بيت ابو حمدان
رش من عطره المفضل وخذ تلفوناته وبوكه ومفتاح السيارة ونزل تحت متوجه لبيت عمته ميره .. وهو نازل رن تلفونه وكان المتصل اخوه ناصر
فهد: هلا ناصر
ناصر بتعب: هلا.. وينك؟؟
فهد وهو يشوف التلفون : موجود .... وباستغراب : انت فيك شيء
ناصر : لا
فهد برفعة حاجب: وين دواك ؟؟
ناصر بنرفزة : دواي فالبيت.. وعندي دوا عند منصور حاطنه عنده احتياط خلاص اف
وسكر التلفون فويهه قبل لا يتكلم
هز راسه فهد بأسف من حالة اخوه .. يعرف انه ما منه فايدة واذا كلمه اكثر بيعاند وبيعصب وبيتعب اكثر .. مر على محل الحلويات وخذ صحن شوكليت كبير ومر بعدها على السوبر ماركت الي قريب من بيت ام سلطان وخذ حلويات بعد .. وبعدها بدقيقتين وصل قدام بيت عمته ونزل ونزّل الاغراض معاه دخل عليهم الصالة وشافهم يسولفون
فهد : السلام عليكم
الكل: وعليكم السلام
فهد وهو يأشر على مهره : تعالي .. خذيهم
مهره قامت : وين اوديهم ؟؟
فهد بابتسامه : وين تودينه بعد ؟؟ .. يايبنهم حقج خذيه حطيه فخزانتج
مهره بفرحة : صدق!!! شكراً .. لفت على اخوانها وهي تأشر على فهد : يارب تكونون مثله يوم من الايام
الكل: هههههههههههههه
وقعدوا يسولفون شوي ودخل حمدان ومعاه ميره وفيصل
ام سلطان وهي تفتح ايدها : هلا ببنتي .. هلا بالسميه .. هلا بميرتي
ميره ركضت وقعدت ف حظن يدتها وقعدت تدلع عليها واتطالع مهره بنص عين
مهره برفعة حاجب: نعم ليش جي اتطالعيني ؟؟
ميره وهي تحرك حوايبها بمغايظ: يدووه اتحبني اكثر عنج واكككك
مهره: سلطان شوف بنتك بفرها ترا وايد تقهر
ميره: ههههههه انتي نفس الشريرات مال الرسوم كله معصبه
الكل: ههههههههههههههههه
مهره: ماما شو فيها شو تقول .. المفروض تفرينها من الدريشة
ام سلطان وهي تحضن ميره اكثر: لا ما افر قلبي انا .. صح ميره
ميره: ههههههه يدوه الحين بتصيح شوفيها ههههههه
مهره بخبث : اوك .. انتي خذيتي امي صح ..( راحت قعدت بين سلطان ونوف) انا باخذ امج وابوج بشوف شو بتسوين
ميره : اممممم وانا تعرفين منو باخذ
مهره : منو بتاخذين يعني محد يباج
أنت تقرأ
بكلمة عمري والعمر فاني .. انت غير الناس عندي ولَك غلا ثاني
Romanceالروايه من وحي الخيال لكن بعض احداث الرواية مقتبسه من الواقع
