حليت فاليزتي، و حليت الماريو، و زعما غنحط فيه حوايجي، ساعة لقيتو عامر، و المصيبة هي ان الحوايج لي فيه ديال لبنات و كلهم قطعتان، بركت كنشوف فدوك الشراوط و كنلوح و انا مفاهما والو، حتى دورت راسي لجيهتو لقيتو كيشوف فيا انا (هازة داك الزبل): اش هادشي آسر (مبرد ليا على قلبو): خاصني نوريك انا: لا شكرا السؤال هوا متأكد من انك راجل آسر (خنزر فيا حتا بغا يطيرني): معنديش مشكيل الى بغيتي تجربي انا (هاد الحيوان مكيمركش): اوا اش كيديرو حوايج بنات عندك فالدار آسر: انا مكنتش عيش هنا كنجي غير ملي كتكون معايا شي بنت، و هادوك حوايجهم انا: و مقدرتيش تلوحهم اولا تجمعهم، خليتيهم ليا فاص ا فاص آسر: مكان حتا واحد كيدخل للبيت و مخليتهمش، و اش فيها الى شفتيهم غتموتي هاد ولد اللدين باغيني نتلاح عليه، حوايج أوف... جمعت كاع داك الزبل فصاك و طوعتو من السرجم، و هوا كيشوف فيا بنص عين زعما راه ناعس... دابا مبقاش ضميري لي مسهرني ولات الفقصة لي مسهراني... اصبحنا و اصبح الملك لله، و نيضا من بعد ما نعست ساعة و منوضني غير التيلي لي مسكتش انا (باقا مشقلبة بالنعاس): الو خنساء: وا الخرا وا المرض و هاجر كتسنا فينا من الصباح واش مغتحضريش انا: النمرة غالط و قطعت، لثواني عاد سرات معايا الهضرة و نضت كنغوت انا: اويلي خطبة هاجر و انا نسيت خرج آسر من الدوش كيطلعني و ينزلي و انا كنجبد فالحوايج و نلوح باش نختار ما نلبس... خرجت من البيت كنجري و مشيت للبيت التاني باش منضيع الوقت فالمضاربة مع داك خينا على البيت، و لبست قفطاني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و طلقت شعري حيت من الاصل هاجر ديرا غير العيالات يعني ناخد راحتي، درت غير كلوز و ماسكارا و لويت عليا شال حتا نوصل، و مع ديك لي بغيت نخرج و هوا يوقف عليا آسر (مخنزر كيف العادة): فين غادا الالة انا: راه ليوم خطبت هاجر، شنو باغي دير ليا الحبس آسر: شكون هاجر انا: واش من نيتك، هاجر صاحبتي، نتا مكتعرف عليا حتى صحاباتي، حيد خليني راه تعطلت زدت و خليتو واقف منعرف فاش كيفكر، حتى بغيت نخرج من لباب لكبير و وقفني صوتو من ورايا آسر: تسناي انا نوصلك يا ختي جاني من الجنة و الناس، انا نيت مفيا لي نتسخسخ مع الطاكسيات... ركبت معاه فلوطو و تحرك و السقيل دير بينا غير حدي الى وريتو الطريق حتا حطني قدام الدار، و ملي نزلت و هوا يدوي معايا آسر: ملي تخرجي عيطي لي انا نجي ليك الله شفت السيد طاح عليه الحب اليوم، ياكما طالعاه السخانة، مضاربناش و متعيرناش و سكتنا و ولا ضريف، لا لا كين شي موشكيل هنا انا: آسر ياكما غتموت آسر (شاف فيا بنص عين): وصلات بيك درجت غبائك لانك تقتليني انا(لا لا باقي مغيموتش): غير سولناك الزمر و نتا محسوس خليتو و زدت دخلت اما هوا معرفتش علاش تبسم، اصلا لايهمني... دخلت و اول من شفت هيا خنساء لي كتبان ليا راكباها الخلعة، ولكن مع دلك مفركسة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مشيت حتا وقفت عليه و غير حطيت ايدي على كتفها و هي تقفز خنساء: بسم الله الرحمان الرحيم انا: امالك كتباني ليا مخلوعة، بعدا جيتي تيتيزا ا صاحبتي ليوم نخرجو ندبرو على شي رجال من غير دوك لي عندنا خنساء: غير سكتي المسخوطة راه عيط هاد الصباح و قربلها معاه و قطعت عليه و خرجت و هوا جاي انا (بحزن): هي خاصني نترحم عليك اصاحبتي خنساء: وا الخرا عطيني شي حل انا: الحل هوا انك تسكتي للحالة لي غتنوض ملي غترجعي خنساء: نتي مشي تاع الهضرة زادت و انا شداتني الضحكة و تبعتها انا: تسناي بلاتي غندويو بالعقل ولكن وقفت كنطل على فدوى، واي واي على السيدة تقول باغا تاخد بلاصة العروسة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
السيدة لقات يوسف عاطها راحتها حتا هي، و انا مالي خليهم من خلاهم لجلاهم الله يطليهم ببعضياتهم... خليتها و رجعت لخنساء لي بركات فواحد السداري بوحدها... انا: و دابا شنو المشكيل خنساء: المشكيل، كلشي مشكيل، هوا مشكيل انا موشكيل ماما مشكيل عاد هاد الزواج لي ملي غترجع ايمان... انا: دوي معاه خنساء: هاداك راه مشي ديال الهضرة، واش عودت ليك الزفطة لي زفطها و سلوكيتها سرحات و نتي كتقولي ليا هضري انا: و دابا باش عرفتيه باغي يتزوج بيك باش ينتاقم خنساء: و منعرف هادشي اول حاجة طاحت لي فبالي انا: كوراه كيبغيك خنساء: تبغيه لفعة انشاء الله اش كيبغيني هاداك كيعرف لحب منين كيبدا بعدا انا: و متعرفي خنساء: قلبي عليا الموضوع راه كنفكر دابا غير فالحرب لي غينوضها عليا ملي غنرجع كملناها هضرة و حتيت، اما هاجر العروسة ديالنا فتبارك الله طلعات غزالة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مدويناش معاها بزاف، حيت اصلا دوروها عائلت راجلها حسااام حبيب القلب، تعرفو غير كنتفكر بلي هي وياه تلاقاو غير فطوبيس كتشدني الضحكة، و شوف انا لي المافيا و القتيل و الحالة و هي غير طوبيس، احياني، لا و الواعرة هي انه مالك لاوطيل كبير فمراكش بطبعت الحال غير وارتو من باه، ولكن كوميم زعما عندو الفلوس و راكب فطوبيس، زعما يكون كان كيعرفها و تابعها، هادشي فيه التخلويض، و انا مالي... جمعت انا و خنساء مزيااان و عيطات ايمان باركات لهاجر و شدات معانا الستون...
