غسلت و باقا حاسا بالغمة فقلبي، و جات خنساء و غير شفتها و انا نعنقها و هي مفاهما والو انا (مبتاسمة): خنساء عاقلة على الايام لي كنا فالتحضيري كنشفرو الستيلوات للتلاميد لي مكنحملوهمش خنساء (كرزات عليا): لي شفر ليك نشفر ليه و لي شفر ليا تشفري ليه انا (عيني غرغرو): و ملي كنا نتحلفو على شي بنت و نخرجو نتفوها خنساء (حسيت بيها كتبكي): سكتي ا بيتي ماشي وقتك انا (خلطنا الدموع بالخنونة و حالتنا حالة): مغيطرا والو ياك، حنا صحابات بوغ توجوغ خنساء: الحمقة مكبنش لي يفرقنا حنا واخا نتزوجو غير دخلو علينا هاجر و فدوى و حنا نمسحو دموعنا باش منبينوش ليهم و نخليوهم فرحانين بهاذ النهار لمهم تكرفصو عليا فالحمام خصوصا هاجر و فدوى اما خنساء شبعات عليا غير ضحك، و من الحمام جا يوسف وصلني للصالون وولي مكنتش باغا نمشي ليه غير الواليدا و صافي... معرفتش ملي وصلت للصالون و انا غير كنتهاود مع الدريات و بحالا نسيت بانني كنوجد فراسي على قبل عرسي، بغيت نقول حفلتي اما حتا العرس مخلانا نفرحو بيه... خرجت من الصالون لابسة قفطاني اولا تكشيطتي لمهم هاذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
درت مشطة طالعة فشعري، و غطيتها بشال، زعما راني مستورة... لمهم مكترتش الماكياج حيت اش جا ميحيدو ليا، و خرجت كنضحك مع الدريات حتى لقيتو قدامي، متكي على لوطو ديالو و كيقلب فالتيلي ديالو... هاجر (حدا ودني): و تيتيز ا صاحبتي فدوى: تقولي طحتي على الكنز خنساء: غتوقفو مع نسيبنا وا مع صاحبتنا، عنداك ا بيوتي نتي حسن منو، لالة لبنات انا: كتشوفو فيا بحالا منعرف منين طحت عليه، وراه هوا لي جا ليا انا مقربت كاع ليه هاجر (بشك): زعما؟ خليتهم و تحركت حتى وقفت عليه، و هوا يهز فيا عينو، و بقيت حاضيا ردة الفعل ديالو، ساعة ولد اللادينا طلعني و نزلني بعينيه و زاد برك بلاصة الشيفور بلا محل ليا حتا لباب، و حتا انا مدخلتش للوطو يالاه عروسة و ميحليش لباب تا نا مداخلاش... بقيت واقفة شحال حتى فهم راسو و خرج لعندي و حل ليا الباب، و انا ندخل بكبرياء و هوا بين ليا بارد المشاعر، مكيناش حتا شي مجاملة، ما عندي زهر حتا مع الرجال... صحاباتي حبيباتي كل وحدا جا ليها راجلها بغيت نقول خطيبها الى خنساء لي فضلات تشد طاكسي، خيفا انا غير ليرجعو دوك العصابة يشدو خنساء، اولا يفرتكو لي عرسي، راني عارفا معندي زهر... كان الجو هادئ فالطريق و لا انا دويت ولا حتا آسر حتى وصلنا قدام دار والدين آسر فين ديرين الحفلة، و الصارحة الدار غطرطق بالديكورات و الضواو و اصوات الموسيقا واصلا فين و فين، كيدارو وجدو هادشي كااامل فهاد المدة... اشوية حتا خرجو كاملين و على رأسهم الواليد و الواليدا و خالتي حياة، و بداو الزغاريت و الدقة المراكشية، و بان ليا آسر معجبوش الحال بهاذ الحالة و الفضيحة و زيد ان الصحافة وراني، ويلي غدا نتصدر الجرائد... دخلنا و آسر شاد لي فايدي و انا مكرهتش نقطعها و نخليها ليه من شدة الحشة و الضيق ديال البلاصة، و المشكلة العويصة هي انني كنفرنس علاش منعرف، مبقيتش كنتحكم حتا بتاعابير وجهي... دخل آسر برك مع الرجال، و دخلوني وسط لعيالات و هي تبان لي هالة كضحك معاهم، و تفكرت داك النهار، دابا اشنو نعيرها، ولكن هيا خافت غير علا ولدها، و انا مالي تخاف عليه و لا علا راسها، ولكن الكبدة صعيبة... و ناري وا شيطاني تبت على كلمة وحدا، شيطان حنين، صافي غنسمح ليها... غير شافتني و هي تنوض عندي عنقاتني و دوات لي فودني هالة: حسناء سمحي ليا على ولبارح راه غير العاصاب و تفقصت ملي ملقيتوش فالدار و تخلطو عليا الامور بعدات عليا و دارت ايدها على حنكي هالة: تبارك الله اليوم الطايح كتر من النايض و النيض يصلي على النبي انا (حشمت و حدرت عيني، ويلي من ايمتا): ربي يخليك ختي هالة جراتني جكوزتي و بركاتني بين العيالات و شدوني النقاشات يحنيو ليا فايدي، و انا كنضحك مع الناس، وخنساء حتا هي شداتها مامات ناصر و العائلة بالهضرة، و هاجر و فدوى باركين غير على النميمة، شوية حتى دخل راجلي لعزيز و برك حدايا بلا حشمة بلا حيا، و جا السي لعدول لي بين ليا غيطول معانا بزااااف... اوا و بدأت المحاضرة العدول: نتوما اوليداتي مقبلين على مسؤولية كبيرة، و الزواج مشي غير شراكة بيت و صافي راكم غتشاركو حياة باكملها... و برك يبلابلي حتا شكيت بلي راني نعست، عاد سولنا واش قابلين، و الصارحة الصارحة مترددتش انني ندوي، راه قلت ليكم مكنفكرش قبل ما ندير شي حاجة، اوا و سنيت ديك الورقة بحالا غير مجرد ورقة لا علاقة لها بحياتي، و آسر بقا كيدير فيا ديك الشوفة ديال فت فت متعطلتيش انا (باستغراب): مالك آسر: زعما مقالش ليك راسك فكري، صافي صافي اري ديك الورقة لهنا جر الكاغط، و سنا عليه بكل برود ة اعصاب و طلقوها العيالات زغاريت و الرجال واقفين يتعانقو، و كملوها ملي جات ديك النكافة المزمرة و بركات تحط ايدي فايدو و يصورونا، و صافي عرس هادا خاص غير الدهاز علاش صيفطوه للدار... لمهم جابو الخواتم و زرب عليهم آسر لبسني الخاتم و غير لبستو و هوا ينوض تلاح باش يبقا بعيد
