ကားနောက်ခန်းမှာထည့်လာတဲ့ခေါက်ဖျာလိပ်ကလေးတစ်ခုနှင့်စားစရာသောက်စရာတွေထည့်လာသည့်ဆွဲခြင်းတောင်းလေးအား မိုး နဲ့ လင်း ဘယ်ညာတစ်ဖက်စီ ဆွဲကြရင်း မြက်ခင်းပြင်တစ်ခုစီလျှောက်လာခဲ့ကြသည်။မိုး ဖျာလေးကို မြက်ခင်းပြင်ပေါ်ခင်းလိုက်ပြီး လင်း လက်ထဲမှ ဆွဲခြင်းတောင်းလေးကို လှမ်းယူလေသည်။
စားစရာသောက်စရာများကိုနေရာတကျ ခင်းကျင်းပြီးသောအခါ
" ဦးလေးညိုက တူတူစားကြဖို့ခေါ်လို့လဲမရဘူး။ အားနာနေတယ်ထင်တယ်... "
"စောစောထဲက မိုးခေါ်နေတာ ..... လက်ဖက်ရည်ဆိုင်မှာ စားပြီးပြီဆိုပြီးပြောတယ်။ ဘကြီးညိုက အဲ့လိုပဲ အရမ်းအားနာတတ်တာ မ ရဲ့ .... "
မိုး စကားပြောရင်း အဒေါ်ကြီးဝင်း ထည့်ပေးလိုက်သည့်lunch boxလေးတွေကို ဖွင့်လိုက်၏ ။ အထဲမှာ အသာညှပ်ပေါင်မုန့်များနဲ့ အာလူးလေးတွေကိုအချောင်းလေးတွေလှီးကြော်ကာ ထည့်ပေးထားသေးသည်။
" အို .... ကြီးကြီးက အများကြီးထည့်ပေးလိုက်တာပဲ .... "
လင်း တအံ့သြပြောတော့ မိုးခေါင်းညိမ့်ရင်း
" ဟုတ်ပါ့ မ ရယ်..... ကဲ မ အရင်စား ... "
မိုး သူ့မမကို ဦးဦးဖျားဖျားအရင်စားစေခဲ့သည်။
ရင်ပြင်ကနေ လှမ်းမြင်နေရသည့်ရွှေတိဂုဘုရားရဲ့ ကြည်ညိုဖွယ်ပုံရိပ်၊ကောင်းကင်ပြာပြာရဲ့ အနောက်ခံဆေးအလှချည်သမှုတို့ကြောင့်မိုး ပန်းချီဆွဲချင်သည့်စိတ်ကို မထိန်းနိုင်ခဲ့ ။
ထို့ကြောင့်စားသောက်ပြီးတာနဲ့ ကားပေါ်ပါလာတဲ့ ပုံဆွဲစာအုပ်လေးတစ်အုပ်နဲ့ ခဲတံလေးတစ်ချောင်း ယူလာကာ ပန်ချီကားနှင့်တူလောက်အောင်လှပလွန်းနေသည့်ကဗျာဆန်ဆန်ရှုခင်းလေးအား သူမ၏ ပုံဆွဲစာအုပ်ပေါ်၌ Sketchရေးခြစ်နေသည်။
BINABASA MO ANG
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...