فين داني زهري (تتمة)

الجزء 24 الفصل 1

خرجت ديريكت عند آسر، داخلا للبيت بعجاجتي و مشيت بركت قدامو مربعة على السرير
انا: قاتلك باغا طلق
آسر: شناهيا، و ناصر
انا: معرفتش، قاتلك بغا يضربها شي مرة
آسر: و ملي مضربهاش و هرسها راه عندها عائلة الزهر كاملة، اما ناصر ميصيجبرش على هادشي، شرحي لي اش قالت ليك
عودت ليه و بلا بلا و مفهم حتا هوا حتا كلمة، حتا صونا عليه ناصر، و انا غير كنشوف فيه
آسر: ناصر فينك ا صاحبي
ناصر: متخليهاش تخرج من عندكم، راه غتبقا حتا تفش و تجي، و الى مجاتش بالخاطر انا نجيبها المهم مبغيتهاش تخرج برا
آسر: صافي كون هاني من هاد الجيهة
قطع و بقينا غير كنشوفو فبعضياتنا، واينييي...
اصبحنا و اصبح الملك لله...
فقت لقيت آسر فيق قبل مني، و بارك كيخدم فالبيسي قبل ما يمشي للشركة، حدنا صباح الخير و خرجت نشوف خنساء، ملقيتهاش فالبيت، لقيتها فالكوزينة، كطيب فالفطور
انا: اش هاد الحداكة ا ختي ا ختي، الريحة بعدا كتشهي
خنساء: ياك بعدا، و انا يا ختي مبغاش يجيني النعاس، قلت نوض نوجد لفطور قبل ما نمشي
انا: فين غتمشي، ياك باقا كونجي
خنساء: نمشي نقلب فين نبرك
انا (بصدمة): اويلي انا كينا و نتي تخرجي، لهلا يحيك و يطول الزمان على عينيك، غتبركي معايا حتا نشوفو هاد البيصارة فين غتوصل
خنساء (غتبكي ليا): ياك ولات حياتي بيصارة
انا (كنغوت): اويلي نتي مالكي مرضتي، تغبني عليا، و زوينا هادي
خليتها و زدت، و هي منعرف اش بقات كدير تما... بقيت معصبة شي ربوع ساعة عاد تفشيت و مشيت نحزرها، لقيتها باركا و كتحرك فرجليها و بينا عليها مديرونجيا
انا: خنساء...
باقا مكملتش طارت عليا شداتني
خنساء: العار بيوتي بغيتك تجيبي ليا شي حاجة...

يتبع...