ဆုံည်းခြင်းရဲ့ န်ိဒါန်း
ညိုမှိုင်းနေတဲ့ကောင်းကင်တစ်ခွင်၌ မဲမှောင်နေတဲ့တိမ်စိုင်တွေက တဖြည်းဖြည်းအိစက်ကျဆင်းလာပြီး မသိလျှင်ပဲပြိုကျလာတော့မည့်အခြေအနေဖြစ်နေသည်။
ကားလမ်းနံဘေးမှာတော့ မိန်းကလေးတစ်ဦး ခြေလှမ်းတွေတုံ့ဆိုင်းနေသည်။ ရှေ့ကကားလမ်းပေါ်သွားလာနေတဲ့ တဝှီဝှီမြည်နေသော ကားတွေကိုကြည့်ရင်း နဖူး၌ချွေးစတွေစီးကျနေပါသည်။
" ဟူး …… "
သက်ပြင်းတစ်ချက် ပြင်းပြင်းချရင်း လက်သီးကိုကျစ်နေအောင်ဆုပ်ရင်း သူမဆုံးဖြတ်ချက်တစ်ခုကို ခပ်မြန်မြန်ချလိုက်လေသည်။
" ဒီကားလမ်းရဲ့တစ်ဖက်မှာ ကျောင်းရှိနေပြီ … ဒီကားလမ်းလေး ဖြတ်ကူးနိုင်ရင် အကုန်အဆင်ပြေပြီ။ I can do well "
ရင်ဖုံးအင်္ကျီအဖြူ ထဘီစိမ်းလေးဝတ်ထားတဲ့ ကောင်မလေးဟာ ခြေလှမ်းတစ်လှမ်းကို ကားလမ်းပေါ်ချလိုက်သည်။
ပြီးတော့နောက်တစ်လှမ်းထပ်လှမ်းမည်အလုပ်
" တီ … တီ … "
သူမမျက်လုံးများပြာသွားသည်။ အရှိန်ဖြင့်လာနေသော ကားကိုမြင်ပါလျက် ခြေလှမ်းတွေကို နောက်သို့ပြန်မရွှေ့လို့မရတော့။ သေနေတဲ့ ကြက်တစ်ကောင်အလား တုံ့ဆိုင်းနေစဉ်
" ကလေး သတိထား …… "
တစ်စုံတစ်ဦးရဲ့အော်သံနဲ့အတူ သူမအနောက်က ပလတ်ဖောင်းပေါ်သို့ အရှိန်ပြင်းစွာ ပြန်လဲကျသွား၏။
သို့ပေမဲ့ သူမ မနာကျင်ပေ။ အကြောင်းကား သူ့အောက်၌ တစ်စုံတစ်ဦးရှိနေခြင်းကြောင့်ဖြစ်ပေသည်။
" ကျွတ် ကျွတ် … "
တစ်စုံတစ်ယောက်ရဲ့ စုပ်သပ်လိုက်သံကြားမှ 'မိုးဝဿန်လွင်' ဆိုသည့် သူမ အသိနဲ့သတိပြန်ကပ်ကာ ဘေးသို့ စောင်းလှဲချလိုက်လေသည် ။
ထို့နောက်စောစောက သူတက်ဖိထားမိသူထံ ပြန်လှည့်ကြည့်ခိုက် … ။
အဖြူအစိမ်းနဲ့ ကျောင်းဆရာမလေးတစ်ဦး ။ ထုံးလာသည့် ဆံထိုးမှာ ရော့ရဲပြီး မိုး ငေးကြည့်နေစဉ်မှာပဲ ပြေကျသွားလေသည်။ ပါးဖွေးဖွေးနုနုလေးနှစ်ဖက်အနက် ညာဘက်ပါးပေါ်၌ စံပယ်တင်မဲ့လေးတစ်စက် ရှိနေပါသည်။
YOU ARE READING
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...