လေးလံလွန်းလှတဲ့ မျက်ခွံတို့ကို လင်း အားယူ၍တွန်းကန်ဖွင့်ကြည့်လိုက်တော့ သူပထမဦးဆုံး မြင်တွေ့လိုက်ရသည့်မြင်ကွင်းက မျက်နှာကျက်အဖြူနဲ့ မီးချောင်းတစ်ချောင်း ။" သတိရလာပြီလား တီချယ်..... "
ခပ်တိုးတိုးလေသံလာရာဆီ လင်း အကြည့်တို့ကို ကြိုးစားလွှဲပြောင်းလိုက်တော့ သူနဲ့သိပ်မစိမ်းလွန်းသည့်ကောင်လေးတစ်ယောက်ရဲ့မျက်နှာ ။
" သား .... ဇွဲကိုကို ~~ "
အသံတိုးဖျော့ဖျော့ဖြင့်နာမည်လေးတစ်ခွန်းကို လင်း နှုတ်ဖျားကနေရေရွတ်လိုက်တော့ ဇွဲ ကသူ့ကိုရယ်ပြသည်။
" ကျွန်တော့မျက်နှာကို တီချယ်မှတ်မိနေသေးတာပဲ ..... "
ကိုက်ခဲလွန်းနေတဲ့ခေါင်းကို လင်း လက်နဲ့အသာဖိကိုင်လိုက်ပြီး
" တီချယ်ဘယ်ရောက်နေတာလဲ သား ? "
အားမရှိတဲ့လေသံလေးဖြင့်သူထပ်မေးလိုက်တော့
"တီချယ့်ကို မိုး နဲ့ကျွန်တော်ဆေးရုံကိုခေါ်လာတာ... ဒါ မိုး အလုပ်လုပ်နေတဲ့ဆေးရုံလေ ... မိုး လဲဟိုဘက်အခန်းမှာရှိတယ်... တီချယ့်ရဲ့သမီးလေးကို အခြေအနေသွားကြည့်နေတယ်.... "
သူ့သမီးလေးရဲ့အခြေအနေလုိ့ ကြားလိုက်တာနဲ့ လင်း ရင်တွေထိတ်သွားကာ
" သမီးလေး ~~တီချယ့်သမီးလေး ဘာဖြစ်လို့လဲ သား ? "
" ညီမလေးက နည်းနည်းလန့်ပြီး shock ရသွားတာလို့ပြောတယ်ဒါပေမဲ့ တီချယ့်ထက်အရင်သတိရလာပြီ ... စ်ိတ်ပူရမဲ့ အခြေအနေလဲ မဟုတ်ဘူးလို့ မိုးပြောတယ်တီချယ်... "
စိတ်ပူရမဲ့အခြေအနေမဟုတ်ဘူးလို့ ဇွဲပြောလိုက်ပေမဲ့ လင်း ရင်ထဲမှာတော့ ပူလောင်နေတာတွေ မငြိမ်းအေးသွားသေးပေ ။
" အခုလို တီချယ်တို့ အိမ်ထောင်ရေး အဆင်မပြေဖြစ်နေတာတွေက အဲ့နေ့ညကကိစ္စနဲ့ ပတ်သတ်နေလား တီချယ်? "
YOU ARE READING
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...