သူ့ရင်ခွင်ထဲမှာခေါင်းလေးတိုးဝင်ပြီး အိပ်မောကျနေတဲ့ ပြည့်လေးရဲ့ မျက်နှာလေးကို လင်း ကြည့်ရင်း အကြောင်းအရာတစ်ခုကို စဉ်းစားနေမိသည်။တောင်းပန်ပါတယ်ကိုယ်မသိခဲ့လိုက်လို့ပါကွာ .. ဆိုတဲ့ သူ့ယောကျာ်းရဲ့စကားတစ်ခွန်းက နားထဲပဲ့တင်နေသည်။
ပြည့်လေးကိုလည်း လာပို့ပေးသွားတယ်ဆိုတော့ ... ဘာလဲ သူဟိုကိစ္စကိုများ သိသွားတာလား ? အဲ့ကိစ္စကိုသိတာ ငါရယ်မေမေရယ်... မမမြတ်နဲ့ ဇွဲကိုကိုဇော်ပဲသိထားတာပါ ..... မဟုတ်မှလွဲကော သား ဇွဲကိုကိုဇော်များ သွားပြောပြလိုက်တာလား .....
ဟင်း .....
သက်ပြင်းတွေ အကြိမ်ကြိမ်ချမိရင်း လင်း ရင်ထဲမွန်းကျပ်လာသည်မို့ ခုတင်ပေါ်ထထိုင်လိုက်၏။ ဘေးနားကိုကြည့်လိုက်တော့ တစ်ဖက်ခုတင်ပေါ်မှာ စောင်တခြားလူတခြား ဖြင့်ကွေးကွေးလေးအိပ်မောကျနေတဲ့ သူ့ရဲ့ကလေးလေး မိုးဝဿန်လွင်။
လင်း ခုတင်ပေါ်မှ အသာလေးလျှောဆင်းလိုက်ပြီး တစ်ဖက်ခုတင်ပေါ်၌ကွေးကွေးလေးအိပ်ပျော်နေတဲ့ သူ့ကလေးရဲ့ကိုယ်ခန္ဓာပေါ်သို့စောင်ကိုလွှမ်းခြုံပေးလိုက်လေသည်။
ပြီးတော့ ကုတင်ဘေးနားလေးမှာ ဒူးလေးထောက်ကာ ထိုင်ချလိုက်ပြီး အိပ်ပျော်နေတဲ့ မိုးရဲ့ မျက်နှာလေးကို တစိမ့်စိမ့်ငေးကြည့်နေမိ၏။ လက်ချောင်းသွယ်သွယ်လေးတွေနဲ့ လင်း မိုး ရဲ့မျက်နှာပေါ်က ဆံပင်တွေကို သပ်တင်ပေးလိုက်သည်။ ပြီးတော့ သူ့ကလေးရဲ့ မျက်နှာလေးနားသို့ တဖြည်းဖြည်းတိုးကပ်လိုက်ကာ နဖူးပြင်လေးကို နှုတ်ခမ်းတစ်စုံနဲ့ လင်း တယုတယနမ်းရှိုက်လိုက်လေတော့သည်။
" မ ရဲ့ကလေးလေး အိမ်မက်လှလှမက်ပါစေကွယ်..... "
X X X X
ပြည့်လေး အိမ်ကိုရောက်လာကတည်းက ဦးကောင်းထက်တစ်ယောက်အင်မတန်မှကို သဘောကျလို့နေသည်။ အစထဲကမှ မြေးအင်မတန်လိုချင်နေတဲ့ ဦးကောင်းထက်မှာ ယခုတော့ မတော်ရတဲ့မြေးတစ်ယောက်ရလိုက်သလိုပါပဲ။
YOU ARE READING
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...