فين داني زهري (تتمة)

الجزء 22

نهار هز ناصر ايدو على خنساء، و كانت مضاربة كبيرة نيت، حيت خنساء مرجعات حتا ل 11 د الليل و مبغاتش تقول ليه فين كانت، و حطات رجل على رجل ممسوقاش ليه و هوا كيهز و يتحط...
ناصر: باغا تستفزيني دابا، قلتلك فين كنتي حتا لهاد الوقت
مسكين هوا جاعر و هي ممسوقاش
خنساء (كتشوف فضفارها): دخل سوقك و خلي سوقي بعيد عليك
ملي كبرات كبرات و وصلو للمعيار، هز عليها ايدو، و السيدة بغات تخرج من الدار، و دارت فيها مضلومة، و هوا صاراحا بجوجهوم ضالمين، حتا هوا مكيعرفش يتصرف، ملي بغات تخرج من الدار هزيتيها سديتي عليها فواحد البيت و قلتي لها و الله و تخرجي يتندبحك... لمهم دازت هاديك و لي موراها و لي موراها و كل مرة المضاربة... نرجعو لارض الواقع... اه نسيت نقلتلكمش، هالة حاملة، صافي غيولي عند مصعب خوه ولا ختو صغيرة، غير بيناتنا هوا مباغيش، غير عصام بارك عليه غتولي راجل... من لي حملات هالة و حياة مصدعة بيوتي
حياة: باقي مغنفرحش بحفيدي ابنيتي... الدراري زينين ا بنتي... مخطا عليا ايمتا نشوف ولاد ولدي آسر... بنتي حسناء ياكما كديري الفانيد...
و كملو من عقلكم، لمهم مخلات باش صدعتها، و بيوتي كدير معاها الصواب، و كتقول ليها الله يجيب... اما بينها و بين آسر كيشبعو غير ضحك، و بعد الخطرات كيحسو بتانيب الضمير، ولكن عارفين شياطينهم كيغلبو و كيقلبوها ضحك... ]
دويت مع البنات، و نضت قلت ارى نوجد شي حاجة جديدة ليوم، يعني اليوم يوم مهم، و يقدر نتهناو من المافيا... دخلت للكوزينة و قلت ارى نوجد كيكة بالاكريم... لمهم خديت راحتي فالكوزينة، و وجدت و ساليت درت العاصير، عالله غير ميعودش يقلب ليا الطبلة كيف ديما، انا عارفاه ملي كنضاربو خاصو يقلب ليا مجهودي، مشي مشكل لمهم غير مناكلش لعصا، راني باقا منسيتش داك النهار... لمهم دوزتو و صافي... شفت فالساعة بانت لي التمنية، عرفتو غيرجع دابا، و غير سمعت الباب تحل خرجت تلقيت ليه، ولات بليه هاد نتلقا ليه، فاللول كنت كنتلقا ليه باش نتعايرو، مي دابا عادي 😅 الله يعطينا عقل... داخل من الباب و بينا فيه عيان
انا: اوا كيداز داكشي
آسر (برك فالفوتوي): مزيان... ولكن باقي قرار المحكمة مشي ليوم حتا للحد الجاي
انا: مشي مشكيل، نوض غسل و اجي راني درت كيكة بغيتك دوقها
آسر: شي بلان هادا
انا: سير سير نتا غير حاضيني الله يستر، حرام فيكم النعمة
آسر: و كتجيني غريبة حسناء و ضريفا مجاتش
انا: و نوض باراكا من الهضرة حسن ما نجمع داكشي و نلوحو
آسر (تبسم و ناض): هانا نيض
بيوتي (داخلا للكوزينة كضحك): و هاكدا
على الاقل تعلمنا منقربلوهاش كيف ديما... وجدت الطبلة و جا برك قدامي، و حطيت الكيكة و العاصير... الحمد لله لحد الآن متقلبتش الطبلة... قطعت و عطيتو و خديت انا، كيجيني كيف الدري الصغير انا لي خاصني ندير كلشي... بغيت نبدا ناكل مي بقيت كنتسنا فردة فعلو ملي داق، بغيتو يقولي راها زوينا، اولا يجاملني، مي السيد كلاها بلا حتا مشاف فيا
انا (مخنزرة): وااا العاداب، و تا كيجاتك
آسر (شاف فيا): شنو دابا خاصني لي درتها نقولك كيديرا
انا: الله يا ربي الله، و دوقها بشوية و تبننها و قولي كي جاتك... بلاتي بلاتي نوريك
هزيت معلقتي و هزيت غير من لاكريم و عطيتو
انا: شوفو دوقها ووقولي كي جاتك غير بالراحة
بقيت هازة المعلقة من بعد ما كلاها و كنتسنا اش غيقول، و كنفرنس كنتسنا شي مجاملة
آسر(ببرود): مبيهاش
انا (كنتف فراسي): وااااع و معندكش مع المجاملات
ضربت فالطبلة و هوا غير كيشوف فيا باستغراب، و خليتو و زدت، و هوا كمل ماكلتو على خاطرو وبشوية هاد المرة... طلعت للبيت و بركت فيه و طالعا لي عيشة باغا غير معامن، حتا جا لحق عليا، و داخل بحالا مدير والو، و مشا كيحط حوايجو فالماريو و يجبد دياول الدار
آسر: مالكي اش طرا، عاد كنتي صحا سلام
انا: متبقاش دويني صافي مكنعرفكش انا
آسر: شنو كنتي باغاني نقولك
انا: والو
آسر: غير دوي دوي
انا: قتليك والو
آسر: بغيتيني نقولك راها جات زوييينة و حمقاتني بحال مولاتها و مداقها مغيتنساش لي...
بلا منحس بركت كنفرنس
آسر: هادشي غير فالافلام، سولتيني كيجات قتلك مابيهاش
وااااع و حتا فرحت و كسر لي احلااامي، تفوو... عطيتو بالضهر و نعست، و منسيتش ديك المخدة لي وليت كنعنقها قبل ما نعس...
[رجع للدار، و كانت خنساء باركا فالبيت و حاطت وجهها على ايدها و ساكتا بواحد الطريقة لي خلعات ناصر
ناصر: شفتك ساكتا ليوم يكما كين باس
شافت فيه مي مجوباتوش شي لي خلاه يزيد يتخلع، او خنساء تسكت كينا شي حاجة... زاد للبيت كيفكر اش واقع، واش زعما يكون دار شي حاجة... بقات خنساء باركا بوحدها و ضلامت الدنيا و ضلام الحال و باقا باركا كي موكا وسط الضلام... بقا ناصر كل شوية يتقلب فالسرير و يفكر مالها ما جات، فاللخر و هوا ينزل يشوفها، لقاها باقا فبلاصتها... مشا برك حداها
ناصر: يكما كين باس، شفتك غير ساكتة
خنساء (هزات راسها شافت فيه و رجعات كيفما كانت)
يالاه حط عليها ايدو و هيا تبدا تغوت و فمها مسدود
خنساء (بعدات عليه): اممممممم
ناصر (مبقا فاهم والو مال هادي): تي مالكي ليوم تقولي سادين ليك فمك
زادت تحركات للكوزينة، و ناض تبعها يشوفها اش كدير.