اليوم: الخميس
المكان: بيت ام سلطان
الوقت: 2:30 الظهر
مهره:ماما بقولج شيء..
ام سلطان :قولي شو عندج ؟؟
مهره :انا قررت اكمل دراستي برع
ام سلطان:ان شاء الله يصير خير
دخل عليهم وهو متصنع العصبية : شو شو شو كأني سمعت سفر ودراسة برع
مهره:ترا اذا درست برع بأخذ خبره اكثر
سلطان :ومنو قالج اني موافق على السفره
مهره :انا سألت امي و وافقت وبعدين حتى لو ما وافقتوا انا بسافر يعني بسافر
قال بخبث:مهروه لا تخليني ارفض هاااا وانتي تعرفيني عدل
قالت بدلع:سليطين يعني ليش ترفض ماما شوفيه
ام سلطان ردت عليهم بتوتر تخفيه:انا ما يخصني فيكم سلطان دق على منصور شوفه وين
سلطان: ليش منصور ما رجع من المدرسه ؟؟
ام سلطان: امبلا رجع بس دخل يبدل ورد طلع سألته وين قال دقيقتين وراجع ولا رجع لين الحين
سلطان وهو عاقد حواجبه مستغرب : غريبه العاده يرجع ويغفي تحت مكيف الصاله لين الغدا
مهره: الحين انت اتصل وبعدين اقعد استغرب
سلطان عطاها نظره سكتتها واتصل ف منصور اخوه
منصور بملل وعصبية : خيييير شو تبا يعني انا طالع من البيت عشان ما اشوفك وداق عليّ بعد؟؟
سلطان ببرود: وينك ؟؟
منصور بعصبية اكثر : ف جهنم تبا تزورني حياك ترا يتريونك هني
سلطان بنفس البرود : أعصابك يالبطل شو فيك معصب تعال البيت أمك أدور عليك عشان تترس كرشتك
منصور بدون ما يرد بحرف واحد سكر التلفون على طول
..........................
اليوم: الخميس
المكان: بيت ابو حمدان
الوقت : 2:30 الظهر
العائلة مجتمعه على الغدا
ابو حمدان : كيف الدوام وياك اليوم ؟
فهد رفع عيونه على ابوه : تمام الحمدلله
آبو حمدان هز راسه : الحمدلله .. الا يا ولدي شو فيك ليش جذي صار حالك وين فهد الأولي؟؟
فهد بدون ما يرفع نظره :ما فيني شيء بس مصدع شوي
ابو حمدان: سلامتك .. ولف نظره على بنته .. وانتي وين عيالج
نوف: راقدين .. كانوا تعبانين من المدرسه ورقدوا
ابوحمدان: جان خليتهم يتغدون بعدين يرقدون
نوف: قتلهم بس ما رضوا .. بياكلون يوم بيقومون خليتلهم غدا
ابوحمدان: هيه كله ولا احفادي عاد
نوف: لا تحاتي .. امي مب مقصره
ابوحمدان: وانت حمدان شو الدوام اليوم معاك؟
حمدان: كالعاده تحريات تحقيق وقضايا .. ما شي الحال الحمدلله
ابوحمدان: والله ما ادري شو الي جابرك على هذي الشغله يا ولدي
حمدان: احبها ..رغم انها متعبه بس انا مرتاح فيها الحمدلله
ابوحمدان: وانتي شحالج مع الجامعه ؟؟
أنت تقرأ
بكلمة عمري والعمر فاني .. انت غير الناس عندي ولَك غلا ثاني
عاطفيةالروايه من وحي الخيال لكن بعض احداث الرواية مقتبسه من الواقع
