အခန်း(၈)
မနက်မိုးလင်းပြီဆိုတာနဲ့ ပြတင်းတံခါးမှ ကျေးဌက်ကလေးတွေက တစာစာအော်နေကျတယ်။ လိပ်ကာအစွန်းထောင့်ကနေ ဖြာထွက်နေတဲ့ နေရဲ့ရောင်နီဦးက နွေးရဲ့ပါးပြင်ပေါ်ကို ချစ်စဖွယ်ထိုးကျနေတယ်။ ကျွန်တော် အသာလေး နမ်းလိုက်မိတယ်။
"ဘာလုပ်တာလဲကွာ။"
"မနိူးသေးဘူးထင်လို့ ခိုးနမ်းတာပဲကွာ။"
"လာမနမ်းနဲ့ မောင့်ရဲ့ မ ကိုပဲသွားနမ်း"
"မနမ်းချင်ပါဘူး။ အခုနေရှေ့မှာ ဘွားခနဲပေါ်လာရင်တောင် ပြန်မောင်းထုတ်ပစ်မှာ။"
"အပိုတွေ။"
နွေးရဲ့မျက်စောင်းလေးကြောင့် ကျွန်တော်ဆနာက်တစ်ခေါ်က် သူ့နူတ်ခမ်းလေးကို ထပ်နမ်းပစ်လိုက်တယ်။
"ဘာဖြစ်နေတာလဲလို့"
"ချစ်နေတာလေကွာ။"
"မျက်နှာလည်း မသစ်ရသေးဘဲနဲ့။"
"နွေးကျတော့ရော။"
"အခုထသစ်မှာ။"
နွေးရော၊ ကျွန်တော်ရော မျက်နှာသစ်ပြီး ရေချိုးခန်းဝင်လာခဲ့တယ်။ ဒီနေ့က ရုံးပိတ်တော့ အေးအေးဆေးဆေးပဲ။ အိမ်မှာပဲ သတင်းလေးဘာလေးကြည့်၊ စာလေးဘာလေးဖတ်ရမယ်။ အပြင်တော့ မထွက်တော့ဘူး။ အပြင်မှာက ကိုဗစ်ကြောင့် အခြေအနေတွေက မကောင်း။ ကိုဗစ်ဆိုလို့ ဒီရောဂါကို တရုတ်တွေ ဘာလို့များ အစပျိုးခဲ့ကြတယ်မသိဘူး။ အတော်ဒုက္ခပေးလွန်းတဲ့ရောဂါ။
"မောင် ထမင်းကြော် စားလို့ရပြီနော်။"
ကျွန်တော် ထမင်းကြော်စားဖို့ ဆင်းလာတော့ ကျွန်တော်ကို မ ပေးခဲ့တဲ့ အဝါရောင်ခွက်လေးကို ထမင်းကြော်ပန်ကန်းဘေးမှာ တွေ့ရတယ်။ စိတ်ကြည်နူးစရာပဲ။ ပုံမှန်းအတိုင်းပဲ ဘာမှ မပြောင်းလဲခဲ့ဘဲလေ။ ဒါကို မ သိဖို့ ကောင်းတယ်။
တကယ်တော့လည်း တွေးကြည့်ရင် ကိုယ်ကအောက်နိမ့်ကျတဲ့ထိ ဆုံးရှုံးနေတာကို တစ်ဖက်လူက သဘောကျနေတယ်ဆိုရင် အတော်ကို စိတ်ကသိကအောက်ဖြစ်ပြီး ဒေါသထွက်ကျမှာ အမှန်ပါပဲ။
ဒါပေမယ့်လည်း ကျွန်တော်က
"မ" ကျေနပ်ပျော်ရွှင်နေရင် ကျွန်တော်အရှုံးပေးနေရလည်း တန်တယ်လို့ မှတ်ယူနေခဲ့တဲ့ ကောင်မျိုးပါပဲ။
ဒီအချိန်မှာပဲ နွေးက အနားမှာ ဝင်ထိုင်ရင်း "မောင်တို့အလုပ်က မပိတ်သေးဘူးလား။ ဒီအချိန်အခါကြီးမှာ ဒီလောက်အန္တရာယ်များနေတဲ့ဟာကို။" "အခုပိတ်ပေးတာပဲလေနွေးရဲ့။ ဒီတနင်္လာရုံးပြန်တတ်ရင် ရုံးဖွင့်ရက်ကို သူတို့လျော့ချဖို့အတွက် ဆွေးနွေးကြမှာလေ။ ပြောသာပြောသာပါကွာ ။ သူများတွေ အလုပ်တောင်မရှိတော့လို့ ဒုက္ခတွေရောက်နေကြတာ နွေးလည်းမြင်တယ်မှတ်လား။ ဒီအလုပ်လေးရှိတာ ကံကောင်းတယ်လို့ ဆိုရမှာပဲ။"
