" မ အဆင်ပြေနေပါပြီ ... ကလေးလဲ အလုပ်ပျက်ရက်တွေ များနေပြီ ... မ စိတ်ကို မ ထိန်းနိုင်နေပြီမို့လို့ မ အတွက်နဲ့ ကလေး ခွင့်တွေထပ်မယူပါနဲ့တော့ ... ကလေးကိုလိုအပ်နေတဲ့ လူနာတွေက အများကြီး ရှိသေးတယ်မဟုတ်လား .... "အိမ်ရှေ့ခြံထဲက ဒန်းလေးပေါ်မှာ နှစ်ယောက်အတူထိုင်ရင်း စကားအေးအေးဆေးဆေးပြောနေမိကြသည်။ အခုဆိုရင်မ ရဲ့မေမေဆုံးသွားတာလဲ ၂ ပတ်နီးပါပင်ရှိတော့မည်။ မ ရဲ့ယောကျာ်းဖြစ်တဲ့တေဇာ ဆိုတဲ့လူကတော့ ယခုတိုင်မ ရဲ့ဘေး ပြန်မရောက်လာသေးပါ ။ ဘာပဲပြောပြော မ အားငယ်နေတဲ့ အချိန်တွေမှာတော့ လင်ယောကျာ်းတစ်ယောက်အနေနဲ့ အနားမှာရှိနေပေးသင့်တယ်မဟုတ်လား ။ မိန်းမကိုယူတုန်းကယူပြီး အခုလိုပစ်ထားတာတော့ လုံးဝမကောင်းဘူးလို့ မိုး စိတ်ထဲကနေ မကြာခဏတွေးနေမိသည်။
" မ လဲမနက်ဖြန်ကျောင်းပြန်တက်တော့မယ်.... ဒီနှစ်ထဲမှာ ခွင့်ရက်တွေ သိပ်များနေပြီလေ ... ကြာရင်ပြုတ်မလားတောင်မသိဘူး ... "
ရင်မောတဲ့လေသံလေးနဲ့ လင်း ဆွဲဆွဲငင်ငင်လေးပြောလိုက်တော့ မိုး ခပ်ဖွဖွလေးပြုံးလိုက်မိ၏ ။
" မလောက်တော်တဲ့ဆရာမမျိုးကို ခွင့်ရက်များတာလောက်နဲ့တော့ အလုပ်မဖြုတ်လောက်ပါဘူး ... "
သူ့အဲ့လိုပြောလိုက်ရင်မ ရဲ့မျက်နှာမှာ အပြုံးလေးများ ဖြစ်တည်လာမလားဆိုတဲ့မျှော်လင့်ချက်ကလေးနဲ့ပြောလိုက်ပေမဲ့ မ ရဲ့မျက်နှာပေါ်မှာတော့ အပြုံးနဲ့တူတဲ့ အရိပ်အယောင်ကို မိုး မတွေးခဲ့ရပါ ။
အင်းပေါ့လေ ... ရင်ထဲမချိမဆံ့ခံစားထားရတာပဲ ... ဘယ်လိုစိတ်နဲ့ ပြုံးနိုင်တော့မှာလဲ ...
မိုးတွေးတောလိုက်ရင်း အကြံတစ်ခုကရသွားပြန်သည်။
" ဒီညနွေးလေးတို့ ပြည့်လေးတို့နဲ့အတူရွှေတိဂုံဘုရားသွားကြမလား .... မ ရဲ့စိတ်တွေလဲ ပိုပြီးငြိမ်းချမ်းသွားအောင်လို့လေ ..... "
YOU ARE READING
Don't Stop Believing
Romanceငယ်ရွယ်စဉ်မှာ ဘဝရဲ့အချိုးအကွေ့အကူးအပြောင်း၌ အေးစက်သွားကာ ခပ်ချေချေ ပေပေတေတေနေတတ်သည့် ကောင်မလေးတစ်ယောက် ... ။ " နွေးထွေးမှုဆိုတာ 'မိုး' ရဲ့ဘဝအတွက်တော့ နွေခေါင်ခေါင်မှာ နှင်းပွင့်လေးတွေကို စောင့်ဆိုင်းရသလိုပါပဲ .... " ( မိုးဝဿန်လွင် / Hanna Keiko ) ...