(2G)
စောင့်နေကျ လမ်းမထက်ရဲ့ တစ်နေရာမှာပါ။ ညမွှေးပန်းရနံတွေ ကျွန်တော်မရတော့ဘူး။ မွဲခြောက်ခြောက်နဲ့ ရှည်လျားနေတဲ့ ကျွန်တော်ဆံပင် လိမ်ကောက်ကောက်တွေဟာလည်း ညနေလေပြေနဲ့ ပိုတွန့်လိမ်နေတာများ ကဝေတစ်ကောင်လိုပါပဲလား။ တစ်ချိန်က သူကြိုက်နှစ်သက်ခဲ့ပါတယ်ဆိုတဲ့ ဒီဆံပင်လိမ်ကောက်ကောက်တွေဟာ အခုများတော့ အထီးကျန်ဆန်လွန်းလိုက်တာ။ တစ်ခါ တစ်ခါ မျတ်နှာပေါ် ကျဆင်းလာတဲ့ ဆံပင်စတစ်ချို့ကို စိတ်မကောင်းစွာနဲ့ သပ်သပ်တင်မိတယ်။ ကျွန်တော် မြင်ကွင်းထဲမှာတော့ အရာရာဟာ ရုပ်ရှင်တစ်ကားအတိုင်းပါ
ပဲ။
"သူငယ်ချင်း၊ ပြန်ကြရအောင်။"
နောက်လှည့်ကြည့်လိုက်တော့ ကိုဦး။ သူ ဘယ်အ ချိန်ကတည်းက ကျွန်တော်နား ရောက်နေမှန်း မသိဘူး။ အဲလိုပဲ ကျွန်တော်ဟာ ဒီနေရာကို ဘယ်အချိန်ကတည်းက ရောက်နေခဲ့မှန်းလည်း ကျွန်တော်မသိဘူး။ မိုးသားတစ်ချို့ဟာ အိပ်တန်းပြန်ဝင်သွားကုန်ကြတယ်။ ကျွန်တော်ကမ္ဘာထဲမှာတော့ ခိုအကောင်တစ်ရာ မွေးထားလိုက်တယ်။ မျှော်လင့်ခြင်းတွေဟာ ဟိုးမှာ... မြင်နေရတဲ့ ဆာကူရာတာဝါအတိုင်းပဲ မတ်စောက်တယ်။
"သူ ဘယ်တော့မှ ပြန်လာတော့မှာ မဟုတ်မှန်း မင်းသိနေတာပဲကွာ။ မင်းဘာလို့ စိတ်အပင်ပန်းခံပြီး စောင့်
မျှော်နေရတာလဲ။"
"အင်း...ငါသိတယ်။ ငါ သူ့ကိုစောင့်နေတာ မဟုတ်ပါဘူး၊ ငါ့အမှတ်တရတွေကို ငါမေ့မိသွားမှာစိုးလို့ ပြန်လာလာကြည့်နေတာပါ။"
ကိုဦးက ကျွန်တော်စကားကို ခေါ်င်းခါ ငြင်းဆန်လိုက်တယ်။ ပြီးတော့ သူ့ လက်ထဲက စီးကရက်တစ်ဝက်ကို ကျွန်တော်ဆီ လှမ်းပေးတယ်။ ပြီးတော့....
"ငါ နယ်ကိုမပြန်ခင်မှာ မင်းကို ပျော်ရွှင်စွာ နေနေတာမျိုးပဲ ငါမြင်ချင်တယ် သူငယ်ချင်း။"
သူစကားကြောင့် ကျွန်တော်ဝမ်းနည်းသွားရတယ်။ ကျွန်တော်ပုံစံဟာ လူတွေအမြင်မှာ ဘယ်လိုဖြစ်နေခဲ့ပြီလဲ။ အနာဂတ် ပျောက်ရှသွားတဲ့ အရူးတစ်ယောက်လို ဖြစ်နေခဲ့ပြီလား။ ပြက္ခဒိန်ကို သတိမထားမိတာလည်း ကြာပေါ့။ နေညိုချိန်တွေကို တော့ ညနေတိုင်း ဒီနေရာက ထိုင်ကြည့်ခဲ့တယ်။
"အေးပါကွာ၊ ငါ ကြိုးစားပါမယ်။ မင်းက ပြန်မလာတော့ဘူးလား။"
"မသေချာဘူး။"
"ဟူး....."
