත් නෑ. නටලා නටලා හෙම්බත් වෙලා හිටපු මටත් ඒ වෙද්දි ඇගට හරි මහන්සියක් දැනුනු නිසා මාත් කතා නොකරම ඌ එක්ක එන්න ආවා. බූවලුස් අවුරුද්ද නිසා ටික දවසකට මෙහෙන් අතුරුදන් වෙන හින්දා ඇත්තටම මන් ගොඩක් අවුලෙන් හිටියේ. ඒකා නැතුව මන් කොහොමද ඉන්නෙ අප්පා.ගේට් එක ලගට එනකොට වාහන දෙක තුනක් ගේ ඉස්සරහා නවත්තලා තියෙද්දි ලාවට වගේ ඈතට දැක්කා මගෙ පුරුදු BMW එක. දෙයියනේ ඒ කියන්නෙ අප්පච්චි ඇවිත්. සතුට හංගන් මුකුත් නොදන්නවා වගේ මාත් රදීශයා එක්ක ගේ ඇතුලට යද්දි අප්පච්චි නැන්දා එක්ක ලොකු කතාවක.

ඇලෙක්ස් මන් දැකලා මට කතා කරන්න ගියා උනත් මන් එපා කියලා ඔලුව හොලවපු පාර එයත් බිම බලාගත්තා. අප්පච්චිගෙ එහා පැත්තෙන් තව බොඩිගාඩ්ලා දෙතුන්දෙනෙක් හිටන් හිටියා.

" ආ මේ කියනකොටම එන්නෙ දෙන්නා "

" ඔව් අම්මා අද ඉතින් කැම්පස් එකේ අවුරුදු උත්සවේනේ. මාමත් ඇවිල්ලා ඉන්නෙ."

" ඔව් මන් දැන් ටිකක් වෙලා ඇවිත් "

" මාමාට මොකද එක පාර මෙහෙ මතක් වෙලා "

" මන් ආවේ අවුරුදු නිවාඩුවට මිහින්ව ගෙදර එක්කන් යන්න කියලා"

"මොකක්ද ?? මිහින්ව... ගෙදර එක්කන් යන්න "

"ඔව් පුතා. දැන් තාත්තලා පුතාලා කතා නොකර හිටියා ඇති.අනික අප්පච්චිටයි පුතාටයි කතා කරන්න මගහැරුනු දේවල් ගොඩක් තියනවා. "

" ඒත්..මේ..ඒ... මිහින් කැමතිවෙන එකක් නැති වෙයි "

" කැමැත්ත අකමැත්ත වැඩක් නෑ පුතා. එයා මන් එක්ක යන්න එන්නම ඕනේ. දැන් මෙහෙම හිටියා ඇති. මගෙ දරුවා උනත් දැනගන්න ඕනේ එයාගෙ අප්පච්චි දෙයක් කිව්වම ඒ දේට එකග වෙන්න. කොහොම හරි මන් අද කොල්ලව එක්කගෙනමයි මෙහෙන් යන්නෙ "

අප්පච්චි එහෙම කියනකොට රදීශයගෙ මූන කොන්ඩ කැවුමක් වගේ උනා.ඌ මන් දිහා බලනකොට මාත්  එක වචනයක් කතා නොකර බිම බලාගත්තා.මන් කීයටවත් හිතුවෙ නෑ අප්පච්චි මාව එක්කන් යන්න එයි කියලා.රදීශයට නොතේරෙන්න අප්පච්චිත් බලන්න එපැයි රගපාන රගපෑවිල්ල. දේශපාලනේ දායාද තමයි ඉතින්..