فين داني زهري (تتمة)

الجزء 18

ناصر (كيستافزها): جاتك
ناضت معصبة باغا تقلب الطبلة
خنساء: واااع
و خلاتو مع نردين و ربيعة لي تخلعو، و زادت لبيتها باغا طرطق، اوا صافي ها هي غتلحق على صاحبتها، نقدرو نقولو ان ناصر مموافقش على داكشي لي بركت تقول فيه مي مخاصهاش تغلبو فالهضرة، و خلاها لوقت يبين ليها لي ليها و لي عليها... مع معاجبها حال خلاتو هوا يدير كلشي و هي بركات غير فدار و فالخدمة اولا عند بيوتي... قضية نردين دازت للمحكمة، و قدر ناصر يجمع شي ادلة ضد عمر وخا قليلة، مي مع شهادة بيوتي كانت كافية و بفضلها دخل عمر للحبس 10 سنين... خليونا فخدمة ناصر و آسر، عطاهم زيد المعلومات لي خاصينهم، و عرفو المقر فين جا و الكود ديال الخزنة، و بقا عليهم غير يوصلو للوراق، و آسر كيدور ليه واحد الشيطان فراسو، باغيه يخدم معاه هاظ المرة، انه الياس، اه آسر من كترة ما عودة ليه بيوتي على الياس و علا التعفريت ديالو، بغا يجربو فهاد المهمة، حيت اولا شخص معرفة يعني معندو حتا مصلحة من انه يوصل الهضرة، عاد زيد انهم غيديرو لي عليهم بالتهديد... و فعلا مشا آسر عند الياس و دوا معاه على انفراد و قالو بلي بغاه يدير ليه شي خدمة، و قالي بلي غير قانونية، و لاخر مع مسيزي و باغي يخدم باش يتزوج باسية قالو مرحبا... غنشرح ليكم لي طرا و تبعو معايا، عارفين ان الياس هاكر واعر، و ثاني حاجة خبير فالاقفال، يعني غيفيدهم من جهتين، كان خاصهم يقتاحمو المقر فنهار لي ميكونوش فيه لاخرين، فقدر آسر يوصل لواحد رجل اعمال و عطاعم مهمة وهمية نهار السبت... ملي خرجو عيون الجليد للمهمة الوهمية، جا دور الياس لي ختارق النظام بعد مشاقة كبييييييرة، و قدر يخصر كمرات المراقبة و سرق كاع الملفات لي عجبوه، اصلا هوما غفلو و خلاو النظام بلا حماية قبل ما يخرجو... مشا ناصر و الياس لموقع الحدث، و وقف ناصر و رجالو مطوقين البلاصة بفراداهم، و الياس كيف المشيش بينهم، المزيانة هي انه شابع لبنت عمتو مكيخافش من هادشي، اوا برك الياس جابد سوارتو ولا منعرف اش دكشي مضارب باغي يحل الباب، ولكن لقا صعوبة و مبغاش يتحل ليه، و الوقت كيدوز
ناصر: الى مكنتيش كتعرف ل*** خليه
الياس: راني دير جهدي هادشي معقد
ناصر (دار خنزر فيه): بعد
بعد الياس و هوا يتيري ناصر فالقفل و طاح القفل، و هوما يدخلو للداخل، و من الواضح ان هاد المقر قديم حيت مفيه حتا واحد... تبعهم آسر، و تفرقو كيقلبو البيوت ، و ناصر لي جا فيه البيت لي فيه الخزنة، حدو عيط لآسر، و مشا ديريكت للخزنة باغي يحلها، ولكن مبغاتش تحل ليه، و الياس وقف كيتفرج فيه و هوا كيتعابز معاها
ناصر (شاف فالياس): مغتعونيش
الياس (كينعت فراسو): عليا انا
ناصر (ضور وجهو للجهة لاخرا معصب):هاد ****
الياس: قلتي شي حاجة
ناصر: قلتي يا غتجي تحل هاد **** اولا غنشتت ليك راسك و نصوب بيه ساروت
تخلع الياس مسكين، و مشا يجري للخزنة، و تربع فالارض قدامها، لمهم مكنفهموش لدكشي، بقا كيخربق شي لعيبات و شي فيسات و شي سوارت، و ضيع ساعة حتا بغا آسر و ناصر يقتلوه عاد حلها... ولكن قلت ليكم لا حياة لمن تنادي، لقاو الخزنة خاوية
آسر (ركل الخزنة): اش هاد *****
ناصر (كيطلع فشعرو): كدب علينا داك ****
آسر: دابا صافي راه مات و كلاه الحوت، خاصنا نفكرو فهادشي لي عندنا هنا
هوما مضاربين و الياس خاشي ايدو كيمسح فالحيوط ديال الخزنة
آسر: نتا اش كدير
الياس (خرج ايدو و هاز شي كارط مموار كاملة سكوتش): ها الملفات لي كيدويو عليهم
و فعلا خرجو و مشاو لمقرهم و معاهمالياس، و حلو الكارط مموار و جبدو كاع لي خصهم و لي مخصهمش و دارو عليه نسخة احتياطية... هادشي كامل فالوقت لي بيوتي و خنساء باركين يضاربو بالمساند فبيت بيوتي... دازت الايام و المحكمة قبلات الوراق لي دفعهم البوص ديال آسر و ناصر، و قال لشباب يخرجو من الموضوع هوا قاد بيه حتا يدخل رضوان للخبس، و يخرجهم من المافيا... خليونا نختاصرو الوقت حيت المضاربات ديالهم مكتقاداش... اوا العرس ديال خنساء، منقولش ليكم داكشي صداع، و حتا خنساء طلعات غزااالة تبارك الله، و باركا بارزا فبلاصتها و كضحك، و الدفوع داخل مع العريس من الباب، و هي ممسوقاش كضحك هي و بيوتي... صاراحا ناصر مكانش باغي هادشي غير نردين و ماماه لي بركو يبزرو... لمهم مشا برك حدا مراتو و كيصورو فيهم، و هي كدير فيه شي شوفات ناقصين
ناصر: مالكي كتشوفي فيا هاكدا
خنساء: عجبتيني
ناصر: اه بينا
لمهم دوزوها غير ضحكات صفرة و كتعيرو و هي كضحك و الناس عند بالهم راهم كترومنساو، و حتا هوا كيعيرها و هوا كير ديك الملامح لي حتا واحد مكيفهمها... لا الكارثة ملي دخلات ديك خيتي مع القاعة لي لابسة واحد الكسوة حمرا مضيقة عليها، و كتافها و فخاضها كاع عريانين بحالا حفلة عمل، و مشات ديريكت لعند العرسان، تحديدا ناصر، و بتاسمات فوجه خنساء و تحنات على ناصر و ايدها حطتها على رجلو
البنت: مبروك ا ناصر، فرحت ليك
ناصر: فكريني فسميتك، واش جيهان ولا وجدان ولا...
البنت: نجوى
و زادت تحدرات على ناصر قدام خنساء