ကျွန်တော် သက်ပြင်းမောကို မှုတ်ထုတ်လိုက်တယ်။ အရာအားလုံးဟာ အရိပ်တွေချည်းပါပဲလား။ ပုံစံအမျိုးမျိုးနဲ့ ပြန်လည် ပျောက်ဆုံးသွားတတ်ကြတယ်။ တကယ့်ရတာက ကိုယ့်ကိုကိုယ်ပါပဲလား။ ကိုဦးဆီက နောက်ထပ် နိူးဆော်စကားတစ်ခုကို ထပ်ကြားရပြန်တယ်။ ဒီစကားကို ညနေတိုင်း ဒီကောင်ပြောဆိုနေရတာ ဒီကောင် စိတ်ပျတ် လှရောပေါ့။ ကျွန်တော်ကကော စိတ်မပျတ်ဘဲ ဘာလို ရှင်သန်နေရတာပါလိမ့်။
"မိုးစက်၊ ပြန်ကြရအောင် သူငယ်ချင်း။"
ကျွန်တော် မတ်တပ်ထရပ်လိုက်တယ်။ သတိရခြင်းတွေကပါ ကျွန်တော်လို မတ်တပ်ထရပ်ကြတယ်။ လွမ်းတယ် မျတ်ဝန်းညိုရယ်။
ပြီးတော့ ဆူးလေဘက်ကို လမ်းလျှောတ်လာကြတယ်။ လမ်းပေါ်မှာ တစ်ခုခုကို တွေ့လိုတွေ့ငြားနဲ့ ကျွန်တော်ခေါ်င်းငိုက်စိုက်ပြီး လျှောတ်နေမိတယ်။
(ဥပမာ ၁။ "မ" ထွေးထုတ်ခဲ့တဲ့ ပီကေစများ ၂။ ကျွန်တော် မျတ်ရည်စများ ၃။ ဘာမှန်းမသိသော အရာများ ၄။ ကျွန်တော်များ)
ရထားဂုံးကျော်တံတားရဲ့အလယ်လောက်အရောက်မှာ ကျွန်တော် ခြေစုံရပ်လိုက်တယ်။
"ဘာဖြစ်လို့လဲ။"
"ဒီနေရာပဲ၊ ငါအတိအကျ မှတ်မိတယ်။"
"ဘာ ဒီနေရာလဲ။"
"သူကငါ့ကိုမေးတယ်လေ၊ နင့် ငါကို စိတ်မနာဘူးလားတဲ့။"
ပြောပြီးနောက် ကျွန်တော်ရှေ့ကို ဆက်လျှောတ်သွားလိုက်တယ်။ ကိုဦးက တော့ တစ်ချက်စဉ်းစားပြီး ရပ်ကျန်ခဲ့တယ်။ နေလုံးက ဘယ်သူ့အိတ်ကပ်ထဲ ဝင်ရောက်သွားမှန်း တကယ်မသိတော့ပါဘူး။ ပေါ်က်ကရလေးဆယ်တွေ မြို့ထဲ ဆူညံပွက်လောရိုက်နေတော့တယ်။
"မင်းစကားကြောင့် သူက မင်းကိုပစ်သွားတယ်လို့ မင်းထင်နေတာလား။"
ဒီတစ်ခါ ပြန်တွေဝေသွားရတာ ကျွန်တော်။ ပြီးတော့ မရည်ရွယ်ဘဲ နူတ်က ရုတ်တရတ်ဖြေလိုက်တယ်။
"ဟင့်အင်း..သူ့ မှာသူ့အကြောင်းနဲ့ သူရှိမှာပါ။"
အဲဒီ စကားကို ပြောမိပြီးမှ အသေအချာပြန်စဉ်းစားဖြစ်တယ်။ မီးရောင်စုံ လင်းထိန်လာသလိုပါပဲ။
ဟုတ်တယ်။ လူတွေမှာ သူ့အကြောင်းနဲ့သူ ရှိကြတယ်။ ကျွန်တော်တို့ နှစ်ယောက်ရှေ့က သွားနေတဲ့ မိန်းခလေးတစ်ယောက်ဟာလည်း သူ့အကြောင်းနဲ့သူ ရှိလိမ့်မယ်။ "ပွမ်"ခနဲ မြည်သွားတဲ့ ဟွန်းသံတစ်ချက်မှာလည်း သူ့အကြောင်းနဲ့သူ ရှိနေလိမ့်မယ်။ မီးပွိုင့်ကြီး စိမ်းသွားခြင်းဟာလည်း သူ့အကြောင်းနဲ့သူ ရှိလိမ့်မယ်။
