ကျောင်းကပြန်ရောက်ရောက်ချင်း အဝတ်အစားလဲပြီးတာနဲ့ လင်းအောက်ထပ်သို့ဆင်းကာ မီးဖိုခန်းထဲသို့ဝင်လာလိုက်သည်။"ကြီးကြီး .... ဘာတွေချက်ဖို့လုပ်နေတာလဲ ? "
" ဒီနေ့ သီးစုံပဲကုလားဟင်းလေး အရည်သောက်ချက်ပြီး ဆိတ်သားနှပ်မလားလို့ ဆရာမလေးရယ်.... "
" ဟုတ်လား ..... ဒါဆို လင်း လည်းကူချက်ပေးပါရစေနော်... "
လင်းပြောတော့ဒေါ်လေးဝင်းက ပျာပျာသလဲခေါင်းကိုခါလိုက်ပြီး
" မလုပ်ပါနဲ့ ဆရာမလေးရယ်... အခုမှ ပြန်ရောက်တဲ့ဟာ နားနားနေနေနေပါကွယ်... "
" အမြဲတမ်း ကြီးကြီးချက်သမျှကို အဆင်သင့်လေးလက်ဆေးစားရတာ အားနာလှပြီ ကြီးကြီးရဲ့ .... လုပ်ပါနော်လင်း ကူချက်ပေးပါရစေ .... "
လင်း အတင်းပြောလိုက်တော့မှဒေါ်လေးဝင်းလည်း ခေါင်းညိတ်လိုက်ရလေသည်။ အိမ်ရှေ့မှာ စာအုပ်ထိုင်ဖတ်နေတဲ့ နွေးလေး လည်း အနောက်သို့ရောက်လာပြီး သူ့အမေနဲ့ဒေါ်လေးဝင်းတို့ ချက်ပြုတ်ကြတာကိုဘေးကနေ ဟိုဟာလေးလိုက်ကူ ဒီဟာလေးလိုက်ကူဖြင့်အမေ့ဘေးမှာကပ်လို့နေ၏ ။
လင်း ကတော့ တစ်အိမ်သားလုံးအတွက်နဲ့ အထူးဖြင့်သူ့ကလေးလေးအတွက်လက်စွမ်းတွေပြလို့နေသည်။
" ဆရာမလေးလက်ရာကတော်တော်လေးကောင်းတာပဲ။ ညကျရင်ဆရာနဲ့ သမီးလေးတော့ ထမင်းစားမြိန်မှာကျိန်းသေတယ်.... "
လင်း ချက်ထားတဲ့ သီးစုံပဲကုလားဟင်းကိုမြည်းပြီး ဒေါ်လေးဝင်းက ချီးကျူးတော့ လင်း ရယ်လိုက်မိ၏။ နွေးလေး ကတော့ စကားနည်းသူအလျောက်ထမင်းစားပွဲက ခုံလေးမှာ ငုတ်တုတ်လေးထိုင်ရင်းသာ ပြုံးပြုံးလေးကြည့်နေပါသည်။
ညကျတော့ မိုးတို့ သားအဖနှစ်ယောက်အလုပ်ကပြန်လာကြပြီးညစာထမင်းဝိုင်း၌ ထမင်းလက်စုံအတူစုစားကြတော့
YOU ARE READING
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...