Young Minds

Chapter 33

Chapter 33

 

AKIRA P.O.V

 

Naglalakad na ako dito sa loob ng ospital para sana tignan si Nathan..Hindi ko alam pero kahit anong gawin ko nag aalala parin ako sakanya..

Wala na rin si Gary, namatay siya sa sariling kamay mismo ng anak niya, at si Nathan yon.. Nadiskubre na rin ng mga pulis ang iba pang pinagtataguan ni Gary ng drugs, at ang iba pang tauhan nito.. Nareport rin sa TV yon, pero hindi na naisama ang pangalan namin nila Michael dahil binayaran na ng mga magulang ni Michael ang media para na rin sa kapakanan namin.. Pinakilala ako sakanila ni Michael, at masasabi kong mabubuting tao naman ang magulang niya at magulang ni Sabrina, bigla ko tuloy namiss sila Mama.. Liliko na sana ako sa kwarto ni Nathan.

Pero nahuli ng mga mata ko si Michael na nakatayo sa isang pintuan ng kwarto, lumapit ako sakanya at kinuhit ko siya, agad naman siyang humarap.. Ganun parin, yung mga mata niya namamaga parin at punong puno ng lungkot yon.. He smiled at me, pero alam kong pilit lang yon, sandali akong sumilip sa nakaawang na pinto at nakita kong nakahiga sa loob si Sabrina, hanggang ngayon ay wala pa rin siyang malay.

“Bakit hindi ka pumasok sa loob?” – tanong ko sakanya, umiling iling siya.

“Hindi ko kayang tignan siya sa ganung itsura Akira..” – bulong niya..

Hinawakan ko ang balikat niya.

“Michael, ano ka ba..Ikaw lang ang mahihirapan niyang ginagawa mo..” – sabi ko sakanya.

“Okay lang ang mahalaga saakin..maayos siya.” – bulong niya..

Nakausap ko siya kagabi sa cellphone, kinuwento niya saakin kung anong nangyari sa anak nila ni  Sabrina, at nalulungkot ako para sakanilang dalawa.. Nasabi niya rin saakin na Kyle ang ipinangalan niya sa anak nila ni Sabrina..

Naglakad siya at sinundan ko siya, napansin kong papunta sa NICU o neonatal intensive care unit ang paglalakad niya, binigyan kami ng Nurse ng damit pampalit para makapasok sa loob, naka-mask din kaming dalawa..

Itinuro ng Nurse kung saan nandoon si baby Kyle..at halos madurog ang puso ko ng makita ko ang itsura ng bata..He has tubes and cords all over, at sobrang bilis ng paghinga niya..Maliit at payat pa si Kyle, pero kahit ganon ang itsura niya, makikita mo pa rin ang malaking pagkakahawig niya kay Michael..