فين داني زهري (تتمة)

الجزء 24 الفصل 2

[خرجات بيوتي تسخر لخنساء لي مقدراتش تبقا باركا، و ناضت كتمشي و تجي... غير جات بيوتي و هي تمشي تجري خدات ليها دوك تحليلات و مشات للحمام، و بيوتي تابعاها
بيوتي: وا خنساء غير تهدني
دخلات للحمام و سدات عليها و بقات بيوتي كتسنا فيه، دقيقة جوج ثلاثة، دارت نص ساعة عاد خرجات تقول كانت كتقرا على التحاليل الفاتحة... خارجا وجهها صفر، داكشي لي خافت منو وقعات فيه، بركات على السرير و بدات تبكي، و جات بيوتي عنقاتها
خنساء: كان خاصني نكون فرحانا زعما حيت حاملة، بلاصة هاكدا باركا نبكي
بيوتي: مديريش هاكدا، كلشي من الخير...
خنساء (مقاطعاها): اشمن خير و انا مكنحملش باه، انا كنت كندير الفانيدا، مفهمت والو
بيوتي: واش الفانيد غيتحدا مشيئة الله
خنساء: خاصني نزلو قبل ما يعرف ناصر
بيوتي (بصدمة): اويلي استغفر الله العظيم، واش واعيا بداكشي لي كتقولي
خنساء (كتبكي): لا مبقيتش عارفا اش كنقول، انا عيت، صافي كنحس بكلشي كيقجني، حتا واحد مباغيني و كلشي ديرني غير خدامة
بيوتي: الله يمسخك القردة، و انا شنو، مشي انا لي كنت معاك من يامات نشفرو ليكوش
خنساء (ضحكات بزز): متفكرينيش، راه التصويرة لي كنت شافرا فيها ليكوش ديال لطيفة و ايوب باقا عندي
بيوتي: اه حكا خاصني نوريك شي تصاور
مشات بيوتي كتجري للبيت، كان آسر كيبدل، شاف فيها كتقلب لمجر
آسر: علاش كتقلبي
بيوتي: غير على التصاور، لبس نتا و نزل تفطر باش متعطلش راه غنلحق عليك نحط ليك لفطور
آسر: واخا
لقات داك الكتاب، و خرجات مشات عند خنساء و بركات حداها و حلاتو...
بيوتي: عرفتي هادا شكون
خنساء: شكون
بيوتي(كضحك): هادا آسر ملي كان عندو 6 سنين
خنساء : ياع على خيبوع، مكيشبهش ليه دابا
بيوتي: وياه راه داك النهار شبعنا غير ضحك، خاصك تشوفي ناصر
دورات الصفحة
بيوتي: العار لما شوفي حالتو مسكين😂 قالك هنا تودر ليهم فالغابة
خنساء (كضحك): و مرمدوه الحيوانات
بيوتي: ويلي كلشي على كريم غنضحكو على ايمان مزيان...
و شدو الهضرة و الضحك، نسات بيوتي آسر لي غتهبط تحط ليه الفطور، ملي شافها منزلاتش هز من طبسيل الحلوى و خرج... و البنات بقاو يضحكو يضحكو حتا مبقاوش قادرين يحبسو، و نسات خنساء المصيبة لي عرفاتها اليوم...
خنساء: ناري آسر وىاك هادشي ا صاحبتي
بيوتي: اه راه شحال و هوا كيعود ليا كل تصويرة اش طرا فيها، زعما راهم عالاام
خنساء: كنتخيل فيه كيوريك، زعما هادشي غير مكتحاملوش
بيوتي: لا لا عادي، كنسلو و صافي، صاراحا هوا ضريف غير ايدو كتسبقو
خنساء: ويااه بداي تمدحي ليا فيه و شوية قولي ليا كتبغيه
بيوتي: سكتي سكتي راه مبقا والو و نطلقو، غير مبغيناش المشاكيل...
خنساء: بينا
و كملوها هضرا بيناتهم... اما ايمان لي عاد رجعات من شهر العسل، فبدات الحرب ديالها مع الخدمة، اه مشات باش تخدم مع كريم و الى صبرات شهى غيرسمها معاه، و هي داك الترسيم هوا لي باغاه... مسكينا مسخسخها، كتجارا من بيرو لبيرو، و كتهز فالوراق و تحول، و تقرا و تحسب، لهم كتعدب...
واحد مولاتي هاجر، بداو يوجدو للتكاتيبا، مبقيتيش تشوفيها، النهار كامل و هي مع حبيب لقلب... مزيان غير ملي كينا فدوى باش تعونها، حيت بيوتي و خنساء يالاه مكافين مع ريوسهم... و ايمان يالاه مكافيا مع كريم...
فيقا خنساء الليل كامل و هي كتقلب مبغاش يجيها النعاس...