සියුම් පහර | $i¥um Paha®a 🎯✨ [ © ✅ ]

59 වන කොටස

" පුතාලා ආවද "

" ඔව් අප්පච්චි. ඇයි හදිස්සියේම අපි දෙන්නට එන්න කිව්වෙ "

" හරි අපි ඒ ගැන කතා කරමු. ඉස්සෙල්ලා මොනවා හරි බීලා ඉමු. රදීශ් පුතාට මහන්සිත් ඇතිනෙ. බොබී මේ දරුවො දෙන්නට මොනා හරි බොන්න ගෙනත් දෙන්න "

" හොදයි මහත්තයා "

හදිස්සෙයේම අප්පච්චි, මටයි රදීශයටයි කාරුණික නිවේදනයෙන් උඩරටට වාර්තා කරන්න කිව්වා. ඉතින් ඒ නිසා අපි අද උදේ තකහනියක්ම මෙහෙ එන්න දැගලුවා. අපි අප්පච්චි එක්ක කතා කර කර ඉන්න අතරෙ ටික වෙලාවකින් අප්පච්චිගෙ ලෝයර් ආවා.

" චූටි මහත්තයා එහෙනම් දැන් ලොකු කොල්ලෙක් වෙලා නේද "

" Mr.asanka. nice to meet u.after long time. මේ ඉන්නෙ මගෙ ක්‍රසින් රදීශ් "

" nice to meet u too. Hey Radees. ඉතින් පොඩි කාලේ දැක්ක දැක්කමයි මන් සෑහෙන කාලෙකින් දැක්කෙ "

" ඒකනේ අන්කල් "

හදිස්සියේම මෙතනට මොකටද අනේ mr. asanka කඩාපත් උනේ.

" හරි එහෙනම් mr.asanka අපි ආව වැඩේ කතා කරමු. පුතාලා දෙන්නා හොදට අහගන්න. මට ඉන්න එකම දරුවා සඳරැස්. ඒ වගේම ඊලගට එයාගෙන් පස්සෙ ඔයා තමා මගෙ පවුලෙ උරුමය. සඳරැස්ගෙ අම්මා නැති උනාට පස්සෙ මට මේ හැමදේම ගැන මහ ලොකුවට ගොඩ ගහන් හිටපු ආසාවල් නැත්තටම නැති උනා. ඉතින් මගෙ කම්පැනි එකේ ශෙයාර්ස් දැන් ඔයාලට බෙදලා දෙන කාලය ඇවිත් පුතා. තව අවුරුදු දෙකකින් මන් මේ ඇමති රස්සාවෙනුත් අයින් වෙලා පැන්ශන් යනවා. ඉතින් දැක් කම්පැනි එකත් හැන්ඩ්ල් කරන්න මට පුතාලා දෙන්නෙක් ඉන්නවා.ඉතින් දැන් තමයි මේකට හොදම කාලය "

ඇත්තටම අප්පච්චි එක දිගට කියාගෙන කියාගෙන යනකොට මට එයා ගැනත් ලොකු දුකක් දැනුනා. අම්මා නැති උනු දවසෙ ඉදන් ඒ මනුස්සයත් කොච්චර දුක් විදින්න ඇතිද. මන් කවදාවත් හිතුවෙ නෑ අප්පච්චි දේපල බෙදලා දෙන්න මෙච්චර ඉක්මන් වෙයි කියලා. ඒකත් හරිම සාදාරණව. රදීශ්ට කිසි අසාදාරණයක් වෙන්න එයා ඉඩ දුන්නෙ නෑ. එයා කම්පැනි එකෙන් ලෝකල් සයිඩ් එක මට ලියලා ෆොරින් සයිඩ් එක රදීශට ලියලා දුන්නා.