فين داني زهري (تتمة)

الجزء 31

بيوتي(حطات المعلقة و صافي شبعات): و الله الى درتي فيا خير مكان فيا لي نوجد شي عشا
ناضت حلات السرجم د الكوزينة
بيوتي: كين الصهد ولا غير انا لي مزموتة
آسر(كان كيشوف فطبسيلو و كيحرك فيه بشوية): يمكن(هز عينو شاف فيها): توقعي اننا نقدرو منطلقوش
بيوتي(كضحك و بداو حناكها كيحمارو من الزمت): ونتا كيبان ليك ان زواج بحال هادا غينجح
آسر: و علاش لا
بيوتي: يمكن حيت غير كنا مجبورين عليه، و ملي غيطرا شي مشكل غنوليو ندمانين و كنلومو بعضياتنا
آسر: و يقدر يكون العكس
ناضت بيوتي حلات السرجم التاني
بيوتي: ناري علا زمت، غنتخنق هنا
آسر (ناض وقف حداها): نقدرو نجربو ا حسناء
بيوتي (شافت فيه شحال): و الى منجحناش
آسر (شد ليها من ايدها و قربها ليه): منفكروش فهادشي دابا
بيوتي (كرزات على ايدو): آسر اش درتي فالماكلا
آسر (تبسم): والو
قلت ليكم غيدير اسوء فكرة طاحت ليه على بالو، و فعلا دار ليها منشطات فماكلتها.......
نرجعو لخنساء لي متكية حدا ناصر و كتشوف فيه و هوا ناعس
خنساء (فخاطرها): شحال كيبان كيوت و هوا ناعس، الى سمعني يكمل عليا، ولكن صاراحا كيبان كيوت، واااع و عقلي رجع لبلاصتك...
بغات تبقا تكمل افكارها كون مقفزها الصونيط ديال التيلي د ناصر، و فاق ناصر و هي دارت راسها ناعسة... شاف ناصر فالتيلي، و عرف بلي الموضوع مشي حتا لتما، حيت البوص لي معيط ليه
ناصر: الو
البوص: ناصر فينك
ناصر: انا فداري بوص علاش، ياك عتازلنا الخدمة ياكما طرات شي حاجة
البوص: رضوان، شي ناس شافوه فالمنطقة، و اكيد باغي يضرب ضربتو ليوم، انا سيفطت لي غيشدوه، ولكن منضمنش انه مغيدير والو من هنا حتا يلقاوه
ناصر (ناض كيجبد حوايجو و كيدوي): صافي مزيان لي علمتيني انا غنشوف
البوص: علم آسر، راه عيطت ليه ولكن تلفونو خارج التغطية
ناصر: صافي انا غادي
قطع على البوص، و بدل حوايجو، مشا للخزنة ديالو جبد منها الفردي ديالو و عمرو
خنساء(تشطنات): فين غادي بهادا، ياكما طاريا شي حاجة، ياك خرجتي من المافيا
ناصر: كانت باقا ليا واحد الحاجة مدرتهاش، دابا خاصني نكملها
خنساء: ناصر، رد البال
خرج كيجري غادي ديريكت لوطو و تحرك عند آسر...
بيوتي(حالتها حالة) (كتغوت): متعودش ليا، نتا تقصدتي
آسر (حتا هوا معصب): و الى تقصدت، نتي مراتي
بيوتي: لا مكنتش، انا عمري كنت مراتك، نتا النهار اللول قلتي ليا غير تحميني، و من بهد نطلقو
آسر: انا مدكرتش الطلاق، نتي ودنيك مكيحققوش ليك الهضرة
بيوتي(خانوها دموعها من العصاب): نتا ستغليتيني، انا من اللول قلت ليك راه هاد العلاقة مغتنجحش
آسر: نتي حكمتي عليها قبل ما تحاولي
بيوتي: ولاكن مشي هاكدا، معمرني تمنيت نبدا حياتي هاكدا
آسر: مالكي كيفاش بديتيها
بيوتي: بديتها بالغش، نتا اااه
تعصبات و ناضت كتخوي فالبلاكار كتقلب...
آسر: علاش كتقلبي
بيوتي(جبدات وراق الطلاق لي غملو فداك المجر): انا دوك وراق الطلاق غنسنيهم، و الى مسنيتيش غندفع وراقي للمحكمة و نتفرجو
آسر (ناض جر ليها الوراق): هادو راه من اللول كان خاصني نحرقهم
بيوتي (شدات الوراق كتجر من عندو): لا غدي طلقهم ليا، عطيتك فرصة باش نطلقو خوت مي نتا لي مبغيتيش
آسر: هادشي لي ميكونش ليك
بقاو يتجارو على الوراق حتا شركوهم
بيوتي (كتبكي): صافي شدهم عندك، ولكن راه عمرني نبقا معاك
مشات لبسات لمونطو ديالها الطويل على ديك البيجامة، و دارت زيفها و خرجات مع الباب، يالاه غيتبعها، و هوا يعيط ليه ناصر
آسر (كيجبد فحوايجو من الماريو باش يلحق عليها): نعام ناصر اش كين
ناصر: رضوان كين هنا
آسر (غير سمع رضوان، عرف راه بيوتي مشات فيها): بانت ليك بيوتي خارجا
ناصر: منعرف انا يالاه وصلت مبان ليا حد
آسر: سير جيب دكشي لي بقا عندك فالدار، انا غنشوف داك *****
واخا تكون كطير... لبس اول حاجة فالماريو، و هز الفردي و خرج... و دارو انهم غيتلاقاو فالمقر باش يشوفو البوص واش عرف بلاصة رضوان ولا مزال...
رجع ناصر للدار كيجري، غير دخل شداتو خنساء
خنساء: اجي قولي اش طرا، راه قلبي واكلني
ناصر: بقاي هنا و سدي عليك الباب راه رضوان باقي متشدش، و صاحبتك مكيناش فالدار
خنساء: اويلي على مكيناش، انا غادا معاك نشوف صاحبتي
ناصر: فين غادا معايا بركي للارض
خنساء: لا والو يا اما تديني اولا نخرج حتا انا و قلب عليا ديك الساعة
ناصر: خنساء مشي الوقت للضد
خنساء: والو والو غنمشي هي غنمشي
مخلات ليه ما يقول، و مشات سبقاتو و ركبات فلوطو و دارت السمطة
خنساء: يالاه غير تحرك راني قادة براسي
كسيرا حتا للمقر، خلاها فلوطو حيت عارف مكين لي يقرب ليها هنا، و مشا دخل عند آسر لي كيتسناه، غير شافو آسر و هوا يخرج
آسر: قالت خرج من المدينة، راه خديت العنوان
ناصر: سبق نتا انا غندير لي عليا
هاد الجوج كيفهمو على بعضياتهم، و مشا آسر كسيرا تابع العنوان، و ناصر خدا طريق آخرى باش يدير داكشي لي خاصو يديرو لمهم...
بيوتي باركا مربوطة فداك الديبو و بارك رضوان قدامها و كتخنزر فيه
رضوان (كيستفزها): دابا شنو توقعي غيدير آسر الى لعبنا ليه بمرتو