ဟုတ်တယ်။ အရာအားလုံးဟာ သူ့အကြောင်းနဲ့သူပဲ။ ရုတ်တရတ်ချည်းကို ကျွန်တော်အသိညဏ်တွေ အလင်းပွင့်သွားရတယ်။ တစ်နေ့မှာ ကိုဦးကလည်း သူ့အကြောင်းနဲ့သူ နယ်ကိုပြန်သွားလိမ့်မယ်။ တစ်နေ့မှာ ကျွန်တော်ဟာ သူငယ်ချင်းအသစ်တွေထပ်ရလာမယ်။ ပြီးတော့ တစ်နေ့မှာပဲ သူတို့နဲ့ကျွန်တော် ပြန်ပြီးခွဲခွာရဦးမယ်။
အဲဒီအခါ ကျွန်တော်မှာလည်း ကျွန်တော် အကြောင်းနဲ့ကျွန်တော် ပျင်းရိခြင်းတွေ ရှိကောင်းရှိမယ်။ ဒါပေမယ့် နားလည်သွားပြီ။ လွမ်းရခြင်းတွေ ၊ ချစ်ရခြင်းတွေနဲ့အတူ နားလည်လာရခြင်းပါ ထပ်ဆင့်တိုးပြီး ကျွန်တော်အိပ်မောကျခဲ့ပြီ။ သူပြန်လာလို့ပဲဖြစ်ဖြစ်၊ မပြန်လာလို့ပဲ ဖြစ်ဖြစ် ပြန်တွေ့ခဲ့ကြသည်ရှိသော ကျွန်တော်တို့ သူစိမ်းတွေဖြစ်ကြောင်း သူ့မျတ်နှာကို စေ့စေ့ကြည့်ပြီးကျွန်တော် ပြောရဲခဲ့ပြီ။ ကျွန်တော်အချစ် ဟာ အတိတ်မှာ ရွှေကွတ်ထားပေးခဲ့တယ်။ ကျွန်တော်အတိတ်ဟာ လင်းတယ်။ ကျွန်တော်အတိတ်ကသာ ကျွန်တော်နဲ့ပတ်သတ်တယ်။ ကျွန်တော်အတိတ်ထဲမှာ သူရှိတယ်။
တစ်စက္ကန့်.....
တစ်မိနစ်........
တစ်နာရီ......
တစ်ရက်.....
တစ်လ......
တစ်နှစ်......
ဒီလိုနဲ့ ရက်တွေလတွေ ကြာမြင့်သွားတယ်။
"သူငယ်ချင်း ငါ သမီးလေး မွေးတယ်ကွ။"
"ကိုဦး မင်းတော့ ဝဋ်ပြန်လည်ပြီ ဟေ့ကောင်။"
"အေး ဝဋ်မလည်အောင် ၊ ငါ့သမီးကို တစ်ခါတည်း မင်း နဲ့ ပေးစားထားလိုက်မယ် ဘယ်လိုလဲ။ "
"ဟား.....ဟား....."
ရယ်မောသံတွေ ဖုန်းထဲမှာ ဆူညံနေရောပဲ။ အဲလို ပဲ ဘယ်သူမှ အတိတ်ထဲမှာ အသက်ရှင်မနေခဲ့ကြဘူး။ အတိတ်ဆိုတာ နံရံပေါ်မှာ ချိတ်ထားတဲ့ ပန်းချီကားတစ်ချပ်ပဲ ဒီထက်မပိုခဲ့ဘူး။
တစ်ချိန်က ကျွန်တော့်ဘဝမှာ အလွန်တရာမှ အရေးကြီးပါတယ်ဆိုတဲ့၊
"မ"လို့ ခေါ်တဲ့ အမျိုးသမီးကို ပြန်တွေ့ခဲ့သော် ကျွန်တော်မှတ်မိတော့မယ်တောင် မထင်တော့ဘူး။ မှတ်လည်း မမှတ်မိချင်တော့ဘူး။
ကျွန်တော် မှတ်မိတာတစ်ခုပဲ ရှိတယ်။ ကျွန်တော်အခန်းထဲမှာ ချိတ်ဆွဲထားတဲ့ ပန်းချီကားပါပဲ ။အဲဒီပန်းချီကားထဲမှာ အလွမ်းတွေနဲ့ သေနေတဲ့သစ်ပင်တစ်ပင်ကို ပုံဖော်ဆွဲထားတယ်။
ဒါပါပဲ။ ဘဝကို လိုအပ်တဲ့ အချိန်တိုင်းကျွန်တော် အကျဉ်းချုပ်ဖြစ်ခဲ့တယ်။
THE END
9:27PM
Sep2.2017
Minsetwai
