The Wicked Liar 1: The Lying Formula [PUBLISHED BY POP FICTION]

Lie #3: Dinner with school hotties

Hindi ako nakagalaw hangga't naririnig ko pa ang makina ng sasakyan ni Derick. Nang mawala yun saka lang ako bumalik sa realidad na wala na pala siya. Nag umpisa na ako maglakad. Sinisipa ko pa yung mga batong nakaharang sa dadaanan ko. Kainis yung lalaking yun! Akala niya hahabulin ko siya? Psh

"Miss, care for a ride?" muntik pa akong himatayin sa gulat nang may magsalita sa likuran ko. Hinawakan ko pa ang dibdib ko para pilitin na pakalmahin ang sarili ko.

"Robie ikaw pala!" obvious na sabi ko. Ngumiti lang siya na parang naisahan niya ako at kumaway. Sa pag iisip ko sa Derick na yun ni hindi ko narinig ang pagdating niya na naka scooter

"Akala ko ba ihahatid ka ni Lusterio? Bakit nandito ka pa?" nagtatakang tanong niya at sinipat ako mula ulo hanggang paa. Akala niya siguro may nagbago sakin

"Hindi. Tumanggi kasi ako. Uuwi na lang ako mag isa" yumuko ako tanda na aalis na ako. Tumalikod na ako at nag umpisa maglakad.

"Ihahatid na kita para mabilis kang makauwi" sabi niya. Lumingon naman ako at umiling.

"Wag na, maaabala ka pa"

"Tsk ano ka ba naman? Dahil nga sakin kaya ngayon ka pa lang makakauwi eh. Come wag ka na tumanggi. Gabi na din naman. Hindi safe na maglakad ka pa" pamimilit niya

"Eh ano kasi--"

"Please hindi ako makakatulog ng maayos nito eh" ginesture niya pa yung mga kamay niya na parang nagdadasal. Nag pout din siya kaya parang ang hirap naman kung tatanggihan ko.

Nag nod na lang ako at lumakad papunta sa kanya. Nakita ko naman na parang tuwang tuwa siya. May extra naman pala siyang helmet kaya din siguro ganun na lang kung magpilit siya. Hmm, maganda na din siguro to. Sa totoo lang natatakot na din naman ako.

"Tsk wag ka dyan kumapit sa balikat. Dito ka sa bewang" bago ko pa maibaba ang mga kamay ko siya na ang gumawa nun para sakin. Nagulat pa ako. Huhuhu nasasagwaan kasi ako sa posisyon namin eh

"Relax I dont bite" umoo na lang ako at maya maya umandar na kami.

Tahimik naming binabagtas ang kalsada. Nagpapasalamat naman ako na hindi siya nagtatanong. Kahit alam ko ang isasagot sa kanya hindi ko naman alam kung makakapagsalita ako ng maayos dahil nga sa ayos naming dalawa.

"Kanina pa tayo magkasama pero hindi ko alam ang pangalan mo" ugh ito na nga ang sinasabi ko eh!

Lumunok muna ako ng tatlong beses bago sumagot "Erica"

"Eh bakit parang hindi naman yun ang tawag sayo ni Derick kanina? He called you in different name. Maria ba yun?"

"Nah. Manilla"

"Nice name" hindi na ako sumagot. The following moments itinuturo ko na sa kanya ang daan papunta sa amin. Bigla na naman akong kinabahan. Sa pagmamadali ko kanina ni hindi ko na naalala tumawag. Ano kaya ang ipapalo sakin ni mama mamaya?

A. Sinturon
B. Yantok
C. Walis tingting

Hay sana naman wala. Hindi ko din ginusto na gabihin ako. Tsk, pero wala naman akong masisi. Hindi naman intensyon ni Robie na matamaan niya ako ng bola kanina. Tatanga tanga lang din talaga ako na maglakad absent mindedly sa field.

"Yun na ba bahay niyo?" nag angat ako ng tinigin ng may ituro siya. Napakunoot ang noo ko. Sobrang liwanag sa bahay namin at may mga sasakyan sa labas. Hindi lang basta sasakyan. Police mobile.